რა შეიძლება იყოს სახლში ახალგამომცხვარი შვრიის ორცხობილაზე გემრიელი? გემოთი და ხარისხით რა თქმა უნდა, რადიკალურად განსხვავდება მაღაზიაში შეძენილი ანალოგებისგან. ის არ შეიცავს შაქრის შემცვლელებსა და ემულგატორებს, ყველა ინგრედიენტს თავად არჩევ და მხოლოდ საუკეთესოს.პაპარაცის დღევანდელ სტატიაში ამ გემრიელობის გამოცხობას გასწავლით. რეცეპტი საკმაოდ მარტივია და ბავშვიც კი გაუმკლავდება.

შვრიის ორცხობილა

ინგრედიენტები

• 2 ს/კ შვრიის ფანტელი
• 4 ცალი კვერცხი
• 200 გრ. კარაქი
• 2,5 ჭიქა ფქვილი
• 2 მუჭა ქიშმიში
• 1 ს/კ ნიგოზი
• 2 ჭიქა შაქარი
• 2 ჩ/კ გამაფხვიერებელი
• მწიკვი მარილი

მომზადების წესი

1. ავიღოთ ღრმა ჯამი და მოათავსეთ დარბილებული კარაქი, შაქარი, კვერცხი, აურიეთ კარგად. მსხვილად დაჭერით ნიგოზი, გარეცხეთ ქიშმიში და გაამშრალეთ ქაღალდის ხელსახოცით. ეს მნიშვნელოვანია, რადგან ორცხობილა არ უნდა იყოს ზედმეტად ნოტიო.
2. მიღებულ კვერცხიან მასას დაუმატეთ ფქვილი, გამაფხვიერებელი, მარილი, ქიშმიში, ნიგოზი და ყველაფერი კარგად აურიეთ. ცომი ზილეთ ნაზად და ფრთხილად, რათა არ დაზიანდეს ინგრედიენტები და არ გამივიდეს ცომი მშრალი და მაგარი.
3. დაანაწევრეთ ცომი კაკლისხელა გუნდებად, გააბრტყელეთ და თუ უფრო მეტად ტკბილი გიყვართ, მოაყარეთ გახეხილი შოკოლადი ან სხვა რამ გემოვნებით.
4. გაახურეთ ღუმელი 200 გრადუსზე და დაალაგეთ ცომი საცხობ დაფაზე. ცხობისთვის დაგჭირდებათ 10 წუთი და არომატული ორცხობილები შეგიძლიათ მაშივე მიიტანოთ სუფრასთან. ის ძალია უხდება რძეს ან ჩაის. გემრიელად მიირთვით!

რადგან რეცეპტში ფქვილთან ერთად გამოიყენება შვრიის ფანტელი, ორცხობილები გამოდის საინტერესო ტექსტურის და არომატი. შეგიძლიათ ცომში შეურიოთ შოკოლადის ნატეხები, მაგრამ გაითვალისწინეთ, რომ ზედმეტი სიტკბო არ მოუხდება, რადგან ქიშმიში და ნიგოზი საკმარის გემოს აძლევს.შეგიძლიათ შეამციროთ შაქრის რაოდენობა ცომში. ასე ორცხობილას ზომიერი სიტკბო ექნება და შეგიძლიათ ბავშვებს წვენთან ერთად მიაწოდოთ. ძალიან უხდება ქოქოსის ფანტელი, ვაშლის ან ქლიავის ჩირი, ხაჭო. მოკლედ, ექსპერიმენტებისთვის დიდი არჩევანი გაქვთ და იმოქმედეთ.

თქვენ რომელ ინგრედიენტს ანიჭებთ უპირატესობას? გაგვიზიარეთ კომენტარებში.