კიტრის თესლის 5 ლიტრიანი პლასტმასის ბოთებში დათესვა – ეს უნივერსალური მეთოდია რამდენიმე პრობლემის ერთდრეოულად გადასაწყვეტად. ის თბობის გარეშე მომუშავე სათბურების მფლობელებს, ცივ კლიმატიან რეგიონებს და ზოგადად მიწის არ მქონე მებაღეებს ამ წვნიანი ბოსტნეულის მოსავლიანობის ზრდაში დაეხმარება. პაპარაცის რედაქცია ამ სტატიაში, კიტრის პლასტმასის ბოთლებში დათესვაზე გესაუბრებათ.
სხვა ტარისგან განსხვავებით, ხუთლიტრიანი ბოთლები სპეციალურად არ უნდა შეიძინოთ. საკმარისია ისინი ზამთრის განმავლობაში არ გადაყაროთ და დაგროვდება.
გარდა ამისა, ისინი კომპაქტურები, გადატანისთვის მარტივი და რაც მთავარია მზის კარგი გამტარები არიან. შეგვიძლია კიტრის პლასტმასის ბოთლებში დარგვის რამდენიმე უპირატესობაც მოგახსენოთ:
- პლასტმასი მოყინვისგან გვიცავს.
- ის ბარიერი ხდება ნიადაგობრივი დაავადებების, სარეველა ბალახისა და სხვადასხვა მავნე მწერებისთვის.
- კიტრი ბოთლში უფრო მარტივი მოსარწყავია. სითხე იზოგება და ფესვი მას პრაქტიკულად, მომენტალურად იღებს.
- ადვილდება მცენარის გრუნტში გადარგვა
თესლის მომზადება
თესლის შემოწმების შემდეგ ის მანგანუმის სუსტ სითხეში უნდა დაამუშავოთ. თესლის ალოეს წვენში დასველება მათ მოსავლიანობას საგრძნობლად გაზრდის.
ნიადაგის მომზადება
ნიადაგი ფხვიერი უნდა იყოს. შეგიძლიათ მზა მიწა მაღაზიაში შეიძინოთ ან დამოუკიდებლად მოამზადოთ.
დაგჭირდებათ 4 კომპონენტი: ჩვეულებრივი ნიადაგი ბაღიდან, ძველი ფოთლები, ტორფი და დრენაჟი.
დათესვა
საგულდაგულოდ გარეცხეთ ბოთლი. ფრთხილად მოაჭერით ზედა მესამედი, თუმცა არ გადააგდოთ – ის კიდევ დაგვჭირდება. ბოთლის ფსკერზე რამდენიმე ნახვრეტი გააკეთეთ იმისთვის, რომ ზედმეტი სითხე დაიწუროს.
ბოთლი მომზადებული მიწით შეავსეთ, ისე რომ კიდემდე რამდენიმე სანტიმეტრი დარჩეს. უფრო ადრეული მოსავლითვის, წინასწარ გაღივებული თესლი გამოიყენეთ. 5 ლიტრიან ბოთლში შეგიძლიათ 3-4 ცალი თესლი დათესოთ.
ახლა როგორ მოვიქცეთ?!
5 ლიტრიან ბოთლში გაზრდილი ნერგები დასარგავად წავიღოთ. გადარგვისთვის უნდა ამოვთხაროთ ორმო, ქილას ძირი მოვაჭრათ და ორმოში ჩავდოთ, ზედა ნაწილი კი მიწით დავუფაროთ.
კიტრი ასე იქამდე უნდა ზარდოთ სანამ თბილი ამინდები არ დაიწყება და ყინვების საშიშროება არ ჩაივლის. შემდეგ ქილა შეგიძლიათ მიწიდან ფრთხილად ამოაძროთ.
მათთვის ვინც აგარაკზე იშვიათად არის, არსებობს დარგვის მეთოდი რომელიც რეგულარულ მორწყვას არ საჭიროებს. ამისთვის თესლი არა ქილის ქვედა ნაწილში, არამედ ზედა ნაწილში ითესება.
ქვედა ნაწილი ნახევრამდე წყლით შეავსეთ, ხოლო ზედა ნაწილს სახურავი მოხსენით და მასში ჩადევით. კიტრი წყალს დამოუკიდებლად აიღებს. ისღა დაგრჩენიათ დრო-დადრო დაუმატოთ ქილას წყალი.
როგორ გავზარდოთ კიტრი თუ ბოსტანი არ გაქვთ?
უბრალოდ საკმარისია ნერგი ბოთლშივე დატოვოთ. ეს მეთოდი იმისთვისაა ვისაც ვერანდა ან შემინული აივანი აქვს. თუმცა ამისთვის თვითდამტვრიანებადი კიტრის სახეობები უნდა შეიძინოთ. პროცედურა ზემოთ აღწერილი პროცედურის ანალოგიურია. თუმცა ნიადაგთან კონტაქტის არ ქონის გამო, ბოთლში არსებული მიწის განოყიერებას დიდი ყურადღება უნდა დაუთმოთ.
წანაზარდებს გაჩენიდან მეორე კვირას 30 გრამი სუპერფოსფატის, 5 გრამი გოგირდმჟავის, 15 გრამი კალიუმის და 5 გრამი ამიაკის თბილ წყალში გაზავებული (1 სათლი) ხსნარი გამოიყენეთ. დროდადრო მცენარეს წყლის აბაზანა მოუწყეთ და მკვეთრი მზის შუქისგანაც დაიცავით.
როგორც ხედავთ კიტრის 5 ლიტრიან ბოთლებში დათესვა – არც თუ ისე რთული მეთოდია გამძლე და ჯანმრთელი ნერგების მისაღებად. გისურვებთ წარმატებულ ექსპერიმენტებს და ბარაქიან მოსავალს!
