ფინანსების გონივრული ეკონომია მკაცრი რეალობაა, რომელსაც ვერსად გაექცევით. წინ ზამთარია, ანუ კომუნალური გადასახადები გაიზრდება. რა გავაკეთოთ, რომ ფული დავზოგოთ და სახლი კაპიტალურად გავათბოთ? Paparazzi უმარტივეს და ეფექტურ ხრიკებს გაგახსენებთ.
ფინანსების დაზოგვა – პირველ რიგში, ყურადღება გათბობის ბატარეებს მიაქციეთ. მან ყველა ოთახი უნდა გაათბოს, ამიტომ ამ ზონის ოპტიმიზაციით დაიწყეთ. სითბო კედლიდან რომ აირეკლოს, ბატარეის უკან ჩვეულებრივი ფოლგა დაამაგრეთ. თუ თავად რადიატორის უკან მოხვედრა გიჭირთ, ფოლგა მის გარშემო მოათავსეთ. სკოჩით ფრთხილად დაამაგრეთ და სასურველი სითბოთი დატკბით.
მთელი ყურადღება ფანჯრებზე – ფანჯრებმა გრილი ჰაერი სახლში შეიძლება შემოუშვას. რა თქმა უნდა, ძველი ხის ფანჯრების შემთხვევაში სიტუაცია უფრო სავალალოა. თანამედროვე პლასტმასის ფანჯრებსაც დათბუნვა სჭირდება. ამ მიზნით სპეციალური პოროლონის ან რეზინის შემამჭიდროებელი გამოიყენეთ. სანთებელა ან ასანთი ფანჯრის ჰერმეტაციის შემოწმებაზე დაგეხმარებათ. ანთებული სანთებელა ფანჯრის პირებთან ფრთხილად მიიტანეთ და ცეცხლს დააკვირდით. თუ ციმციმი დაიწყო, გამოდის, ფანჯარა სიცივეს ატარებს. სპეციალური აკრილის მასა გამოიყენეთ, რომ ჩარჩოებს შორის სიცარიელე შეავსოთ და ფანჯარა ჰერმეტულად შეფუთოთ. სიტყვაზე, კარი არ დაგავიწყდეთ. თუ იატაკს მჭიდროდ არ ეკვრის, ცივი ჰაერი ოთახიდან ოთახში თავისუფლად იმოძრავებს. შესაფერისი ზომის პოროლონის შემამჭიდროებელი კარის ბოლოში დააფიქსირეთ. ასე ოთახი უფრო დათბება. მარტივი, მაგრამ ეფექტური ხრიკია.
ტემპერატურის კონტროლი – მხედველობიდან არ უნდა გამოგრჩეთ ისეთი პატარა ელემენტები, როგორიცაა როზეტები. სითბოს დაზოგვაზე დიდ გავლენას არ ახდენს, მაგრამ თავის როლი აქვს. ამ საკითხს როზეტის სახშობით მოაგვარებთ. როგორც წესი, კარგად ნაცნობია მათთვის, ვისაც ბავშვები ჰყავს. ასევე რაიმეს გამოცხობის შემდეგ ღუმელის კარის დახურვა არ იჩქაროთ. დარჩენილი სითბო სამზარეულოს გაათბობს. ბავშვებს და ცხოველებს ყურადღება მიაქციეთ, თუ სახლში გყავთ. არ დაუშვათ, რომ ბავშვი ან ცხოველი შემთხვევით დაიწვას.
ფინანსების ტოტალური ეკონომია ზამთარში – თუ სახლში აღარ გაქვთ ელემენტები, რომელთა ოპტიმიზაცია შეიძლება, მაშინ საკუთარ თავზე იზრუნეთ. ჩაი ან ყავა მოიმარაგეთ. ცხელი სასმელი გაგათბობთ და განწყობას აგიმაღლებთ. გარდა ამისა, სპეციალური ელექტროლეიბი შეგიძლიათ იყიდოთ. უკიდურეს შემთხვევაში სათბური მოიმარაგეთ ან ცხელი წყალი ბოთლში ჩაასხით. ასე ცოტა ხნით გათბობას შეძლებთ. ყველაფერი აუცილებელი მოიმარაგეთ, რომ ცივ ზამთარს მომზადებული შეხვდეთ. მაგალითად, სპეციალური გენერატორი, პორტატული დამტენი ან პროდუქტები, რომლებიც დიდხანს შეგიძლიათ შეინახოთ.
