ადამიანთა უმეტესობას ცხოვრებაში ერთხელ მაინც ჩავარდნია ტელეფონი წყალში. შესაძლოა, იგი ძლიერ წვიმაში დასველდა, აბაზანაში ან უნიტაზში ჩავარდა… პანიკის დროს, ბევრი იგონებს საგანგებო საშუალებებს, საყვარელი მოწყობილობების გადასარჩენად. ამიტომაც ვთვლით, რომ ასეთი მოვლენისთვის წინასწარ უნდა ვიყოთ მზად.
თუ ტელეფონი წყალში მოხვდა
ანალიტიკურ ჯგუფ Mobile Research Group-ის თანახმად, ტელეფონების უმეტესობა სწორედ უნიტაზში ცვივა. ეს იმ შემთხვევაში ხდება, თუ მომხმარებელი მობილურს შარვლის უკანა ჯიბეში ინახავს ხოლმე. თუ მის გახდას დაიწყებს, მძიმე ნივთი უეცრად გამოვარდება ჯიბიდან და უნიტაზში ჩავარდება.
მეორე ადგილზეა აბაზანა, რამდენადაც ადამიანებს უყვართ თავის გართობა აბაზანის მიღების დროს. მესამე ადგილზე ზღვა და ოკეანეა. როგორ შეიძლება, ასეთ ლამაზ ადგილას ფოტოს გადაღება არ მოგინდეს?
რა ხდება სმარტფონის შიგნით?
სანამ კონკრეტულ რჩევებზე ან აკრძალვებზე გადავიდოდეთ, გავერკვეთ იმაში, თუ რა ხდება ტექნიკაში, დასველების შემდეგ.
როცა წყალი აკუმულატორზე ხვდება, იგი მაშინვე არ ითიშება. ზოგჯერ, იგი წარმატებით აგრძელებს მუშაობას. თუმცა, ამის გამო, გაცემული მუხტი მნიშვნელოვნად აჩქარებს კოროზიის პროცესს. პლატაზე მეტალის ყველა ელემენტს წყალი ჟანგავს. რაც უფრო მეტი ელექტროლიტი, ანუ მარილია წყალში, ჟანგი მით უფრო სწრაფად ჩნდება.
ამიტომ, მოწყობილობის წყლიდან ამოღებისთანავე, იგი უნდა გამორთოთ. ჩართვა მხოლოდ სრულყოფილად გამოშრობის შემდეგ შეიძლება.
თუ ტელეფონი ზღვის წყალში ჩავარდა, ეს უნდა გაითვალისწინოთ. უკვე ვთქვით, რომ მარილები მხოლოდ აჩქარებს ჟანგის გავრცელებას. მარილიან წყალში ბანაობის შემდეგ, ტელეფონი ფრთხილად უნდა გაავლოთ სასმელი წყლით. თორემ, გაშრობის შემდეგ, მარილები ყველა ხვრელს ამოავსებს. თუ ყველა ღრმულსა და მემბრანას არ გარეცხავთ, დაიწყება მიკროფონთან, დინამიკთან და სხვა ნაწილებთან დაკავშირებული პრობლემები.
რა არ უნდა გააკეთოთ
- არ ჩართოთ ტელეფონი, სანამ სრულად არ გაშრება;
- არ შეაერთოთ დასამუხტავად;
- არასდროს გამოიყენოთ ფენი აქტიური შრობისთვის. ასე წყალს დაშავებულის სიღრმეში “შერეკავთ”;
- არ დადოთ მოწყობილობა ცხელ გამათბობელზე. ასე შეიძლება დადნეს თერმოწებო, რომლითაც კორპუსია გაერთიანებული. ამის შემდეგ, იგი ან დაიშლება, ან ჰერმეტულობას დაკარგავს. იგივე ეხება ფენის ცხელ ჰაერს;
- არც კი იფიქროთ მიკროტალღური ღუმელის გამოყენებაზე. უბრალოდ, არ გააკეთოთ ეს;
- არ შეიძლება ტელეფონის ნჯღრევა. ასე სითხის იმ ადგილებში მოხვედრას უზრუნველყოფთ, სადაც ჯერ ვერ შეეღწია. ჩვენ ხომ არ გვინდა, რომ დაზიანების ადგილი მაქსიმალურად შემცირდეს.
როგორ უნდა მოიქცეთ
- ტელეფონის წყალში მოხვედრის შემდეგ, იგი სწრაფადვე ამოიღეთ და გამორთეთ.
- მოხსენით ქეისი და მაქსიმალურად დაშალეთ. თანამედროვე მოწყობილობებში ელემენტის ამოღება შეუძლებელია, თუმცა, სატელეფონო და მეხსიერების ბარათის გამოცლა მაინც შეიძლება.
- ახლა ტელეფონი კარგად გამოაშრეთ. აი, ყველაზე საინტერესო ადგილას მოვედით. დაგვეხმარება ამაში ბრინჯი? პასუხი – დიახ, დაგვეხმარება, უბრალოდ, მნიშვნელოვანი ნიუანსები უნდა გავითვალისწინოთ.
ზოგადად, ბურღული მართლაც მაღალი ჰიგროსკოპულობით გამოირჩევა, ანუ, წყალს კარგად იწოვს. ყველაზე ხშირად, სწორედ ბრინჯი გამოიყენება, მისი გლუვი ფორმებისა და სწორი ზომის გამო. მანანის ბურღულის აღებას აზრი არ აქვს, რამდენადაც იგი ყველა ხვრელს ამოავსებს. წიწიბურა დაკაწრავს ეკრანსა და კორპუსს.
4. მაშ ასე, ბრინჯი უნდა ჩაყაროთ ჭურჭელში, რომლის ჰერმეტულად დახურვა შეიძლება. მოწყობილობა ჭურჭელში ისე უნდა ჩადოთ, რომ ხვრელების უმეტესობა ქვემოთ იყურებოდეს – ასე სითხე უკეთ გამოვა. შემდეგ ჩაყარეთ ბრინჯი, ტელეფონი სრულად რომ დაფაროს. შემდეგ ჰერმეტულად დახურეთ. მხოლოდ მაშინ შეიწოვს ბრინჯი სითხეს ტელეფონიდან, თავღია კი – ჰაერიდან.
5. ახლა დადგით ბრინჯითა და ტელეფონით სავსე ქილა ერთი ან ორი დღით ხელუხლებლად. ამის შემდეგ, ჩართეთ მისი ჩართვა და შეაფასეთ შრომისუნარიანობა.
ყველა ეს მოქმედება დიდად წინ წაგწევთ, მათთან შედარებით, ვინც ამას არ გააკეთებს. თუმცა, უნდა გესმოდეთ, რომ ეს ტელეფონის ასპროცენტიან გადარჩენას არ ნიშნავს. უმჯობესია, მიმართოთ სერვისცენტრს, რომელშიც მოწყობილობას დაშლიან და გამოაშრობენ ისე, რომ ყველაფერი უპრობლემოდ ჩაივლის.
