კუნთების ტკივილი გაწუხებთ? ამ ტკივილის მიზეზი სხვადასხვა ადამიანებში შეიძლება განსხვავებული იყოს. ტკივილი შეიძლება გამოწვეული იყოს ასაკობრივი ცვლილებით, დაძაბულობით, სტრესით ან ინტენსიური ვარჯიშით. ჩვეული ცხოვრების წესის ნებისმიერი ცვლილება შემაერთებელი ქსოვილებისა და კუნთოვანი ბოჭკოების მცირე დაზიანებას იწვევს. მთავარია, იცოდეთ, თუ საკუთარ თავს როგორ დაეხმაროთ.
ოი, მტკივა
უმეტესობა ჩვენგანი ფიქრობს, რომ კუნთების ტკივილი სხეულის დადებითი ცვლილების ნიშანია. თუმცა ეს შეიძლება ასე არ იყოს, რადგან ვარჯიშის ხარისხსა და კუნთების ტკივილს შორის არანაირი კავშირი არ არსებობს. პირიქით, ეს შეიძლება იმის ნიშანი იყოს, რომ სხეული ჩვეულებრივზე უფრო მეტად დატვირთეთ.
კუნთების ტკივილის შესაძლო მიზეზები
ფიზიკური დატვირთვის, სიბერის და სტრესის გარდა კუნთების ტკივილს შეიძლება სხვა მიზეზი ჰქონდეს. ეს შეიძლება უკავშირდებოდეს ბაქტერიულ ინფექციას, პოლიომიელიტს, აუტოიმუნურ დაავადებებს, როგორიცაა წითელი მჭამელი და ორგანიზმში კალიუმის დეფიციტი. კუნთების ტკივილი შეიძლება ზოგიერთი მედიკამენტის გვერდითმა ეფექტმა გამოიწვიოს. ფარისებრი ჯირკვლების პრობლემის მქონე ადამიანებს კუნთებისა და სახსრების ტკივილისკენ მიდრეკილება აქვთ.
როგორ გავუმკლავდეთ კუნთების და სახსრების ტკივილს
თუ ტკივილის მიზეზი უკვე გავარკვიეთ, როგორ უნდა ვუმკურნალოთ? აქ ინდივიდუალური მიდგომა გჭირდებათ, რაც პირდაპირ ტკივილის მიზეზს უკავშირდება. გთავაზობთ რამდენიმე მეთოდს, რომელთა დახმარებით კუნთების ტკივილს სახლის პირობებში გაუმკლავდებით.
ყინულის კუბი
ყინულის კუბის დახმარებით ანთების შემცირებას შეძლებთ. ანთება უმოძრავოს გვხდის და ყოველდღიურ მოქმედებას ართულებს. ყინული მოქმედებს როგორც შემახორცებელი და ტკივილგამაყუჩებელი საშუალება. ეს ანთებას აჩქარებს.
გაწელვები
სანამ ვარჯიშს შეუდგებით, ყოველთვის მსუბუქი გაწელვები გააკეთეთ. გაწელვები თქვენს კუნთებს კუნთოვანი ბოჭკოების შემცირებისას შეკუმშვაში დაეხმარება. სჯობს ვარჯიში დაასრულოთ იმ ადგილის გაწელვებით, რომლებიც დღეს განსაკუთრებით დატვირთეთ. ეს მოქნილობასს გაზრდის და სწრაფად აღდგენის საშუალებას მოგცემთ.
სწორი კვება
სხეულმა ყველა აუცილებელი მკვებავი ნივთიერება უნდა მიიღოს. ცხიმების, ცილებისა და ნახშირწყლების მიღება დააბალანსეთ. ეს კუნთების დაზიანების თავიდან ასაცილებლად აუცილებელია.
ტკივილის შესამცირებლად ვიტამინები და მინერალები მიიღეთ, რადგან მათ ანთების საწინააღმდეგო მოქმედება აქვთ და შეხორცებას ხელს უწყობენ. ორგანიზმს სჭირდება ისეთი ანტიოქსიდანტები, როგორიცაა C ვიტამინი.
თქვენ ამინომჟავებიც უნდა მიიღოთ, რადგან ისინი მთავარ საშენ ელემენტებს წარმოადგენენ. ცხიმოვანი მჟავები ანთებას და სახსრების ტკივილს ამცირებს. მათ მიღებას შეძლებთ ისეთი პროდუქტებისგან, როგორიცაა ორაგული, ნიგოზი და ავოკადო.
სითბო გამოიყენეთ
დაზიანებულ სხეულის ნაწილზე სითბო გამოიყენეთ. ასე სისხლის დინებას გაზრდით და ტკივილს შეამცირებთ. ვარჯიშის შემდეგ სითბო არ გამოიყენოთ, რადგან ამ დროს სითბოს ზემოქმედებამ შეიძლება შეშუპება გააუარესოს.
მოძრაობა გააგრძელეთ
დასვენებაზე ბევრი დრო არ დახარჯოთ მაშინაც კი, თუ კუნთების ტკივილი გაწუხებთ. ყოველდღე ფეხით იარეთ ან იოგა სცადეთ, რომ აქტივობა შეინარჩუნოთ. ეს სწრაფად აღდგენაში და კუნთების გაძლიერებაში დაგეხმარებათ. მსუბუქი აქტივობა სტრესს და დაძაბულობას მოგიხსნით. თუმცა ტკივილის გაქრობამდე ძლიერად დატვირთვა არ ღირს.
თუ სახლის პირობებში ჩატარებული პროცედურები შედეგს არ იძლევა, ექიმს მიმართეთ, რომ პრობლემის შესახებ გაარკვიოთ. თუ გამონაყარი და სხეულის მაღალი ტემპერატურა გაქვთ, ექიმს მიმართეთ.
