ბევრს ვარჯიშის რეჟიმის განახლება სურს. კარგი ფორმის შენარჩუნება ძალიან მნიშვნელოვანია. ვარჯიშით არა მხოლოდ შესანიშნავ ფიზიკურ მონაცემებს შეინარჩუნებთ, არამედ მენტალურ ჯანმრთელობას გააძლიერებთ. ვარჯიში ნერვულ სისტემას განტვირთვაში ეხმარება და ე.წ. დამიწებას ხელს უწყობს, რაც შფოთვასთან, სტრესთან და პანიკასთან გამკლავებაში გვეხმარება.
ვარჯიშის რეჟიმი – ხანგრძლივი შესვენების შემდეგ ვარჯიშის სტაბილურ რეჟიმში ჩადგომა რთულია. ერთი მხრივ, საკუთარ თავზე ზედმეტი ზეწოლის მოხდენა არ გვსურს. მეორე მხრივ, სარკეში ცხოვრებით და გარეგნობით უკმაყოფილო ადამიანის ყურება გვანაღვლებს.როგორ დავიწყოთ ვარჯიში? მცირედით დაიწყეთ. ყოველდღე 10 წუთით ივარჯიშეთ. ამის გაკეთებისას გაღვიძებისას გირჩევთ. ადექით, მაშინვე სხეული გაახურეთ და რამდენიმე მთავარი ვარჯიში შეასრულეთ: პლანკა, გაწელვა და რაღაც, რაც ნაკლებ დისკომფორტს იწვევს. მაგალითად, პრესის ვარჯიში. ზედმეტი არ მოგივიდეთ და ბევრ წრეზე არ მიბრუნდეთ. 10 შესრულება და 2 წრე საკმარისია.10 წუთიანი ვარჯიში გამოფხიზლებაში, გამხნევებასა და დღის აქტიურად დაწყებაში დაგეხმარებათ. ვარჯიშისას ორგანიზმი ბედნიერების და სიხარულის ჰორმონებს გამოიმუშავებს. ვარჯიში შფოთვის, პანიკის და შიშის მოშორებაში გვეხმარება.
ვარჯიშები, რომლებიც დამწყებთათვის კარგია
- პლანკა. პლანკა ბევრს გამოადგება. ეს სტატიკური ვარჯიშია, რომელიც დამატებით მოძრაობას არ მოითხოვს. მთავარია, თავიდან სხეულის სწორი პოზა დაიკავოთ და დრო დანიშნოთ. 40 წამიდან დაიწყეთ და ყოველდღე დრო გაზარდეთ. პლანკა კარგია იმით, რომ ყველა მნიშვნელოვან კუნთს ავარჯიშებს. ვარჯიშის შესრულებისას ხელები, პრესი, ზურგი, დუნდულები და თეძოები აქტიურდება.
- აზიდვები. შესანიშნავი ვარჯიშია მათთვის, ვისაც ხელების და ზურგის გაძლიერება სურთ. პლანკის პოზიდან სრულდება: სწორი ზურგი, მთელი ტანი ერთ ხაზზე. თავიდან აზიდვების გასაკეთებლად შეგიძლიათ მუხლებზე დადგეთ და ხელებით დივანს დაეყრდნოთ.
- ჩაჯდომები. ჩაჯდომების სწორად გაკეთება ძალიან მნიშვნელოვანია. თუ სუსტი მუხლები გაქვთ, ეს ვარჯიში სხვა რამით ჩაანაცვლეთ. ვარჯიშის შესასრულებლად ფეხები მხრების სიგანეზე გაშალეთ და ჩაჯდომა დაიწყეთ. დუნდულები და თეძოები იატაკის პარალელური ხაზის ქვემოთ არ უნდა ჩავიდეს. წარმოიდგინეთ, რომ სკამზე ჯდებით.
ფსიქოლოგიური მხარდაჭერის პოვნა ნებისმიერ დროს მნიშვნელოვანია. ასეთი მხარდაჭერა შეიძლება იყოს საყვარელ ადამიანთან ურთიერთობა, მომავლის დაგეგმვა, ჯანმრთელობაზე ზრუნვა. საკუთარ თავზე ყველაზე შესაძლო გზით იზრუნეთ. მაგალითად, ეს შეიძლება ყოველდღიური ათწუთიანი ვარჯიში იყო ან ის, რომ საკუთარ თავს ზედმეტი კანფეტის ჭამის უფლება მისცეთ.
