წელს პირველად დავრგე პომიდორი “სერჟანტი პეპერი”, მაგრამ ნერგებმა მოიწყინეს და ჭკნობა დაიწყეს. მაშინვე მივიღე სასწრაფო ზომები და დახმარებისთვის გამოცდილ მებაღეს მივმართე, რომელიც უკვე 10 წელია საკუთარი მოყვანილი ბოსტნეულით ვაჭრობს ბაზარში. მან მასწავლა მორწყვის წესი იმისთვის, რომ პომიდორი მკვრივი და წვნიანი გაიზარდოს.როგორც ამბობენ, სიცხეში იცვლება მორწყვის წესი და პაპარაცის დღევანდელ სტატიაში ამ თემაზე ვისაუბრებთ.

როგორ მოვრწყოთ სწორად პომიდორი

გასულ ზაფხულს აღმოვაჩინე პომიდვრის ახალი ნაირსახეობა “სერჟანტი პეპერი”. ეს არის დიდი, ვარდისფერი, ხორციანი პომიდორი გასაოცარი არომატით.ეს ჯიში გამოირჩევა მაღალი პროდუქტიულობით, ეგზოტიკური და წარმოუდგენლად გემრიელი ნაყოფით. უარყოფითი მხარე ის აქვს, რომ არ უყვარს სივიწროვე და მზის ნაკლებობა. მას სჭირდება სივრცე და რაც შეიძლება მეტი სინათლე.ასეთი პომიდვრის გემო პირდაპირ არის დამოკიდებული ამინდის პირობებზე. რაც უფრო მეტია მზის სხივი, მით უფრო ხასხასა ფერის და სასიამოვნო გემოსი გამოდის პომიდორი. ნაყოფი საკმაოდ მკვრივია და კარგად ინახება.

პომიდვრის მორწყვა – “თითოეული ბუჩქის ქვეშ ჩაარჭეთ გადაჭრილი პლასტმასის დიდი ბოთლები და აასხით ხოლმე წყალი. მიწა ფესვებთან მუდმივად სველი იქნება. შეგიძლია უფრო პატარა ბოთლებიც გამოიყენო.” მირჩია მეზობელმა როდესაც ჩემი პრობლემის შესახებ გაიგო.როდესაც ძალია ცხელა, მხოლოდ ეს სახეობა უშვებს დამჭკნარ ფოთლებს ქვემოთ.სათბურში პომიდორი უნდა მოირწყას გრუნტის გამოშრობის შემდეგ. ახალი, ჯერ კიდევ სუსტი ნერგები უფრო ხშირად უნდა მოირწყოს, ვიდრე დიდი და მოძლიერებული.პომიდორს უყვარს წყალი, მაგრამ არა ყოველდღიურად. უნდა მოირწყოს საჭიროებისამებრ, რამდენიმე დღეში ერთხელ, უხვად და მხოლოდ ფესვებთან. რაც უფრო ნაკლები წყალი მოხვდება ფოთლებს, მით უფრო ნაკლები დაავადებები გაუჩნდება ამ მცენარეს.

და კიდევ: მორწყეთ პომიდორი მხოლოდ დილის საათებში. მოაცილეთ ქვედა ზედმეტი ფოთლები პირველ ფუნჯამდე, ასევე, ზედმეტი ტოტები, რომელიც ენერგიას ართმევს მცენარეს მწვანე მასის ფორმირებისთვის და ასევე შეიძლება გახდეს დაავადების წყარო, რადგან მიწიდან აიღებენ პათოგენურ მიკროორგანიზმებს.ეს არ გააკეთოთ ერთბაშად. მოაცილეთ ნერგებს დილაობით რამდენიმე ზედმეტი წანაზარდი.განსაკუთრებით ფრთხილად უნდა აკონტროლოთ ნიადაგის ტენიანობა პომიდვრის ნერგების მჭიდროდ დარგვის დროს. თქვენ შეგიძლიათ მარტივად განსაზღვროთ აქვთ თუ არა მცენარეებს საკმარისი ტენიანობა: თუ ზედა ფოთლები იწყებს დახვევას, აუცილებელია მორწყვის სიხშირის გაზრდა. ნაყოფზე ნახეთქები საპირისპიროს მიუთითებს – სიხშირე ან ინტენსივობა უნდა შემცირდეს.

რჩევა რედაქციისგან: როდესაც პომიდორი იწყებს დამწიფებას, ხშირი მორწყვა აჩქარებს ამ პროცესს. მნიშვნელოვანია, რომ არ გადააჭარბოთ წყლის რაოდენობას, რადგან ამ შემთხვევაში იმატებს სოკოვანი დაავადებების რისკი. თქვენ როგორ უვლით პომიდვრის ნერგებს? გაგვიზიარეთ გამოცდილება კომენტარებში.