შინ მომზადებული კომბოსტოს მწნილი სახლში ყველას უნდა ჰქონდეს. ხუმრობა ხომ არაა, ზამთარში ასეთი სასარგებლო პროდუქტის გარეშე დარჩეთ? რა თქმა უნდა, კომბოსტო მაღაზიაში შეგიძლიათ იყიდოთ, მაგრამ რა საჭიროა, თუ შეგიძლიათ თავად მოამზადოთ. უფრო გემრიელი გამოვა, თან ბევრად იაფი და სასარგებლო.
კომბოსტოს მწნილი – აღსანიშნავია, რომ კომბოსტოს მწნილის მომზადება არც თუ ისე ადვილია. უბრალოდ დაჭრა და ქილაში ჩადება აისბერგის მწვერვალია. მთელი პროცესი უნდა აკონტროლოთ, რომ ძალიან მჟავე პროდუქტი მღვრიე მარილწყლით არ მიიღოთ. დროზე ადრე იმედი არ გაიცრუოთ, რადგან კომბოსტოს გამოუცდელი დიასახლისიც გაუმკლავდება. მთავარია, საკუთარი თავის გჯეროდეთ და რეცეპტი დაიცვათ. Paparazzi გთავაზობთ მეთოდს, რომელსაც ჩვენი ბებიები დასამწნილებლად იყენებდნენ.
სასარგებლო რჩევები – რატომ შეიძლება არ დამწნილდეს სწორად? დაჭრილი ბოსტნეული მუქდება და არ ხრაშუნობს, ხოლო მარილწყალი მღვრიე და ბლანტი ხდება. ასეთი გასტრონომიული მარცხის მიზეზი რამდენიმე შეიძლება იყოს. მაგალითად, მარილის არასწორი პროპორცია. თუ ბევრს ან ძალიან ცოტას დაუმატებთ, კომბოსტოს მწნილი არ გამოვა. გარდა ამისა, წარმოქმნილი ნახშირორჟანგი აუცილებლად უნდა გამოუშვათ. ამისთვის კომბოსტო დანით ან ჩანგლით უნდა დასეროთ. ასე შესაძლო სიმწარესაც მოაშორებთ. ოთახის ტემპერატურაზე დიდხანს არ უნდა გააჩეროთ და სიმძიმეში არ შეცდეთ. სიმძიმე თავის ფუნქციას მაქსიმალურად უნდა ასრულებდეს. აკონტროლეთ, რომელ სახეობას გამოიყენებთ დასამწნილებლად. ახალი კომბოსტო საკმარის ნატურალურ შაქარს არ შეიცავს. შაქარი ბაქტერიების დუღილში მნიშვნელოვან როლს ასრულებს, რაც ბოსტნეულის დამწნილებას იწვევს. გვიანი ჯიშის კომბოსტო გამოიყენეთ, როცა სუპერმარკეტში, ბაზრობასა და პირად ნაკვეთზე ხელმისაწვდომი იქნება.
ინგრედიენტები:
- 6 კგ კომბოსტო
- 300 გ სტაფილო
- მარილი
- დაფნის ფოთოლი
- წიწაკა
- კვლიავი სურვილისამებრ
- ბაჰარის წიწაკა სურვილისამებრ
მომზადების წესი:
- კომბოსტოს თავი კარგად გარეცხეთ, უსარგებლო ფოთლები მოაშორეთ და ხვიტი მოაჭერით. კომბოსტო მოსახერხებლად რომ დაჭრათ, 2-4 ნაწილად დაყავით. სახეხზე გახეხეთ ან დანით დაჭერით.
- დაჭრილი კომბოსტო ხელით კარგად დასრისეთ, რომ წვენი გამოვიდეს. გადაიტანეთ ჭურჭელში, სადაც ამწნილებთ. მინის ქილა ან ლითონის ვედრო გამოგადგებათ. პლასტმასი არ გამოიყენოთ. კომბოსტო ფენებად ჩატუმბეთ. ფენებს შორის წიწაკა და გახეხილი სტაფილო მოაყარეთ.
- მარილის რაოდენობა სწორად გამოთვალეთ. საშუალოდ 1 კგ კომბოსტოს 20 გ მარილი სჭირდება. ეს ერთი სუფრის კოვზია. მარილის რაოდენობა 5 გრამის ფარგლებში შეიძლება მერყეობდეს. ეს კრიტიკული არაა.
- თუ კომბოსტოს მინის ქილაში ამწნილებთ, პირამდე გაავსეთ და პლასტმასის თავსახური დაახურეთ. მოცულობით ჭურჭელში სიმძიმე აუცილებელია. გამოგადგებათ სუფთა აგური, წყლიანი ქილა, ქილა კომბოსტოთი. კომბოსტოს დარჩენილი ფოთლები დააფარეთ, გადაბრუნებული თეფში, ზემოდან სიმძიმე დაადეთ.
ახლა დრო და შესაბამისი მოვლა სჭირდება. 17-18 გრადუსზე ოთახის ტემპერატურაზე გააჩერეთ. პირველი 3 დღე დანით ან ჩანგლით დასერეთ, რომ დაგროვებული ნახშირორჟანგი გამოვიდეს. 10-12 დღის შემდეგ ბოსტნეული დამწნილდება და გემრიელი გახდება. ქილა ან ვედრო კომბოსტოთი ცივ ადგილას გადაიტანეთ. ასე არ გაფუჭდება და კიდევ დიდხანს გემოს შეინარჩუნებს.
