დღეს “პაპარაცი” გიამბობთ, თუ ბაბუაწვერას სამკურნალო ძალების გამოყენებით ნაღვლკენჭოვანი დაავადებისგან როგორ განიკურნოთ და ოპერაცია თავიდან აიცილოთ.
რეკომენდებული რეცეპტების გამოყენებამდე უნდა გახსოვდეთ, რომ ის მხოლოდ მსუბუქი და საშუალო სირთულის დაავადების დროს დაგეხმარებათ. ბაბუაწვერას ახალ გაწურული წვენით ნაღვლკენჭოვანი დაავადების და ღვიძლის ქრონიკული დაავადების მკურნალობა კარგ შედეგს იძლევა. მას სექტემბერში ან ადრეულ გაზაფხულზე, ყვავილობის დაწყებისას შეგროვებული მცენარის ფესვებისგან ამზადებენ. ფესვებს თხრიან, მიწას აშორებენ, მიწის ზედა ნაწილს ფესვის ყელით და თხელი გვერდითა ფესურათი დანით ჭრიან, შემდეგ კი ცივ წყალში რეცხავენ. ნედლი პროდუქტი ხორცის გასატარებელ მანქანაში გაატარეთ და მიღებული მასიდან წვენი გაწურეთ. 100 მლ წვენი დილით, უზმოზე დალიეთ. ასე მდგომარეობის გაუმჯობესებამდე გააგრძელეთ.
ბაბუაწვერას წვენის მიღება არა მხოლოდ ნაღვლის ბუშტიდან კენჭების დაშლასა და გამოდევნაში დაგეხმარებათ, არამედ მისი დახმარებით ღვიძლის კოლიკს და სიყვითლის სიმპტომებს მოიშორებთ. სამკურნალო თვისებები ბაბუაწვერას ხმელ ფესვებსაც აქვს. ემალის ქვაბში 4 დიდი ზომის ბაბუაწვერას ფესვს 1 ლ წყალი დაასხით, ადუღებამდე მიიყვანეთ და 10-15 წუთით დაბალ ცეცხლზე ხარშეთ. გაგრილებული ნახარში გადაწურეთ და ¼ ჭიქა ნახარში დღეში 3-4-ჯერ დალიეთ. შეგიძლიათ 100 მლ ახალ გაწურული ბაბუაწვერას წვენის ფესვები 15 მლ გლიცერინს, 20 მლ სამედიცინო სპირტს და ამავე მოცულობის წყალს აურიოთ, გადაწუროთ და დღეში 2 ს/კ გამოჯანსაღებამდე დალიოთ.
ალერგიის დროს ბაბაუაწვერას ახალ გაწურული წვენი დაგეხმარებათ. ზრდასრულებმა დღეში 1 ს/კ, ხოლო ბავშვებმა 1 ჩ/კ უნდა დალიონ. აი, მოხალული ფესვებისგან მომზადებული ყავა კანს აუმჯობესებს. თუ მას დავუმატებთ შემწვარ რკოს და ქერს პროპორციით (1:2:7), ასეთი ყავა (1 ჩ/კ 1 ჭიქა რძეზე) მძიმე პაციენტებისთვისაც სასარგებლო იქნება.
ბაბუაწვერას ფესვების ჩაის ბუასილის დროს სვამენ (ფესვები გარეცხეთ, გაახმეთ და დააქუცმაცეთ).
ძალიან ბევრ ქვეყნის ხალხური მედიცინაში ავიტამინოზის, კანის დაავადების, თირკმლის პოლიკისტოზის, პიელონეფრიტის, თირკმლის უკმარისობის, სახსრების დაავადების, ანემიის და ძალების დაკარგვის დროს ახალგაზრდა გაზაფხულის ბაბუაწვერას იყენებენ. მისი ფოთლებისგან სალათს ამზადებენ და რეგულარულად იღებენ. ფოთლების მწარე გემოს მოსაშორებლად სალათის მომზადებამდე ნახევარი საათით მარილწყალში მოათავსეთ ან ცოტა მოხარშეთ. როცა ფოთლები მზად იქნება, 100 გრ დააქუცმაცეთ და 50 გრ დაქუცმაცებულ მწვანე ხახვს და 25 გრ ოხრახუშის ფოთლებს აურიეთ, სალათი 15 გრ მცენარეული ზეთით მორთეთ, მარილი, წიწაკა და კამა თქვენი გემოვნებით დაუმატეთ.
ბაბუაწვერას სიროფს კარგი სამკურნალო თვისებები გააჩნია. სამლიტრიანი მინის ქილა ბოლომდე ბაბუაწვერას და შაქრის (1,5 გრ დაგჭირდებათ) ფენებით აავსეთ. ჩატუმბეთ, რომ ქილის ყელზე წებოვანი წვენი გაჩნდეს და როცა ყვავილები სიროფში კარგად გაიჟღინთება, 1 ჩ/კ დღეში 3-ჯერ მიიღეთ. ყოველთვის ¼ ჭიქა თბილ წყალში გახსენით და მიიღეთ ღვიძლის დაავადების, ნაღვლკენჭოვანი დაავადების, ღვიძლის და ნაწლავური კოლიკის დროს. სალათის და სიროფის ხანგრძლივი გამოყენების დროს ათეროსკლეროზის დროს მდგომარეობა უმჯობესდება, თავბრუსხვევა და ყურებში შუილი ქრება, მეხსიერება და ძილი უმჯობესდება.
ასეთი საშუალებით ღვიძლის მდგომარეობას შესანიშნავად გააუმჯობესებთ. 300 ბაბუაწვერას ყვავილი გარეცხეთ, დაქუცმაცებულ ლიმონს აურიეთ, მდუღარე წყალი დაასხით და 5 საათით გააჩერეთ. ამის შემდეგ მარლაში გადაწურეთ, სითხე ემალის ქვაბში ჩაასხით და 1 კგ გაზაფხულის ნატურალური თაფლი დაუმატეთ. ადუღებამდე მიიყვანეთ და 1 საათით ძალიან დაბალ ცეცხლზე ხარშეთ. ყოველ დილით, უზმოზე 1 ს/კ აუცილებლად 1 ჭიქა ბაყაყურას ჩაიში გახსენით.
