როცა ახალ ბინაში გადავედით, თითქმის მთელი ავეჯი და ტექნიკა გვაკლდა. მეგობრებმა მეორადი საქონლის ბაზარზე საჭირო ნივთების შეძენაში დახმარება შემოგვთავაზეს. პირველად მომგებიან ფასად სარეცხი მანქანა შევიძინეთ. აღფრთოვანებული ვიყავით, რადგან ტექნიკა ხარისხიანი იყო და კარგად მუშაობდა. მხოლოდ ერთი მინუსი ჰქონდა. სარეცხი მანქანა ძალიან ჭუჭყიანი იყო და ნესტის სუნი ჰქონდა. უჯრა საშინლად გამოიყურებოდა. სარეცხი მანქანის გაწმენდა გადავწყვიტეთ. Paparazzi ყველაზე ეფექტურ მეთოდებს გიზიარებთ.
ფხვნილის მოშორება სარეცხ მანქანაში: 2 პრაქტიკული ხრიკი
ძმარი – სხვადასხვა ქიმიური ნივთიერების გამოყენებაზე მაშინვე უარი ვთქვით. არსებობს ალბათობა, რომ ქიმიის ნარჩენები მოწყობილობის კუთხეებში დარჩეს და რეცხვისას ტანსაცმელზე ან თეთრეულზე გადავიდეს. სწორედ ამიტომ, 9%–იანი სუფრის ძმარი გამოვიყენე, რომელიც თითქმის ყველას სამზარეულოში აქვს. იდეალური შედეგის მისაღებად მოქმედების თანმიმდევრობა დაიცავით.
- 100 მლ სარეცხი გელი ან ფხვნილი სპეციალურ უჯრაში ჩაყარეთ.
- მანქანა მინიმუმ 60 გრადუს ტემპერატურაზე ჩართეთ. დოლურა ცარიელი დატოვეთ.
- დოლურაში წყლის გაცხელებას დაელოდეთ, შემდეგ გაჩერების ღილაკს დააჭირეთ.
- 1 საათში რეჟიმი ისევ ჩართეთ.
- პროცესის დასრულების შემდეგ 1 ჭიქა წყალი და 50 მლ ძმარი აურიეთ.
- ამ ხსნარში ღრუბელი დაასველეთ და მანქანის ყველა ზედაპირი გაწმინდეთ. მათ შორის რეზინის შემამჭიდროებელი და უჯრა.
- მოწყობილობა ისევ ჩართეთ, მაგრამ სწრაფი რეცხვის რეჟიმი აირჩიეთ.
- ბოლოს მშრალი სალფეთქით გაამშრალეთ და ნაქაფი მოაშორეთ.
სოდა და ლიმონმჟავა – სარეცხი მანქანის უჯრის გასაწმენდად სხვა მეთოდი შეგიძლიათ გამოიყენოთ. დაგჭირდებათ სოდა და ლიმონმჟავა. სოდა ობს მოაშორებს, ხოლო მჟავე კედლებზე ქვებს ჩამორეცხავს. ობის მოსაშორებლად წყალი 80 გრადუსამდე გააცხელეთ, უჯრაში სოდა ჩაყარეთ და ყველაფერი წყალში ჩატვირთეთ. 1 საათით გააჩერეთ. ფხვნილის ნადების მოსაშორებლად ასე მოიქეცით:
- წყალი ადუღებამდე მიიყვანეთ და 80-90 გრადუსამდე გააგრილეთ.
- უჯრა ტაშტში ჩადეთ და თითოეულ განყოფილებაში 1–2 სუფრის კოვზი ლიმონმჟავა ჩაყარეთ.
- ცხელი წყალი დაასხით. თუ მდუღარე წყალს დაასხამთ, პლასტმასი შეიძლება დეფორმირდეს.
- 10-15 წუთით გააჩერეთ.
თუ კედლებს ნადები პირველივე პროცედურაზე არ მოშორდა, წინა ნაბიჯები გაიმეორეთ. უჯრა მჟავის ხსნარში უფრო დიდხანს გააჩერეთ და პერიოდულად წყალი მაღალ ტემპერატურამდე გააცხელეთ. თუ ფხვნილის ნადები ძალიან ჩამჯდარია, უჯრა ცხელი წყლისა და ლიმონმჟავის ხსნარში მთელი ღამე გააჩერეთ. ეფექტის გასაძლიერებლად ხსნარს ძმარი დაუმატეთ.
როგორც ხედავთ, სარეცხი მანქანის უჯრის გასაწმენდად ძმრის, სოდის და ლიმონმჟავის გამოყენება საუკეთესო ვარიანტია. მათი დახმარებით ნადებს, ჟანგს და ობს მოიშორებთ.
