თითოეულ ადამიანს აქვს საკუთარი ცხოვრებისეული სივრცე და მკაცრად ინდივიდუალური. მისი საზღვრები შემოიფარგლება ფინანსური შესაძლებლობებით, ემთხვევა პირად საზღვრებს და ხშირად მათით განისაზღვრება. სამწუხაროდ, ყველას არ ესმის, რომ ცნობისმოყვარობამ, ინტელექტმა და ფართო მსოფლმხედველობამ მისი საზღვრები მაქსიმალურად შეიძლება გაიზარდოს. მატერიალური სარგებელი ამაში შეზღუდულია. პაპარაცი ამ თემის განხილვას ეცდება.
ცხოვრებისეული სივრცე
თუ ადამიანის პირად ტერიტორიას აქვს შედარებითი საზღვრები, მაშინ ცხოვრებისეულ საზღვრებთან ყველაფერი გაცილებით რთულად არის. ახალშობილის პირადი სივრცე ჩამოყალიბებას მხოლოდ იწყებს, რადგან სჭირდება ახლო კონტაქტი დედასთან, რომ თავი დაცულად იგრძნოს.
1 წლის ბავშვის პირობითი პერსონალური საზღვრები გაშლილი ხელის სიგრძეზე დაწესებულია. და იქ მხოლოდ ძალიან ახლობელ ადამიანებს უშვებს. ბავშვის ცხოვრებისეული სივრცე მშობლებისას ემთხვევა.
დროთა განმავლობაში, ცხოვრებისეული სივრცის საზღვრები შეიძლება შეიცვალოს. გაიზარდოს ან შემცირდეს. ეს გამოწვეულია ადამიანის ასაკით, მისი აღზრდით და განათლებით. მის გაფართოებაზე გავლენას ახდენს ცივილიზაციის ისტორიული განვითარება.
თუ პირველყოფილ არსებაში ის ტომის ტერიტორიის შესაბამისია, მაშინ თანამედროვე საზოგადოებაში მისი წევრების ცნობიერი საზღვრები ზოგჯერ უსაზღვროა. მისი პირადი სივრცეც მუდმივად იზრდება. აღსანიშნავია, რომ დღითიდღე მის საზღვრებს უფრო მკაცრად იცავენ. დღეს ეს ერთ–ერთი საყვარელი თემაა ფსიქოლოგთან ვიზიტისას.
ვიღაც მცირედით კმაყოფილია და მოგზაურობს მთელ მსოფლიოში ისე, რომ ერთი თეთრიც არ აქვს, მაგრამ ბედნიერია: თავისუფალია, მის პირად საზღვრებს არავინ არღვევს და მისი ცხოვრებისეული სივრცე მხოლოდ უსაზღვრო პლანეტის ზომის შესაბამისია. უყურებ მას და ამჩნევ, რომ ასხივებს სრულ სიმშვიდეს, სამყაროს წარმოუდგენელი სიკეთით უყურებს.
ვიღაც მილიონებს ფლობს, დიდებულ სასახლეში ცხოვრობს, დასასვენებლად ეგზოტიკურ ქვეყნებში დაფრინავს, პარალელურად ამ ყველაფერს იღებს და სოციალურ ქსელებში ყველას დასახანად აქვეყნებს. ჩნდება კითხვა: აბსოლუტურად თავისუფალი, ბედნიერი და უკომპლექსო ადამიანი დაიწყებს ტრაბახს პირადი ცხოვრებით და აჩვენებს სხვებს, რას მიაღწია? მომღიმარი, მაგრამ დაძაბული სახე აქვს, თვალებში – ამპარტავნება და სიცარიელე.
კისერზე ჩამოკიდული ჰყავს თანამეგზური უსაფრთხოების ბალიშით პირის და სარძევე ჯირკვლების ნაცვლად. რა თქმა უნდა, „ფული მაქვს, ამის საშუალება მაქვს“. მხოლოდ ხელოვნური წამწამები, დაბერილი ტუჩები ან წარმოუდგენლად გადიდებული მკერდი ლამაზმანის ჰორიზონტის გაფართოებაზე არ მოქმედებს. უფრო პირიქით, მის მნიშვნელოვან შემცირებაზე მიუთითებს. აი, დგას ფოტოზე, გარეგნულად ბედნიერი და მხიარული. მაგრამ სად არის ნამდვილი ბედნიერება? მხოლოდ მოჩვენებითობა!
თუ შევადარებთ სხვადასხვა პიროვნების ცხოვრებისეულ სივრცეს, ირკვევა პარადოქსული რამ: სიმდიდრე არ არის მისი ზრდის მთავარი ნიშანი, ანუ ბედნიერება ფულში არაა. ადამიანი ხშირად ისე გრძნობს თავს, როგორც ჩიტი გალიაში. განსხვავება მხოლოდ იმაშია, რომ მდიდარ ადამიანს ოქროს გალია აქვს.
როგორ ფიქრობთ, ამით შვებას გრძნობენ? როგორც არ უნდა იცხოვროთ, როგორც არ უნდა სცადოთ პირადი და ცხოვრებისეული სივრცის გაფართოება, ბოლოს ყველაფერი შემოიფარგლება ორი ორზე ფართობით (ბოდიში შავი იუმორისთვის!). სწორედ ამიტომ, ისე უნდა დააწესოთ საზღვრები, რომ თავი კომფორტულად და ბედნიერად იგრძნოთ. და თუ არა, ამისკენ უნდა ისწრაფვოდეთ.
