ავოკადოთი ბევრი გემრიელი რეცეპტი შეგიძლიათ იპოვოთ. ასეთი ნათელი და სასარგებლო კენკრა განსაკუთრებით უყვართ მათ, რომლებიც სხეულის ფორმებს ყურადღებას აქცევენ. ავოკადოს საუზმეზე მიირთმევენ, მაგრამ ვახშამზეც ზედმეტი არ იქნება. იცით თუ არა, რომ ავოკადოს სხვადასხვა სახეობა არსებობს? შესაბამისად, მათი გემოს თვისებები მნიშვნელოვნად განსხვავდება. როგორ ავირჩიოთ საუკეთესო ვარიანტი?
გემრიელი რეცეპტები ავოკადოთი – პირველ რიგში, ავოკადოს სიმწიფის ხარისხზე გიამბობთ. თუ კენკრა ჯერ კიდევ მწიფე არაა, მისი გემო ვერ გაგახარებთ. რაღაცით მკვახე მსხალს ან გოგრას ჰგავს. გარდა ამისა, ასეთი ავოკადო უფრო მაგარია. როგორ მოვძებნოთ იდეალური ნაყოფი?
ავოკადოს სიმწიფის დონე – გარე გარსზე დაკვირვებით გაიგებთ, ნაყოფი საკვებად კარგია თუ არა. მკვახე კენკრა საკმაოდ მაგარია, თუ ქერქს თითით დააწვებით. გარდა ამისა, ყუნწის დამაგრების ადგილს ყურადღება უნდა მიაქციოთ. თუ ყუნწის ფესურა უკვე ჩამოცვივდა ან თითით მსუბუქად დაჭერისას ჩამოვარდა, ავოკადო შიგნით დამპალი ან გადამწიფებულია. თუ ფესურა საიმედოდ დამაგრებულია, ხოლო მისი მიმაგრების ადგილი ღიაა, კენკრა ცოტა ხნით გააჩერეთ. ამის გაკეთება სახლშიც შეგიძლიათ. ავოკადოს საჭირო კონსისტენციის მიღებაში რომ დაეხმაროთ, სუფთა ქაღალდის პარკში შეფუთეთ და თბილ და ბნელ ადგილას შეინახეთ. 2–3 დღეში ნაყოფი რბილი და გემრიელი გახდება.
ავოკადოს მომწიფების ხელოვნურად დასაჩქარებლად კიდევ რამდენიმე მეთოდი არსებობს. მაგალითად, ნაყოფი მზიან ფანჯრის რაფაზე დადეთ ან მის გვერდით ბანანი შეინახეთ. ორივე მეთოდის ეფექტურობა საეჭვოა. მზის პირდაპირი სხივების გამო ავოკადო უბრალოდ გაშავდება. სიტყვაზე, ბანანი ავოკადოს რბილობის მდგომარეობას ნაკლებად აუმჯობესებს.
სასარგებლო ნაყოფის სახეობები
- ერთ–ერთი ყველაზე პოპულარული სახეობაა „ჰასი“ (Hass). კენკრის ქერქი უფრო მუქია, რბილობი ხორციანი კაკლის ნაზი გემოთი. ასეთ ავოკადოს მრგვალი ფორმა აქვს, შიგნით პატარა კურკა აქვს. „ჰასი“ იდეალურია გუაკამოლეს მოსამზადებლად ან სენდვიჩზე წასასმელად. ასეთი ავოკადო ხანგრძლივ ტრანსპორტირებას ადვილად იტანს, არ შავდება და გზაში არ ლპება.
- სახეობა „ფუერტე“ (Fuerte) წვეთოვანი ფორმით გამოირჩევა. მწიფე ნაყოფი უფრო წაგრძელებულ მსხალს ჰგავს. ბალახოვანი და მსუბუქი გემო აქვს. დამწიფების პროცესში ცოტა არასტაბილურია. გარე გარსის ფერი ღია მწვანეა, რბილობი მოყვითალო–თეთრი. პატარა კურკა აქვს. სალათისა და სუშისთვის იდეალურია.
- ფუერტეს ყველაზე მეტად ჰგავს „პინკერტონი“ (Pinkerton). მისი ფორმა უფრო წაგრძელებული წვეთი ან მსხალია. რბილობი ქერქს ადვილად შორდება. კურკა ძალიან დიდი არაა. ქერქი ხორკლიანია, ხოლო რბილობის ფერი კურკაზე მუქი და კიდეებზე ღია.
- ავოკადო „რიდ“ (Reed) თითქმის მრგვალი ფორმით გამოირჩევა. მასიური კურკა აქვს, მაგრამ სქელი ქერქი გემრიელ, ხორციან რბილობს ადვილად შორდება. რბილობის გემო გაჯერებულია, კაკლის ნოტები დაყვება. სენდვიჩისა და ეგზოტიკური სოუსისთვის კარგი ვარიანტია.
უჩვეულო მწვანე კენკრა – დღეს მხოლოდ ყველაზე გავრცელებული სახეობები განვიხილეთ, მაგრამ სინამდვილეში უფრო მეტი არსებობს. მაგალითად, ბრაზილიაში ავოკადოთი ტკბილ კრემს ან რძიან კოქტეილს აკეთებენ. მექსიკაში პიკანტური გუაკამოლეს გარეშე ერთი დღეც ვერ წარმოუდგენია. ავოკადოს არა მხოლოდ სპორტსმენები და დიეტაზე მყოფნი აფასებენ, არამედ ვეგეტარიანელებიც. მათთვის გემრიელი ავოკადო ხორცის და კვერცხის წარმატებული ალტერნატივაა.
