ამ შესანიშნავ რეცეპტს „ხორცი სკვითურად“ ეწოდება. როგორც ჩანს, დიდებული ხალხის შთამომავლები ჯერ კიდევ ცოცხლები არიან. ისინი ტრადიციებს ინახავენ, სკვითურ კერძებს ამზადებენ და საიდუმლოდ რეცეპტებს ინტერნეტით გვიზიარებენ. გაუგებარია, იმ დროს ფოლგა საიდან მოიტანეს, მაგრამ რა ვიცით სინამდვილეში? მხოლოდ ეს ხორცის რეცეპტი ხახვით ღუმელში გამომცხვარი?
„პაპარაცი“ აღიჭურვა და იმ სკვითური ფოლგის მოსაძებნად გაეშურა, რომ ხორცი ავთენტური გზით გამოეცხო. ხუმრობა იქით იყოს და მომზადებას შევუდგეთ. დარწმუნებული ვართ, მარტივი, სწრაფი და წარმოუდგენლად გემრიელი გამოვა!
ხორცი ხახვით ღუმელში გამომცხვარი
თქვენ დაგჭირდებათ:
- 600 გრ უცხიმო ღორის ხორცი
- 400 გრ ქამა სოკო
- 1 მსხვილი თავი ხახვი
- 100 გრ ხმელი ყველი
- 50 მლ ნაღები (10%)
- 1 ს/კ მცენარეული ზეთი
- მარილი და წიწაკა გემოვნებით
ხორცის რეცეპტი ხახვით
1. ხორცი მსხვილ ნაჭრებად დაჭერით, თითო ნაჭერი ზუსტად 100 გრამი უნდა იყოს, ცოტა დაბეგვეთ. ახლა თითოეული ნაჭერი ფოლგის ფურცლის ცენტრში მოათავსეთ ისე, რომ კიდეები დარჩეს. მოგვიანებით უნდა შეკრათ.
2. ქამა სოკო ხახვთან ერთად მომზადებამდე შეწვით (შეგიძლიათ ოდნავ მარილი მოაყაროთ). ხორცს ზემოდან მოაყარეთ, შემდეგ ცოტა ნაღები მოასხით და ზემოდან ყველი დაახეხეთ.
3. ფოლგა მჭიდროდ შეკარით, რომ კვანძი მიიღოთ და საცხობ ტაფაზე მოათავსეთ. ღუმელში 40 წუთით აცხვეთ. ახლა ფოლგა ფრთხილად გახსენით და არომატული ხორცი გასინჯეთ!
რედაქციისგან
როგორც იცით, ჩვენ ინოვაციები და ექსპერიმენტები გვიყვარს. სწორედ ამიტომ, შეგიძლიათ ღორის ხორცი ქათმის გულმკერდით ჩაანაცვლოთ, ყველი ახალი პომიდვრით, ხოლო ჩვეულებრივი წიწაკა საყვარელი სანელებლით. აუცილებლად მოგვწერეთ, მოგეწონათ თუ არა „ხორცი სკვითურად“. გემრიელად მიირთვით!
