ტაფაზე შემწვარი შინაურული ჩებურეკი ფარშით სწრაფი და მარტივად მოსამზადებელი წასახემსებელია. მთავარია, ცომი ელასტიური და ნაზი იყოს, ხოლო შიგთავსი წვნიანი! Paparazzi გემრიელი ჩებურეკის საუკეთესო რეცეპტს გიზიარებთ. აუცილებლად მოამზადეთ. მეუღლე გაგაღმერთებთ და ხელით გატარებთ.
შინაურული ჩებურეკი ფარშით
ინგრედიენტები:
- 100 მლ წყალი
- 2 ხახვი
- 300 გრ ფარში
- 2-3 კბილი ნიორი
- 30 მლ მცენარეული ზეთი
- 250 გრ ფქვილი
- 10 გრ მწვანილი
- 0,5 ჩ/კ წიწაკა, პაპრიკა და რეჰანი
- მწიკვი მარილი
მომზადების წესი:
- ზეთი და წყალი აურიეთ. ცოტა მარილი დაუმატეთ. წინასწარ გაცრილი ფქვილი (ასეთი ფქვილი ცომს ჟანგბადით ამდიდრებს და ფაფუკს ხდის) ნაწილ–ნაწილ დაუმატეთ და აურიეთ. ჯერ კოვზით აურიეთ, შემდეგ 5-6 წუთით ხელით მოზილეთ.
- ცომი დააგუნდავეთ, პარკში გაახვიეთ და მაცივარში 30 წუთით შეინახეთ.
- ხახვი გაასუფთავეთ და წვრილად დაჭერით. ფარშისთვის ნებისმიერი ხორცი შეგიძლიათ გამოიყენოთ. მაგალითად, ძროხის და ღორის ხორცების ნარევი. ქათმის ხორციც შეგიძლიათ გამოიყენოთ, თან უფრო სწრაფად იწვება. ნიორი დაპრესეთ ან დანით წვრილად დაჭერით.
- ფარში, ხახვი და ნიორი აურიეთ, წიწაკა, პაპრიკა, შავი წიწაკა და მარილი დაუმატეთ და აურიეთ. სურვილისამებრ მწვანე ხახვი და ხმელი კამა დაუმატეთ. ასე პიკანტურ გემოს შემატებთ. კარგად აურიეთ.
- ცომით ძეხვივით დაგორგლეთ და დაახლოებით 7 ნაჭერად დაჭერით. თითოეული გააბრტყელეთ.
- ცომის ერთ ნახევარში 1 ს/კ შიგთავსი მოათავსეთ. მეორე ნახევარი ზემოდან დააფარეთ და კუთხეები შეკარით. კუთხეები რომ არ გაიხსნას, შეგიძლიათ ათქვეფილი კვერცხი წაუსვათ. ზედმეტი ცომი მოაჭერით.
- ბევრ მცენარეულ ზეთში ორივე მხრიდან თითო წუთით შეწვით და შემდეგ ქაღალდზე გადაიტანეთ, რომ ზედმეტი ცხიმი მოშორდეს.
- ჩებურეკები მზადაა. გემრიელად მიირთვით!
იმის წყალობით, რომ რეცეპტში ცომის პროპორციები სწორად დაცულია, წარმოუდგენლად ნაზი, რბილი, თხელი და უბრალოდ გემრიელი ჩებურეკი გამოდის! ცომს ცოტა მარილი უნდა დაუმატოთ, ასე უფრო გემრიელია!
სიტყვაზე, ჩებურეკს ფარშის ნაცვლად შეგიძლიათ დაუმატოთ ყველი, კარტოფილი ან სოკო. ვაღიაროთ, რომ ხორცით ყველაზე უფრო პოპულარულია. მიყვარს, როცა დედა ხორციან ჩებურეკს ტაფაზე წვავს. თქვენ სახლში ამზადებთ ჩებურეკს თუ ყიდულობთ?
ჩვენთვის მნიშვნელოვანია, რომ თქვენ დაუჭირეთ მხარი ჩვენს პროექტს. მოიწონეთ და გაუზიარეთ სტატია მეგობრებს
