პაპარაცის რედაქციის მიერ მომზადებულ დღევანდელ სტატიაში – ახალგაზრდა ქალი საკუთარ გამოცდილებას გვიზიარებს.
ვიცი, რომ სოფელში კერძო სახლში ცხოვრებაზე უამრავი ადამიანი ოცნებობს. ისინი ფიქრობენ, რომ სოფელში ცხოვრება უბრალოდ სამოთხეა დედამიწაზე. მათ ჰგონიათ, რომ იქ ძალიან კარგია – სუფთა ჰაერი, ახალი ხილი და ბოსტნეული, არავითარი ქალაქისათვის დამახასიათებელი აურზაური. ეს, რა თქმა უნდა, ასეა. მაგრამ სოფელში ცხოვრებას ბევრი უარყოფითი მხარე აქვს. სოფელში მრავალი წლის მანძილზე ვცხოვრობდი, ამიტომ ყველაფერი ვიცი სოფლის ცხოვრების შესახებ: ნაკლოვანებებიც და უპირატესობებიც.
სანამ ქალაქიდან სოფელში გადახვალთ საცხოვრებლად, კარგად უნდა დაფიქრდეთ და ყველაფერი აწონ-დაწონოთ. საჭიროა ზუსტად იცოდეთ, როგორ ცხოვრობენ ადამიანები სოფლებში.
სოფელში ცხოვრება, რა თქმა უნდა, ძალიან კარგია, მაგრამ ამავდროულად, სოფელში ცხოვრება საზრუნავით სავზეა და ადამიანს დიდი პასუხისმგებლობა ეკისრება. დღეს ქალაქგარეთ ცხოვრების დადებითი და უარყოფითი მხარეების შესახებ გიამბობთ.
დავიწყოთ, დადებითი მხარეებით.
პირველი: სოფელში სუფთა ჰაერია. ადამიანი ჩიტების ჭიკჭიკზე იღვიძებს, მას შეუძლია სუფთა ჰაერზე ისაუზმოს და სულ სხვა რიტმში იცხოვროს. სოფელში ცხოვრება სულ სხვა რიტმში მიდის.
მეორე: ადამიანს საკუთარ ეზოში ყველაფრის გაკეთება შეუძლია, რასაც მოისურვებს. მას შეუძლია საცურაო აუზის აშენება, შეუძლია სხვადასხვა წვეულებების მოწყობა.
მესამე: საკუთარ ეზოში ადამიანს შეუძლია საკუთარი შემოქმედებითი ნიჭი გამოავლინოს: შექმნას ლანდშაფტის დიზაინი საკუთარი შეხედულებისამებრ.
მეოთხე: ადამიანს შეუძლია თავის ეზოში ნებისმიერი მცენარე დარგოს.
მეხუთე: მეზობლები ხელს არ შეგიშლიან, რადგან ისინი ღობის იქით იქნებიან. როგორც წესი, სოფელში მეზობლები მეგობრობენ და ერთმანეთს ეხმარებიან.
მეექვსე: თავისუფლება შინაური ცხოველებისთვის. თუ კატა ან ძაღლი გყავთ, მაშინ თქვენს ცხოველს სოფელში ცხოვრება მოეწონება, რადგან მას სრული თავისუფლება ექნება.
მეშვიდე: სოფელში ცხოვრება უფრო უსაფრთხოა. თუ კარგი ღობე გაქვთ და კარებზე კარგი საკეტი გაქვთ, მაშინ შეგიძლიათ მშვიდად იყოთ. და თუ დიდი და კარგი ძაღლიც გეყოლებათ, მაშინ აუცილებლად იქნებით სრულ უსაფრთხოებაში.
ახლა კი, საკუთარ სახლში ცხოვრების მინუსებზე ვისაუბრებ.
პირველი: სახლის მოვლას საკმაოდ ბევრი ფული სჭირდება. საქმე ისაა, რომ სახლს მუდმივად შეკეთება სჭირდება. ეს კი დიდ ძალისხმევას, დროს და, რა თქმა უნდა, ფულს მოითხოვს.
მეორე: სახლის დასუფთავებას დიდი დრო სჭირდება. თუ ბინის დასუფთავებას მხოლოდ რამდენიმე საათი სჭირდება, საკუთარი სახლის დასუფთავება გაცილებით მეტ დროს წაგართმევთ.
მესამე: სოფელში საქმე არასოდეს მთავრდება: ხან, რაღაც უნდა მორწყო, ხან ბალახი დაგლიჯო, ხან ფოთლები დაგავო და ასე შემდეგ.
მეოთხე: სოფლის მოსახლეობას უამრავ პრობლემას უქმნიან მწერები: ბუზები, კოღოები, ჭიანჭველები, ობობები. კოღოს ბადეები და სხვადასხვა საშუალებები ზოგჯერ სათანადოდ ვერ გვეხმარება.
მეხუთე: სოფლებში ძალიან იშვიათად არის მაღაზიები და აფთიაქები. ქალაქში მოგიწევს წასვლა თუ რაიმეს ყიდვა, ექიმთან მისვლა ან ბანკში წასვლა დაგჭირდება.
მეექვსე: სოფელში შენ თვითონ უნდა შეძლო ყველაფრის გაკეთება, რადგან იქ ვერ გამოიძახებ ვერც სანტექნიკოსს, ვერც მუშას და ვერც ელექტრიკოსს. ქალი სოფელში მარტო ვერ იცხოვრებს: ის უბრალოდ ვერ გაუმკლავდება ამდენ საქმეს და პრობლემას. სოფელში მამაკაცის გარეშე ძალიან რთულია.
მეშვიდე: სოფელში სამუშაო არ არის, ამიტომ სამუშაოდ სოფლიდან ქალაქში დაგჭირდებათ სიარული. თუ საკუთარი ტრანსპორტი გაქვთ, მაშინ ეს პრობლემა არ იქნება, მაგრამ თუ არა, მაშინ ქალაქში წასვლა საზოგადოებრივი ტრანსპორტით მოგიწევთ, რაც ძალიან პრობლემატურია, განსაკუთრებით კი ზამთარში.
მე და ჩემი მშობლები დარწმუნებულები ვართ, რომ ქალაქგარეთ ცხოვრება ძალიან ძვირფასი სიამოვნებაა, რომელიც მხოლოდ ძალიან შეძლებულ ადამიანებს შეუძლიათ.
სამაგიეროდ, სოფელში შეგიძლიათ თავი ნამდვილად თავისუფლად და დამოუკიდებლად იგრძნოთ.
ზოგადად, ყველა ადამიანს აქვს უფლება თავად აირჩიოს სად იცხოვროს.
