იცით თუ არა, რომ ნემსიწვერა ადამიანის ორგანიზმისთვის გვირილაზე არანაკლებ სასარგებლო მცენარეა? დიახ, ეს საოცარი ყვავილი არა მხოლოდ თვალს ახარებს, არამედ ნერვებს ამშვიდებს. ბებიები სახლში და ეზოში ამ ყვავილს ტყუილად არ ზრდიდნენ. Paparazzi გიამბობთ, რა სარგებელი აქვს ნემსიწვერას და როგორ გამოვიყენოთ სწორად.დავიწყოთ იმით, რომ ნემსიწვერას არომატი გვამშვიდებს, დადებით ემოციებს იწვევს, დაღლილობის და სტრესის ნიშნებს აქრობს. თუ თავის ტკივილი ხშირად გაწუხებთ, საძინებელში ნემსიწვერას ყვავილი დადეთ. ის თქვენი პირადი ექიმი გახდება.
როგორ შევაგროვოთ და გავახმოთ ნემსიწვერა – ხალხურ მედიცინაში როგორც ნემსიწვერას ფესვებს, ასევე მიწისზედა ნაწილს იყენებენ. მცენარეს ყვავილობის დროს (ივნისიდან შემოდგომის ბოლომდე) კრეფენ. მის ყვავილებს და ფოთლებს ღია ცის ქვეშ, 45 გრადუსზე აშრობენ. ხმელი ყვავილი ნაჭრის ტომარაში უნდა შეინახოთ, რომ ვენტილაციას ხელი არ შეუშალოთ. სამკურნალო საშუალება 2 წლის განმავლობაში შეგიძლიათ გამოიყენოთ.
რა სარგებელი აქვს ხმელ ნემსიწვერას – ნემსიწვერას ხმელი ყვავილებით და ფოთლებით ჩაის და ნაყენს ამზადებენ. ისინი მდიდარია ეთერზეთები, რომლებიც ბევრ სამკურნალო თვისებას ფლობენ. მაგალითად, ნემსიწვერას ნაყენი ბუნებრივ ანტისეპტიკად და ტკივილგამაყუჩებელ საშუალებად შეგიძლიათ გამოიყენოთ.შეშუპებას ხელს უშლის, სისხლს აჩერებს და ბაქტერიებს ანადგურებს. ნემსიწვერას სასმელი კარგი შარდმდენი საშუალებაა. ნემსიწვერას ნაყენი მწვავე რესპირატორული დაავადებების პირველი სიმპტომების დროს ეფექტურია. გაჭედილი ცხვირის, ყელის ტკივილის და ოტიტის დროს იყენებენ.ჭაობის ნემსიწვერას ფესვის ნახარში სველი საფენებისთვის გამოიყენება. კანის დაავადებებს და ქავილიან დერმატიტს აქრობს. გარდა ამისა, ასეთი ნახარში შეგიძლიათ გამონაყარის და პიგმენტური ლაქების წინააღმდეგ ლოსიონის სახით გამოიყენოთ. სახე, ყელი, დეკოლტეს ზონა, ხელები გაიწმინდეთ.
იცოდით, ნემსიწვერას სარგებლის შესახებ, თუ ჩემსავით მხოლოდ მისი ლამაზი ყვავილების ცქერით ტკბებოდით? აღმოჩნდა, რომ ოთახის მცენარეებს შორის კოსმეტოლოგიაში მხოლოდ ალოე არ არის სასარგებლო. დროა, დავიხსომოთ.
