არ ვიცი, როგორი სიტუაციაა თქვენთან, მაგრამ ჩვენს რეგიონში თბილ სეზონზეც ნივრის ფასი მიმზიდველი არაა. ზამთარში ამ არომატული ბოსტნეულის კოსმოსურ ფასებზე არაფერს ვამბობ. სწორედ ამიტომ, ზაფხულში ნივრის მომარაგებას ვცდილობ, რომ ნაწილი ზამთრისთვის გავყინო. Paparazzi გიზიარებთ ნივრის გაყინვის საუკეთესო მეთოდს მისი გემოს თვისებების და არომატის შესანარჩუნებლად.ჩემი დიასახლისობის „კარიერის“ დასაწყისში ნიორს ზამთრისთვის არ ვინახავდი. მშრალს ვყიდულობდი და ჩემ მიერ გამხმარი ნივრიდან მშრალ სანელებელს ვაკეთებდი. მხოლოდ წლების შემდეგ მივხვდი, როგორ გავიმარტივო ცხოვრება. უდავოდ, ბოსტნეული სჯობს საყინულეში შეინახოთ. ჩემმა შვილმა ნივრის გაყინვის საუკეთესო მეთოდი მაჩვენა.

როგორ შევინახოთ ნიორი საყინულეში

• ამას შოკოლადის მეთოდს ვუწოდებ. როგორც უკვე მიხვდით, ასეთი იდეა შვილმა მომაწოდა. არსი იმაშია, რომ ნივრის შენახვა გამარტივდეს და ასევე მარტივად გამოიყენოთ.
• პირველ რიგში, ნიორს ფურცლები მოაშორეთ. რბილობი დაპრესეთ ან წვრილად გახეხეთ. მასა პარკში გადაიტანეთ. ერთ პარკზე 2–3 მსხვილი თავი დაგჭირდებათ.
• პარკი საჭრელ დაფაზე დადეთ და მასა საგორავით 2–3 მმ სისქეზე გააბრტყელეთ. პარკის შეკვრა საჭირო არაა, კვადრატი ან მართკუთხედი გამოგივათ. დანის ბლაგვი მხრიდან 2×2 სმ კვადრატებად დაყავით.
• ამრიგად ნივრის მასის ფილას მიიღებთ, რომელიც შოკოლადს ჰგავს. საყინულეში ნივრის მასა საჭრელ დაფიანად შეინახეთ, რომ ფორმა შეინარჩუნოს. გამაგრებულ ნიორს კიდევ ერთი პარკი ჩამოაცვით (რომ სუნი არ გავრცელდეს).

ახალი ნიორი ნებისმიერ სეზონზე – როგორც კი, ნიორი დაგჭირდებათ, პარკი გამოიღეთ და 1–2 კვადრატი ჩამოტეხეთ. წვნიანს, რაგუს და შემწვარ კარტოფილს ვუმატებ. შენახვის კომფორტული მეთოდია და დიდ ადგილს არ იკავებს. გაყინვის ასეთი მეთოდით ნივრის გემო და არომატი არ იკარგება. ახლისგან ვერ გამოარჩევთ. სწორედ ამიტომ, ნიორი თამამად გახეხეთ და ზამთრისთვის გაყინეთ. სიტყვაზე, ამ მეთოდით შეგიძლიათ კოჭა საყინულეში შეინახოთ.ამ მეთოდით პომიდვრის პასტის გამოყენების ვადას გაზრდით. სასადილოს მზარეულები სწორედ ამ ხრიკს იყენებენ.