ჩვენი ცხოვრების თითქმის ერთ მესამედს ძილში ვატარებთ – ეს მეცნიერული კვლევის შედეგია. ამიტომ მშვიდი და ხანგრძლივი ძილის პროცესის ორგანიზება ძალიან მნიშვნელოვანი საკითხი უნდა იყოს. საძინებლის მოწყობის დროს ზოგჯერ ძალიან დიდი შეცდომებს ვუშვებთ, მათ შორის კი ზედმეტი ნივთების შენახვაა. პაპარაცის რედაქცია ამ სტატიაში იმ ნივთების სიას შემოგთავაზებთ, რომლებიც საძინებელში არ უნდა იქონიოთ თუ მშვიდი და ჯანმრთელი ძილი გსურთ.
მაღვიძარა
ბევრს მიაჩნია, რომ მაღვიძარა ან საათი საძინებლის უმნიშვნელოვანესი დეტალია. თუ საათი არ გვექნება როგორ მივხვდებით, რომ სამსახურში გაგვიანდებათ?! თუმცა მაღვიძარა შეიძლება მუდმივი შფოთვის მიზეზად იქცეს. საღამოსმე იწყეთ ნერვიულობას იმაზე, რომ დილით მაღვიძარა არ დარეკავს და ა.შ.
თანამედროვე ცხოვრების რითმში ცოტას თუ შეუძლია თავისი ძილის ციკლის დარეგულირება. იმისთვის, რომ ყოველდღე ერთსა და იმავე დროს მაღვიძარას გარეშე გაიღვიძოთ, საჭიროა ძილის რეჟიმს მიყვეთ და სრულფასოვნად გამოიძინოთ. ბიოლოგიური საათი არც ისეთი ზუსტია. არსებობს პრობლემის გადაწყვეტის საკითხი: იმისთვის, რომ მუდმივად მაღვიძარაზე არ იყოთ დამოკიდებული, ის სხვა ოთახში გადაიტანეთ – მაგალითად, საძინებლის გვერდით ოთახში. თქვენ მის ხმას დილით გაიგონებთ და ღამის განმავლობაში საათის შესამოწმებლად აღარ გაიღვიძებთ.
ფეხსაცმელი
რატომ ვიხდით ფეხსაცმელს სახლში ქუჩიდან შესვლისას?! მთავარი მიზეზი – სახლში ჭუჭყის შეტანისგან თავის არიდებაა. თუმცა ხშირად ჩვენს მტვრიან ფეხსაცმელს მაშინ ვიხდით როდესაც უკვე შევედი სახლში, ზოგჯერ კი საძინებელშიც ფეხსაცმლით შევდივართ. ეს კი ჰიგიენის წესებს აღვევს.
ეცადეთ ფეხსაცმელი საწოლთან არ დადოთ. საძინებლის ეს ნაწილი მაქსიმალურად სუფთა უნდა იყოს. გამონაკლისია ოტახის ჩუსტებია, მათი დატოვება საძინებელშიც შეგიძლიათ.
ფოტოები
სასიამოვნოა როდესაც ჩარჩოში ჩადებულ ოჯახის ფოტოებს უყურებ. თუმცა სპეციალისტები გვირჩევენ ფოტოები საძინებელში არ შევინახოთ. რატომ?! საქმე იმაშია, რომ ფენშუის მიხედვით საძინებელი მხოლოდ თქვენთვისა და თქვენი პარტნიორისთვის განკუთვნილი ადგილია. თუ იქ ოჯახის წევრების ფოტოებს შეინახავთ ძილის წინ მათი შეხედვა თქვენს მოვალეობებს გაგახსენებთ და ეს თქვენში გარკვეულ შფოთვას გამოიწვევს.
ტრენაჟორები
სპორტით სახლში დაკავება კარგია, თუმცა ოთახში სპორტული აღჭურვილობის შენახვა კარგი იდეა არ გახლავთ. ამას რამდენიმე მიზეზი აქვს: ის სივრცეს ავიწროვებს, მათ ზედაპირზე ბევრი მტვერი და მიკრობი გროვდება და ძილის წინ სარბენი ბილიკის ყურება არც თუ ისე დამამშვიდებელი საქმიანობაა. რა საჭიროა ზედმეტი შფოთვა?!
საკვები
საკვებისა და ხემსის შესანახად სამზარეულო არსებობს. ხშირად ძილის წინ ჩიფსის ხრაშუნს ან ჩაის მირთმევას ვწყვეტთ, ეს კი ხარისხიან ძილს უშლის ხელს. გარდა ამისა ნამცეცები შეიძლება თეთრეულზე დარჩეს და დილამდე კარგად ვერ მოისვენებთ.
საბუთები
საძინებელში ბევრი კარადა, კომოდი და თაროები გავქვს. ერთი შეხედვით საბუთებისა და ფასეული ნივთების შესანახად ეს შესანიშნავი ადგილია. თუმცა ეს უსაფრთხო ნამდვილად არ გახლავთ. მნიშვნელოვანი საბუთები სეიფში უნდა შეინახოთ, ფული კი – ბანკში.
გამაცხელებელი
ზამთარში ძალიან ცივა და საძინებლის გათბობა გვიწევს. ზოგჯერ გვინდება გამათბობელი მტელი რამით დავტოვოთ ჩართული. მცირე ზომის ელექტრო გამათბობელიც კი აშრობს ჰაერს და კანს, იწვევს გაღიზიანებასა და ქავილს. რესპირატორული დაავადებების ან ასთმის მქონეებისთვის კი გამათბობლის ღამით დატოვება საერთოდ აკრძალულია.
თუ ამ ჩამონათვალში ისეთი ნივთები აღმოაჩინეთ რომლებიც თქვენს საძინებელშიც მოიპოვება, აუცლილებლად განთავისუფლდით მათგან. ამ რჩევების გათვალისწინება თქვენს ძილის ხარისხს გააუმჯობესებს და თქვენს ცხოვრებასაც დადებითისკენ შეცვლის.
