აგარაკზე ბებიის მიერ დარგული ბევრი ყვავილი იზრდება. მაშინ ვარდის იშვიათი ჯიშები ისევე ფასობდა, როგორც უცხოური კოსმეტიკა. სწორედ ამიტომ, ზოგიერთი მათგანის მოშორებას ვერ ვბედავ. ძველ ბუჩქებს ამოთხრის ნაცვლად აქტიურად ვკვებავ. ვარდების გაახალგაზრდავებაში სამზარეულოს პროდუქტები და სააფთიაქო საშუალებები მეხმარება.ის, ვინც თვლის, რომ ვარდი პრეტენზიული ყვავილია, უბრალოდ არ იცის, რა სჭირდება. მაგალითად, ვარდს მზიანი და კარგად განიავებული ადგილი უყვარს. ძლიერი და გრძელი ფესვი აქვს, რომელსაც სასიცოცხლო სითხის დამოუკიდებლად მოპოვება შეუძლია. და მაინც, ცხელ ამინდში ვარდის მორწყვა არ დაგავიწყდეთ. ყვავილობით დიდხანს რომ გაგახაროთ, სპეციალური ხსნარით დანამეთ.
ვარდის გაახალგაზრდავება სოდით და სარეცხი საპნით – ინგრედიენტების ასეთი ნაკრები ხალხური საწმენდი საშუალების შემადგენლობას უფრო გვახსენებს. მათზე დაფუძნებული ხსნარი ვარდის ბუჩქს ძალიან უყვარს. ხსნარის მოსამზადებლად დაგჭირდებათ 5 ლიტრიანი ვედრო. წყლით გაავსეთ. 1 ს/კ სოდა, 0,5 ჩ/კ ნიშადურის სპირტი, 1 ჩ/კ მაგნიუმის სულფატი, 1 ჩ/კ გახეხილი სარეცხი საპონი დაუმატეთ. კარგად აურიეთ, მინიმუმ 30 წუთით გააჩერეთ. საპონი სრულად გაიხსნება. ხსნარი პულვერიზატორში ჩაასხით. ვარდის ბუჩქები ყველა მხრიდან (ყვავილი, ფოთოლი, ღერო) დაამუშავეთ. მცენარე დილა–საღამოს დანამეთ, როცა მზის პირდაპირი სხივები არაა. სასურველია, რომ ჰაერის ტენიანობა დაბალი იყოს.
ასე ბუჩქები უფრო სწრაფად გაიზრდება, ახალი ყლორტები გამოჩნდება. მოხუცი ვარდი ყვავილობით აცივებამდე გაგახარებთ. მისი წითელი ფურცლები ქათქათა თოვლზე ლამაზად წვება!
