კატლეტები ქათმის ხორცით მარტივი და გემრიელი კერძია. ოღონდ ასეთი კატლეტები ხშირად წვნიანი არ გამოდის, მისი უფერული გემო მოსაბეზრებელია. სწორედ ამიტომ, Paparazzi გთავაზობთ ხორციან კატლეტებს ყაბაყით. კატლეტი ქათმის ხორცით მოსაწყენი და ერთფეროვანია. ხოლო ყაბაყის ბლინები უკვე მოგბეზრდათ? რატომ არ შევაერთოთ ეს ორი მშვენიერი დაბალკალორიული პროდუქტი? ყაბაყი ქათმის ფილეს ავსებს, როგორც კეტჩუპი კარტოფილს. ყაბაყის წყალობით კატლეტი წვნიანი და ნაზია.
კატლეტები ქათმის ხორცით და ყაბაყით
სავახშმოდ კატლეტების მოსამზადებლად ახალი ყაბაყი გამოიყენეთ. ის სწრაფად მზადდება და კერძს თესლებით არ აფუჭებს. ფარში ქათმის ფილესგან სახლის პირობებში მოამზადეთ. მაღაზიაში ნაყიდ ფილეს მთელი ქათმის ხორციდან აკეთებენ, ამიტომ კატლეტი უფრო ცხიმიანი გამოვა.
ინგრედიენტები:
- 500 გრ ქათმის ფილე
- 1 ყაბაყი
- 1 კვერცხი
- 2 კბილი ნიორი
- 1 კონა ოხრახუში
- 1 ს/კ სიმინდის სახამებელი
- 3 ს/კ მცენარეული ზეთი
- მარილი გემოვნებით
- წიწაკა გემოვნებით
მომზადების წესი:
- ქათმის ფილე ქაღალდის პირსახოცით გაამშრალეთ. ფარშის მისაღებად დააბლენდერეთ ან ხორცსაკეპ მანქანაში გაატარეთ.
- გარეცხილი ყაბაყიც ქაღალდის პირსახოცით გაამშრალეთ. მსხვილ სახეხზე გახეხეთ და ზედმეტი სითხე გაწურეთ.
- კონა ოხრახუში წვრილად დაჭერით. ნებისმიერი მწვანილი შეგიძლიათ აირჩიოთ, რომელიც მოგწონთ. ასე კერძს არომატს და ფერს შემატებთ. ნივრის წვრილად დაჭრა ან დაპრესვა არ დაგავიწყდეთ.
- ღრმა თასში ფარში, ყაბაყი, მწვანილი, სახამებელი და ნიორი აურიეთ. 1 კვერცხი, მარილი და წიწაკა გემოვნებით დაუმატეთ. ხელით კარგად აურიეთ და კატლეტები გააკეთეთ.
- ტაფაზე მცენარეულ ზეთში კატლეტები ორივე მხრიდან რამდენიმე წუთით შეწვით.
- ზედმეტი ცხიმის მოსაშორებლად მზა კატლეტები ქაღალდის პირსახოცზე დააწყვეთ. გემრიელად მიირთვით.
კატლეტები შეგიძლიათ საღამოს ჭამოთ და ზედმეტი სანტიმეტრის მომატების არ შეგეშინდეთ. მთავარია, ბოლო კვების დროს მეტი ბოსტნეული და ცილა მიირთვათ. ნახშირწყლები გამორიცხეთ. თუ მაკარონი კატლეტთან ერთად გიყვართ, ასეთი კვება სადილობისთვის დაგეგმეთ. ოდესმე მოგიმზადებიათ კატლეტები ყაბაყით?
