ნაცნობი დიასახლისებისგან ხშირად მესმის, რომ დაქალებიდან, თანამშრომლებიდან ან დედამთილთან მოწონებული კერძების რეცეპტებს სწავლობენ, ანუ უკვე გამოცდილ რეცეპტებს. მეც ამ კატეგორიას მივეკუთვნები. ჩემი საუკეთესო დაქალი და ნათლია კოტლეტებს ძალიან კარგად ამზადებს. ყოველთვის ყველა აქებს! მის მაგალითს მივბაძე და შესანიშნავი შედეგი მივიღე! Paparazzi–ს რედაქცია გთავაზობთ გემრიელ კოტლეტებს ფარშით.
მომზადების თითოეული ეტაპი ჩამოვწერე, პროპორციები გავზომე. უკვე ვიცი, რომ ეს რეცეპტი ელოდება სტუმრებს, რომლებმაც ჩემი კოტლეტები უკვე გასინჯეს. სადღესასწაულო სუფრაზე სახელიც მოუფიქრეს „ნათლიის კოტლეტები“.
გემრიელი კოტლეტები ფარშით
მოკლედ, დაქალმა შეცდომების და ცდის გზით ინგრედიენტების იდეალური კომბინაცია იპოვა. პური და ორცხობილა მან მანანის ბურღულით ჩაანაცვლა. კოტლეტები ნაზი და უდავოდ გემრიელი გამოდის.
ფარშის ინგრედიენტები:
- 600 გრ ხორცი ფარშისთვის (ღორის ხორცს ვიყენებ)
- 1 ხახვი
- 1 კარტოფილი
- 1-2 კბილი ნიორი
- 100 გრ მანანის ბურღული
- 100 გრ წყალი
- 1 კვერცხი
- მარილი გემოვნებით
- შავი დაფქული წიწაკა გემოვნებით (წიწაკის ნარევს ვიყენებ)
- დაფქული ქინძი გემოვნებით
- მზესუმზირას ზეთი შესაწვავად
ინგრედიენტები კოტლეტების მოსათუშად:
- 80 გრ წყალი
- 1 დაფნის ფოთოლი
- 1-2 მარცვალი ბაჰარის წიწაკა
- 1 კბილი ნიორი
- 10-20 გრ კარაქი
მომზადება:
1. ხორცს ზედმეტი ცხიმი და თეთრი გარსი მოაშორეთ. პატარა ნაჭრებად დაჭერით.
2. ხორცი ხორცსაკეპით ან ბლენდერით (როგორიც მე მაქვს) დააქუცმაცეთ.
3. მანანის ბურღულს ოთახის ტემპერატურის წყალი დაასხით (აქ, შვილი დამეხმარა). თუ გაზიანი მინერალური წყალი გაქვთ, შეგიძლიათ გამოიყენოთ.
4. კარტოფილი და ხახვი სახეხზე გახეხეთ. ზედმეტი სითხე გადაასხით.
5. ამ დროში ფარშს სანელებლები დაუმატეთ. ნიორი დაპრესეთ ან გახეხეთ.
6. ყველა ინგრედიენტი აურიეთ, კვერცხი ჩაატეხეთ და მარილი მოაყარეთ. ფარშს აურიეთ. სასურველია, 15-20 წუთით გააჩეროთ.
7. კოტლეტებს ფორმა მიეცით. ტაფა გაახურეთ, ცოტა მზესუმზირას ზეთი დაასხით (პროცესში ფარშიდან ცხიმი გამოვა). სუსტ ცეცხლზე კოტლეტები ორივე მხრიდან ოქროსფერი ქერქის მიღებამდე შეწვით.
8. ამის შემდეგ კოტლეტები შეგიძლიათ მოთუშოთ. ქვაბში ჩააწყვეთ, დაფნის ფოთოლი, ბაჰარის წიწაკა, ნივრის კბილები და კარაქის ნაჭრები დაუმატეთ. ცოტა ცხელი წყალი დაასხით.
9. დაე, წყალი ადუღდეს. 5 წუთში გაზი გათიშეთ და კოტლეტები თავდახურულ ჭურჭელში გააჩერეთ. ესეც ასე, მზადაა!
კარტოფილის პიურე და პომიდვრის ან კიტრის მწნილი კოტლეტებთან საუკეთესო კომბინაციაა. ყველაზე პრეტენზიული ბავშვებიც კი კერძს გემრიელად მიირთმევენ. სწორედ ასე მომზადება სცადეთ და დარწმუნებული ვარ, ამ შესანიშნავი რეცეპტისთვის ჩემ დაქალს მადლობას ეტყვით. კომენტარებს ველოდებით.
