ბებია პროფესიით ქალების ექიმია და მეუბნება, რომ ომის წინ უფრო მეტი ბიჭი იბადება. ხალხური რწმენის თანახმად, ომამდე და ომის შემდეგ 2-3 წელიწადი უფრო მეტი ბიჭი იბადება. ბევრი ვერსია არსებობს, თუ რატომ ხდება ასე. დღემდე არც ერთი ვერსია დამტკიცებული არაა, თუმცა გენეტიკური კანონები, რომლებიც ბავშვის სქესს ქმნიან, აღმოჩენილია. როგორ გავიგოთ, ვინ დაიბადება, ბიჭი თუ გოგო?
როგორ გავიგოთ, ვინ დაიბადება – ცოტა რამ სტატისტიკის შესახებ. დედამიწაზე ნებისმიერ დროს ყოველ 100 ბიჭზე 105 გოგონა იბადებოდა. ეს ბალანსი ყველგან გვხვდება: აფრიკაშიც და ნორვეგიაშიაც. 20 წლის შემდეგ ეს დისპროპორცია ოდნავ მცირდება. ახლა ყოველ 100 ზრდასრულ კაცზე საშუალოდ 101,8 ქალი მოდის. ქალები მაინც მეტი არიან. საპატიო ასაკში ცოცხალი ქალებისა და კაცების რაოდენობას შორის ზღვარი კვლავ ქალების სასარგებლოდ იზრდება. რატომ ხდება ასე, ერთმნიშვნელოვანი პასუხი არ არსებობს. სავარაუდოდ, ეს სხვადასხვა მიზეზის რთული კომბინაციაა. მამაკაცი ნაკლებად სიცოცხლისუნარიანია, ვიდრე ქალი. ქალი სხვადასხვა უბედურების დროს (ომი, ეპიდემია, სტიქიური უბედურებები) უფრო ამტანია. ალბათ, ამიტომ ქალები საშუალოდ 5 წლით მეტხანს ცხოვრობენ, ვიდრე კაცები.
რატომ იბადებიან ერთ ოჯახში ერთსქესიანი ბავშვები – მოდით, ბიოლოგია თავისი X და Y ქრომოსომებით გვერდზე გადავდოთ და არამატერიალური კატეგორიებით ვიმსჯელოთ. ბოლოს და ბოლოს, თითოეულ ფენომენს თავისი ენერგეტიკული ფონი აქვს. ცნობილი მწერალი და პარაფსიქოლოგი სერგეი ლაზარევი ამ ფენომენს ენერგეტიკული თვალსაზრისით განიხილავს. ის ბიჭების დაბადების ფენომენს ხსნის იმით, რომ ომამდე პერიოდში ადამიანი ქვეცნობიერად უბედურების მოახლოებას გრძნობს. სწორედ ამიტომ, სული წინასწარ გაძლიერებისკენ, მობილიზებისა და მომზადებისკენ მიისწრაფვის. შინაგანი ენერგია იზრდება, ადამიანი მძიმე განსაცდელის გასავლელად ემზადება, რომლის დროსაც მომავალ კატასტროფას უნდა შეეგუოს. შედეგად, ბიჭები იბადებიან. მამრობითი სქესი ხომ სულიერებასა და მომავლის ენერგიასთან ასოცირდება.
დამოკიდებულია თუ არა მომავალი ბავშვის სქესი ოჯახურ ურთიერთობებზე – ასეთი ბიოლოგიური მექანიზმი შეიძლება გამოყენებულ იქნას, თუ ოჯახი დიდი ხანია ელოდება მემკვიდრეს, ხოლო ცოლი მხოლოდ გოგოებს აჩენს. შეიძლება ვივარაუდოთ, რომ მას სტრატეგიული ენერგია აკლია. ტოტალურ კომფორტსა და მორჩილებაში ცხოვრობს და მნიშვნელოვანი გადაწყვეტილებების მიღებას მთლიანად მოშორებულია. როცა ოჯახში ქმარი უპირობო და ავტორიტარული ლიდერია, მაშინ ქალიშვილები იბადებიან. ოჯახში, სადაც მამაკაცის საწყისი გამოკვეთილი არაა, ოდნავ დახშულია, ხოლო ქალი მეთაურობს, იქ მემკვიდრეს ელოდეთ. მაგალითად, კავკასიელები უფროსებს პატივს სცემენ და სურვილების შეკავება შეუძლიათ. სისხლში უფროსების მიმართ უპირობო პატივისცემა აქვთ. სიამაყის მოთოკვა სისუსტის ნიშანი არაა. მკაცრი იერარქიაა. მამაკაცი უფროსებს ემორჩილება, ქალი – მამაკაცს. იქნებ ამიტომაც კავკასიურ ოჯახებში უფრო მეტი ბიჭი იბადება?
„რაც უფრო მეტი სიამაყე და მამაკაცური პატივმოყვარეობაა საზოგადოებაში, მით უფრო მეტი გოგონა იბადება იქ“– გვიზიარებს საოცარ დაკვირვებას ლაზარევი. ეს არც ისე კარგია, როგორც ერთი შეხედვით შეიძლება გაიფიქროთ. ქალის ენერგია ინსტინქტებს უკავშირდება. როგორი უცნაურიც არ უნდა იყოს, ინსტინქტებთან და მგრძნობელობასთან ტოტალური მიჯაჭვულობა გადაგვარებას იწვევს. სქესებს შორის ზღვარი იშლება, უნისექსი მოდაშია, როცა ბიჭი და გოგო ერთმანეთს ჰგავს, რასაც ახლა ვაკვირდებით. ასე საზოგადოება კვდება, სული ღარიბდება.
პარაფსიქოლოგის რჩევა – სერგეი ლაზარევი პასუხობს, რა უნდა გააკეთოთ, რომ ოჯახში ბიჭი დაიბადოს. მწერალი და მკვლევარი გირჩევთ, რომ ოჯახურ ურთიერთობაში გაერკვეთ. როგორც ამბობს, გოგოს გასაჩენად ბევრი შინაგანი ენერგია საჭირო არაა, რასაც კაცის სქესზე ვერ ვიტყვით. თუ ვაჟიშვილი გსურთ, ოჯახში ძალაუფლება ცოლს გადაეცით, დაე ლიდერი და უფროსი გახდეს. დროებით სიამაყე მოთოკეთ. ქალს გაძლიერების და საკუთარი ძალის შეგრძნების საშუალება მიეცით. ასე ბიჭი დაიბადება.
