თუ თქვენ არ იცით როგორ მოამზადოთ ყაბაყის ხიზილალა და როგორ გააკეთოთ მისგან ოქროს რეზერვი, კეთილი იყოს თქვენი მობრძანება ჩვენს ვებგვერდზე. მართლაც, პაპარაცის დღევანდელ სტატიაში მოცემული მაიონეზიანი ხიზილალის რეცეპტი არ გაგიცრუებთ იმედებს.თუ ყაბაყის ხიზილალა აქამდე არასოდეს დაგიხუფავთ, არ შეგეშინდეთ და თამამად სცადეთ ის ჩვენი რეცეპტის მიხედვით. პირველ რიგში, თუნდაც ერთი პურის ნაჭერი ამ ვიტამინებით სავსე ბოსტნეულით, ნებისმიერ ოჯახს დაეხმარება რთულ პერიოდში. მეორეც, ის უგემრიელესი კერძია, რომელიც მოერგება ნებისმიერ სადღესასწაულო სუფრას.
ინგრედიენტები
- 6 კგ. გაფცქვნილი ყაბაყი
- 1 კგ. ხახვი
- 1 ს/კ ზეთი
- 0,5 ლ. ტომატის პასტა
- 0,5 ლ. მაიონეზი
- 2 ს/კ მარილი
- 4 ს/კ შაქარი
- 4 ს/კ ძმარი (9%)
- 0,5 ჩ/კ დაფქული წითელი წიწაკა
მომზადების წესი
- ყაბაყს აუცილებლად მოაცილეთ კანი. ეს უზრუნველყოფს ხიზილალის ნაზ ტექსტურას. ბოსტნეულს დაასხით ცოტა წყალი და ადუღეთ სანამ არ დარბილდება.
- ხახვი გაფცქვენით, წვრილად დაჭერით და შეწვით მცენარეულ ზეთში. ის ოქროსფერი უნდა დარჩეს შეწვისას და არ უნდა გაშავდეს.
- გადაწურეთ წყალი და მოხარშულ ბოსტნეულს დაუმატეთ კარამელიზირებული ხახვი. შემდეგ დააბლენდერეთ ერთგვაროვანი მასის მიღებამდე.არ გირჩევთ ხორცსაკეპი მანქანის გამოყენებას, რადგან მასა თხელია და ბევრი ზედმეტი სამუშაოს გაწევა მოგიწევთ. თუ ბლენდერი არ გაქვთ, შეგიძლიათ გამოიყენოთ კარტოფილის საჭყლეტი.
- გახეხილ ყაბაყს დაუმატეთ მარილი, შაქარი, ძმარი, დაფქული წითელი წიწაკა. არ დაგავიწყდეთ მაიონეზი და ტომატის პასტა. ამის წყალობით, ხიზილალას ექნება მდიდრული, საინტერესო გემო.შეგიძლიათ დაიწყოთ ხარშვა! ქვაბთან მორიგეობა მოგიწევთ დაახლოებით 2 საათის განმავლობაში, რათა მუდმივად ურიოთ ყაბაყის ხიზილალას, რომ არ მიიწვას.
- 2 საათი შეიძლება ძალიან დიდ დროდ მოგეჩვენოთ, მაგრამ წვალებად ღირს. სანამ ხიზილალას ურევთ, შეგიძლიათ დაისვენოთ, იფიქროთ მარადიულობაზე, ან უყუროთ საყვარელ სერიალს ცალი თვალით.
- როგორ უნდა მიხვდეთ, რომ ხიზილალა მზად არის? ის გაურკვეველი რუხი-ვარდისფერი ნარევიდან მოწითალო ოქროსფრად გადაიქცევა. ცხელი ხიზილალა მაშინვე უნდა მოხუფოთ სტერილური ქილებში.
რა არის ყველაზე რთული ხიზილალის მომზადების დროს? – ძალიან მნიშვნელოვანია, რომ არ მიატოვოთ ქვაბი, რაშიც ხიზილალა იხარშება, რადგან შეიძლება დუღილის დროს გადმოვიდეს და გაზქურა დასვაროს. გამუდმებით ურიეთ, არ დაიზაროთ და შემდეგ ყველაფერი საუკეთესოდ იქნება. თუ ყაბაყს ბედის ანაბარა დატოვებთ და ღუმელს რამდენიმე წუთითაც კი მოშორდებით, არსებობს რისკი, რომ სამზარეულოს ტექნიკამ თქვენზე ადრე დააგემოვნოს ეს დელიკატესი.თუ გაქვთ მულტისახარში – გილოცავთ, მასში ყაბაყის ხიზილალის მოხარშვა ბევრად უფრო მოსახერხებელია.ზოგიერთი დიასახლისი ჯერ ადუღებს ყაბაყს რეცეპტში შემავალი ყველა ინგრედიენტით და მხოლოდ ამის შემდეგ აბლენდერებს.
შეიძლება თუ არა ტომატის პასტის ჩანაცვლება ცოცხლი პომიდორით? – მე არ გირჩევთ ამ ჩანაცვლების გაკეთებას. ტომატის პასტა აქ კონსერვანტის როლს ასრულებს. მისი ამოღების შემთხვევაში ხიზილალას სულ სხვა გემო ექნება, გაცილებით ნაკლები დროის განმავლობაში შეინახება. ტომატ-პასტით ხიზილალა სქელი გამოვა, პომიდორთან ერთად კი უფრო თხევადი კონსისტენცია ექნება.
შეიძლება თუ არა სტაფილოს და ბულგარული წიწაკის დამატება? – არიან ქალები, რომლებსაც უყვართ რეცეპტში რაღაცის დამატება და იმპროვიზაციის გარეშე უბრალოდ არ შეუძლიათ. თუ გსურთ, დაამატეთ სტაფილო და ბულგარული წიწაკა. ეს არ გააფუჭებს კერძს.ყაბაყის ხიზილალა მაიონეზით და ტომატის პასტით, შეგიძლიათ უსაფრთხოდ შეინახოთ სახლში იმ პირობით, რომ ყველაფერი საგულდაგულოდ იქნება სტერილიზებული. კიდევ ერთი საინტერესო ნიუანსი: რაც უფრო მეტი დრო გავა, კერძი მით უფრო გემრიელი გახდება! აუცილებლად გადაინახეთ ერთი ქილა საახალწლო სუფრისთვის! გისურვებთ ჯანმრთელობას და სასიამოვნო დღესასწაულებს ოჯახურ წრეში. გთხოვთ გაუზიაროთ ჩვენი რეცეპტი თქვენს მეგობრებს!
