საზღვარგარეთ არასდროს ვყოფილვარ, მეშინია წასვლა, არ ვიცი, რა გავაკეთო და როგორ მოვიქცე

0
252

ომი ბევრ ადამიანს სახლის დატოვება აიძულებს. ზოგი საერთოდ საცხოვრებლად საზღვარგარეთ გადადის. ყველა ადამიანი ასეთ სწრაფ ცვლილებებს ადვილად ვერ ეგუება. ალბათ, მარტივი არავისთვისაა. არიან ისეთებიც, რომლებიც საზღვარგარეთ ნამყოფი არ იყვნენ და არ იციან, როგორ მოიქცნენ. თუ თქვენც საზღვარგარეთ წასვლა გადაწყვიტეთ (იქ ხართ ან ახლა ემზადებით), Paparazzi პატარა გზამკვლევს გთავაზობთ. ის შექმნილია არა სასწავლებლად, არამედ იმისთვის, რომ თავი დაცულად და უსაფრთხოდ იგრძნოთ.

„დედა თითქმის 60 წლისაა. ორი ძალიან ახლო მეგობარი ყავს. ისინი დედის მსგავსად საზღვარგარეთ წასული არასდროს ყოფილან. ახლახანს ჩვენთან სახლში შეიკრიბნენ და მათი საუბარი გავიგონე. სამუშაოდ საზღვარგარეთ წასვლაზე საუბრობდნენ. ომის დროს სამსახურის პოვნა რთულია და სურთ, რომ რაიმე გააკეთონ. ერთ–ერთი მეგობარი შეწუხდა, რომ საზღვარგარეთ არასდროს ყოფილა და არ იცის, როგორ მოიქცეს, რა გააკეთოს. მივხვდი, რომ ახლა ბევრი ადამიანი თავს ასე გრძნობს.“ – გვიზიარებს მკითხველი. სწორედ ამიტომ, სასარგებლო რჩევებს გიზიარებთ.

ინფორმირებული ნიშნავს შეიარაღებულს – გამგზავრების წინ ქვეყანაზე, სადაც წასვლას აპირებთ, ინფორმაცია უნდა შეაგროვოთ. ქვეყანასა და კონკრეტულ ქალაქზე მეტი ინფორმაცია წაიკითხეთ. ნებისმიერი ინფორმაცია გამოგადგებათ, არახელსაყრელი რეგიონით დაწყებული და წყლის ხარისხის და საჭმლის შესახებ ინფორმაციით დამთავრებული. რაც უფრო მეტს გაიგებთ, ორიენტირება გაგიადვილდებათ. თან უფრო დამშვიდდებით. როცა მშვიდად ხართ, თქვენი მოტყუება ან დეზორიენტაცია რთულია. სიფხიზლე არ უნდა დაკარგოთ.

ფული და დოკუმენტები – კვლავ, სხვადასხვა სიტუაციისთვის უნდა მოემზადოთ. გამგზავრების წინ ყველა დოკუმენტის ასლი გადაიღეთ. ასლები ფოსტით გაგზავნეთ, ღრუბლოვან სივრცეში შეინახეთ. მეხსიერების ბარათით თან შეგიძლიათ წაიღოთ. გამოგადგებათ, თუ პასპორტს დაკარგავთ. ბევრი ნაღდი ფული არ წაიღოთ. მით უფრო ერთ ჯიბეში არ ჩადოთ. გირჩევთ, ბარათით გადაიხადოთ. წინასწარ გაიგეთ, რომელი ბარათის გამოყენებას შეძლებთ ამ ქვეყანაში. სადღაც ფურცელზე ბანკის ტელეფონი ჩაიწერეთ, რომ ყოველი შემთხვევისთვის გქონდეთ. ძვირფასი ნივთები და საფულე უკანა ჯიბეში არ ჩაიდოთ. შიდა ჯიბეში, რომელსაც ელვა შესაკრავი აქვს, ან ჩანთაში შეინახეთ. სიტყვაზე, არსებობს კვლევა, რომელიც ამტკიცებს, რომ თუ საფულეში პატარა ბავშვის ფოტოს ჩადებთ, მაშინ საფულის დაბრუნების შანსი მაღალია. რა თქმა უნდა, სჯობს საფულე გაქურდვისგან დაიცვათ.

ტექნოლოგია უსაფრთხოების სადარაჯოზე – გამგზავრების წინ ტელეფონზე გადმოწერეთ აპლიკაცია „ქურდობის საწინააღმდეგო სიგნალიზაცია“, „დისტანციური მართვა Android“, „Find My iPhone“ და რაღაც მსგავსი. თუ არ იმუშავა, მათი დახმარებით ტელეფონის ადგილმდებარეობას გაიგებთ. არსებობს აპლიკაცია, რომლის დახმარებით ადამიანების ჯგუფი შეგიძლიათ შეარჩიოთ, რომელთაც შეტყობინება მიუვათ, თუ რაღაც რიგზე არაა. ერთი დაჭერით თქვენს კონტაქტებს შეტყობინებას გაუგზავნით. ისინი კოორდინატებს და ადგილობრივი სამაშველო ცენტრის ნომერს მიიღებენ. ზოგიერთ ტელეფონს ჩაშენებული ფუნქცია აქვს, მაგრამ ცალკე აპლიკაციებიც არსებობს.

წინასწარ დაგეგმეთ – მოგზაურობა წინასწარ დაგეგმეთ. იზრუნეთ, რომ სადმე წასასვლელი გქონდეთ. საცხოვრებელ ადგილსა და სამსახურზე წინასწარ დაფიქრდით. აქ, გარემოების მიხედვით შეგიძლიათ იმოქმედოთ. თუ ლტოლვილის სტატუსის მიღებას აპირებთ, საკითხი წინასწარ უნდა გაარკვიოთ. გამგზავრების წინ აუცილებელია იმ ქვეყნის ენა ცოტათი შეისწავლოთ, სადაც წასვლას აპირებთ. არავინ გეუბნებათ, რომ სრულყოფილად დაეუფლოთ, მაგრამ რამდენიმე ფრაზის ცოდნა საჭიროა. ენის ცოდნით დამკვიდრება გაგიადვილდებათ.

სასარგებლო რჩევები – გზაზე ყოფნისას უსაფრთხოებაზე ზრუნვა მთავარია. საეჭვო ადამიანებს არ გაესაუბროთ. მით უფრო მანქანაში არ ჩაუჯდეთ. დოკუმენტების მოთხოვნის და კითხვების დასმის არ მოგერიდოთ. სამწუხაროდ, ზოგიერთი ადამიანი სხვისი უბედურებით სარგებლობს. საზღვარგარეთ წასვლის არ შეგეშინდეთ. კარგი ადამიანები ყველგან ცხოვრობენ.