აი, როგორ გამოიყურებოდნენ 1940-იან წლებში კანადელი მეძავები

როცა რომელიღაც ჰოლივუდურ ფილმში ძველ ბორდელს აჩვენებენ, კადრს მაშინვე ავსებს მომხიბვლელი ახალგაზრდა ლამაზმანები. თუმცა, რეჟისორი, რომელსაც ღირსეული ისტორიული ფილმის გადაღება სურდა, სრულ სურათს არ გვაჩვენებს.

პოლიციის არქივში გადაღებული სურათები თვალსაჩინოდ წარმოგვიდგენს: გასული საუკუნის პირველ ნაწილში “ღამის პეპლები”, ხშირად, ცხოვრებით გამწარებული, ნაკლებად მიმზიდველი ქალები იყვნენ. თქვენ წინაშეა კანადური ქალაქის, მონრეალის მეძავების ფოტოები. ეს ქალაქი, მეოცე საუკუნის 30-40-იან წლებში, ჩრდილოეთ ამერიკის მეძავების დედაქალაქად ითვლებოდა.

მეიდელინ განიონი – იმ დროისთვის ტიპური მეძავი. სამართალდამცავებმა იგი აიყვანეს მრავალრიცხოვანი დაწესებულებიდან ერთ-ერთში, რომლებიც მაშინ პატარა მაღაზიების მეორე სართულზე იხსნებოდა. ასეთი პატარა ბორდელები მონრეალში ძალიან ბევრი იყო.

კანადური ქალაქი ცნობილია, როგორც ცოდვის ბუდე, რომელიც პირველი მსოფლიო ომიდან მალევე გაჩნდა. როცა აშშ-ში “მშრალი კანონი” დამტკიცდა, ამერიკელებმა დაიწყეს ქვეყნიდან გასვლა სასმლისთვის და დალევის თანმდევი დროის გატარებისთვის. ადგილობრივი ხელისუფლება თავიდან ესალმებოდა ახალი შემოსავლის წყაროებს.

მოგვიანებით, როცა შტატებში აკრძალვა შეწყდა, ქალაქის ხელისუფლება იძულებული გახდა, მის მიერ შექმნილი დაწესებულებები გაეწმინდა. ამას დაახლოებით 10 წელი დასჭირდა – 1940-50 წლები. ჩვენი ნაკრების მეძავთა დიდი ნაწილი 1939-41 წლებში დააკავეს, დაჭერათა პირველ სერიაში.

ლილა ტონი, ქვედა სურათზე აღბეჭდილი, დიდხანს თვითონ იდგა პანელებზე, სანამ საკუთარი ბორდელის მფლობელი გახდებოდა. დაკავებულ ქალთა სახეზე გამოსახული ღიმილი თვალსაჩინო მტკიცებულებაა იმისა, რომ ერთ-ერთი პოლიციელი მათი კლიენტი ყოფილა.

არც ჟანინ ლებრენის საქმე მიდიოდა კარგად. დროთა განმავლობაში, პოლიციელების მიერ დაჭერები სულ უფრო რეგულარული ხდებოდა, ბორდელები დაიკეტა და, ოდესღაც მიწისქვეშა სამყაროს დედოფლები, ჩვეულებრივ პატიმრებად იქცნენ.

ქვემოთ სურათზე ჩანს ანა ლაბელი, ქალაქის ბორდელების არაკორონირებული დედოფალი. იგი ადრე, 1939 წელს დააკავეს. პოლიციელებს დაამახსოვრდათ, რომ ანა სასამართლო განხილვაზე “კადილაკით” მოვიდა. გარდა ამისა, ქალბატონი თავის ბეწვის ქურქს ციხეშიც არ გამომშვიდობებია.

რამდენიმე წლის შემდეგ, ლაბელის ბედი გაიზიარა ცოდვის კიდევ რამდენიმე დედოფალმა. ლილიანა ბრაუნი და ლუსი ბიზანტე, ანასთან ერთად, ქალაქის სამი ყველაზე გავლენიანი და მდიდარი მადამი იყო. ეს სამი ქალი შეულახავ ავტორიტეტებს წარმოადგენდნენ ქალაქის სახალხო დაწესებულებებისთვის.

ისინი, ვინც უფრო მცირე დაწესებულებებს ფლობდა, ხშირად, მაინც აგრძელებდნენ მეძავობას. მაგალითად, ფლერეტ დუბუა და მარგარიტა სმიტი, რომლებიც ერთ ნუგეშის სახლს ფლობდნენ, კლიენტებს პირადადაც ემსახურებოდნენ.

ხშირად, მონრეალის მეძავები თავს კანონმორჩილ და ღვთისმოშიშ მოქალაქეებად ასაღებდნენ. ქვემოთ ფოტოზე აღბეჭდილია ბლანშ მარტივი, რომელიც მოსამსახურედ მუშაობდა, სანამ არ გაირკვა, რომ თავისუფალ დროს იგი მეძავობას ეწეოდა.

როგორც ხედავთ, უძველესი პროფესიის წარმომადგენელთა ბედი მაშინ სულაც არ იყო მარტივი. ცხოვრების წლები და სირთულეები მათ სახეებზეც ეტყობათ.

Loading...

LEAVE A REPLY

Please enter your comment!
Please enter your name here