რატომ ყმუის ძაღლი? ეს კითხვა უნებურად ჩნდება, როცა ძაღლის ყმუილი ისმის. თუ ყმუილი ერთხელ ისმის, ხალხი ყურადღებას არ აქცევს და უსიამოვნო ინციდენტი მალე ავიწყდება. არის პერიოდები, როცა ძაღლი რეგულარულად ყმუის. ჩვეულებრივ, ეს ხდება ზამთარში და ღამით. როგორც კი ერთი ძაღლი ხმას გასცემს, მის “სიმღერას” სხვებიც ყვებიან. საშინელი გადაძახებები დილამდე შეიძლება გაგრძელდეს. ცხოველების ავბედი ხმაური ადამიანში გაღიზიანებას და შფოთვას იწვევს. მათ ფონზე სულში უსიამოვნო წინათგრძნობა ჩნდება.
პაპარაცი გიამბობთ, რას ნიშნავს ძაღლის ყმუილი.
რატომ ყმუის ძაღლი?
ძაღლის ყმუილი ჩვენში მოუსვენრობას იწვევს. ამ რეაქციის მიზეზი წარსულში იმალება. წინაპრები მტაცებლებს გაურბოდნენ და მათგან თავს შორს იჭერდნენ, რომ გადარჩენილიყვნენ. ცხოველის ყმუილი მოახლოებულ სასიკვდილო საფრთხეზე აფრთხილებდა. ვინაიდან ადამიანმა არ იცის, რატომ ყმუის ძაღლი, დღესაც მის ქვეცნობიერს დამალვა სურს.
ადამიანს დიდი ხანია სურს გაარკვიოს, რატომ ყმუის ძაღლი. როგორც წესი, ამაში ტრაგიკულ განმარტებას პოულობდნენ. იმის მიხედვით, რამდენად მაღლა სწევს პირს ძაღლი ყმუილის დროს, სხვადასხვა ხმას გამოსცემს. ხმა ტონით განსხვავდება და საკუთარი ახსნა აქვს. დროთა განმავლობაში ეს ხალხურ ნიშნებად გადაიზარდა.
რას ამბობს ხალხური ნიშნები ძაღლის ყმუილზე?
ძაღლი ხშირად და დიდხანს საცოდავად ყმუის – სახლში მალე მკვდარი გამოჩნდება. ამ ადამიანის სიკვდილი შეიძლება იყოს მშვიდობიანი ან ძალადობრივი. არსებობს მოსაზრება, რომ ოთხფეხა ცხოველი სიკვდილის მოახლოებას გრძნობს. ძაღლი განუწყვეტლივ ყმუის ომის ან კატასტროფის დაწყებამდე.
ძაღლი ყმუის ამინდის ცვლილებების დროს. სტიქიური უბედურების მოახლოებას გრძნობას და პატრონს ამის შესახებ ხმამაღალი ყმუილით აფრთხილებს. თუ მისტიკას მხედველობაში არ მივიღებთ, ძაღლი შეიძლება ყმუოდეს მისთვის ცნობილი მიზეზების გამო. აღსანიშნავია, რომ მდედრები უფრო იშვიათად ყმუიან, ვიდრე მამრები. ისინი ძირითადად ყმუიან მძუნაობის პერიოდში, ხოლო მამრი “ვოკალური გაკვეთილებისთვის” უფრო მეტ მიზეზს პოულობს.
რატომ ყმუის ძაღლი?
მასში ვლინდება ბუნებრივი ინსტინქტები, რომლებიც ველური წინაპრებისგან შემორჩა. ძაღლი მგლიდან მოდის. ეს ტყის მტაცებელი გადარჩენის შანსების გასაზრდელად ზამთრისთვის ხროვად იკრიბება. ძლიერი წინამძღოლი ყმუილით მთელ ხროვას მართავს და დაუმორჩილებლობას ვერ იტანს. ცხოველები ამ გზით ერთმანეთში ურთიერთობენ. შინაური ძაღლიც წინააღმდეგი არაა გამოიჩინოს ლიდერობა და ნათესავები ერთად შეკრას.
კომპანიისთვის. ძაღლი შეიძლება აჰყვეს მუსიკას, ბავშვის ტირილს ან ზარის რეკვას. გვერდიდან საყვარლად და სასაცილოდ გამოიყურება, ამიტომ პატრონი ზოგჯერ სპეციალურად პატიჟებს საყვარელ ცხოველს დუეტში სიმღერისთვის.
ძაღლს შეჯვარების სეზონი აქვს. ცხოველი ხმით სიგნალს იძლევა, რომ მზად არის შეწყვილებისთვის. ასეთ დღეებში ეზოში ძაღლი ძალიან აგრესიული ხდება და მთელი ტერიტორიიდან ყველა “ქორწილზე” მოიჩქარის. უსაფრთხოების მიზნით აღელვებული მამრი ძაღლების შეკრებას თავი აარიდეთ.
ძაღლი სხვებს ატყობინებს, რომ თავს ცუდად გრძნობს. ავადმყოფი ცხოველი მუდმივად შეიძლება ყმუოდეს და წკმუტუნობდეს, შველას ითხოვდეს. გამოჯანმრთელების შემდეგ “ჩივილი” ჩვეულებრივ წყდება.
ამ გზით ერთგული მეგობარი გამოხატავს თავის გრძნობებს და ადამიანის ყურადღებას იპყრობს. ძაღლი იწყებს ყმუილს, როცა მოწყენილი და მარტოსულია. შესაძლოა, შინაურ ცხოველს პატრონი ენატრება.
თუ ძაღლის ყოლას გადაწყვეტთ, არა მხოლოდ მის მოვლაზე, არამედ გაწვრთნაზეც უნდა იზრუნოთ. ხალხს არ მოსწონს, როცა მეზობლად მუდმივად ყეფს ან ყმუის ძაღლი. საყვარელი ცხოველის ქცევის კონტროლი მოგიწევთ. ამას ყველა ვერ ახერხებს, ასე რომ მოთმინება მოიკრიბეთ!
