ხაჭაპური – ქართველების საამაყო ეროვნული საჭმელია. ეს არის ცომი ყველის შიგთავსით. სახელწოდება მოდის სიტყვიდან “ხაჭო” და “პური”. როგორ უნდა მოვამზადოთ ნამდვილი ხაჭაპური სახლში? დღეს გასწავლით მეგრული ხაჭაპურის გამოცხობას.
ხაჭაპური სახლის პირობებში
არსებობს ხაჭაპურის უამრავი სახეობა. საქართველოს ყველა რეგიონს თავისი ხელწერა აქვს. ყველგან სხვადასხვანაირად ამზადებენ ამ საოცარ ცომეულს. განვიხილოთ პოპულარული სახეობები:
აჭარული ხაჭაპური
ეს არის ნავის ფორმის ცომი ყველით და კვერცხით. თავიდან ცხვება ცომი ყველის შიგთავსით. კვერცხს ბოლოსკენ ფრთხილად ამატებენ. მზა ხაჭაპურზე კვერცხის გული აუცილებლად თოხლო უნდა იყოს.
ქართველი დიასახლისები ხაჭაპურს ამზადებენ განსაკუთრებული წესით. ცომი გამოდის რბილი, ფუმფულა და გემრიელი. ცომი შეიძლება იყოს საფუარიანი ან მაწვნის.
აჩმა
აჩმა არის ლაზანიას ქართული ვარიანტი. ის მზადდება რამდენიმე ფენა თხელი მოხარშული ცომისგან. ფენებს შორის იდება ჭყინტი ყველი და კარაქი, ცხვება ღუმელში. ეს არის შედარებით რთული, მაგრამ ძალიან გემრიელი კერძი.
გურული ხაჭაპური
გურული ხაჭაპური არის ნახევარმთვარის ფორმის ღვეზელი, ყველის და მოხარშული კვერცხის შიგთავსით. გურიაში ეს ღვეზელი საშობაოდ მზადდება ხოლმე.
მეგრული ხაჭაპური
მეგრული და იმერული ხაჭაპური გავს ერთმანეთს. ორივე ერთი პრინციპით მზადდება. ეს არის მრგვალი ღვეზელი ყველის შიგთავსით. ძველად ის იყო მწყემსების საჭმელი და კეთდებოდა ცომისა და ხაჭოსგან. სწორედ აქედან მოდის მისი სახელწოდება. მეგრულ ხაჭაპურს ზემოდან, თავზე აყრიან ყველს. მოსამზადებლად ყველაზე მარტივია და სახლში ხშირად აცხობენ ხოლმე.
ინგრედიენტები:
- 500 მლ მაწონი
- 2 კვერცხი
- 800 გ. ფქვილი
- 1 ჩ/კ მარილი
- 1 ჩ/კ სოდა
- 300 გ. ხაჭო
- 300 გ. ყველი
- 60 გ. ნაღების კარაქი
მომზადების წესი:
- ჩაყარეთ ღრმა თასში ფქვილი და გაუკეთეთ ჩაღრმავება. ცალკე ჯამში ათქვიფეთ კეფირი და კვერცხი. ჩაასხით მასა ფქვილში. დაუმატეთ სოდა, მარილი და მოზილეთ რბილი, ელასტიური ცომი.
- გახეხეთ ჭყინტი ყველი ან სულგუნი, შეურიეთ ხაჭო. შეურიეთ ერთი ცალი კვერცხი.
- გაყავით ცომი 6 თანაბარ ნაწილად. გააბრტყელეთ დაახლოებით 7 მმ. სისქეზე, დაადეთ ყველი და მოუკარით თავი ხინკალივით. კარგად გააბრტყელეთ.
- გაახურეთ სქელძირიანი ტაფა და გამოაცხვეთ ხაჭაპური 2-3 წუთი თითო გვერდზე.
- გადმოიღეთ თეფშზე, წაუსვით თავზე ნაღების კარაქი.
გემრიელად მიირთვით!
