თუ უკრაინის საუკეთესო შეფმზარეული ალაპარაკდა კოლგოტის ჩაცმაზე, გამოდის, საკმაოდ საკამათო თემაა, ასეა? სანამ მთელი მსოფლიო განიხილავს პოლიტიკურ სიგიჟეს, რომელმაც მსოფლიო მოიცვა, ევგენი კლოპოტენკოს პოსტს უკვე 200 კომენტარი აქვს. ღირს კოლგოტის ჩაცმა? მბზინავი კოლგოტიც არ შეიძლება თუ ეს სხვა ჟანრია? მოდით, გავარკვიოთ.
ევგენი კლოპოტენკო ყველაზე მეტად მომწონს უბრალო მიდგომით როგორც ხალხის, ასევე საჭმლის მიმართ. მას უკრაინელ გორდონ რამსესაც ეძახიან. დიდი შრომა გაიღო, რომ უკრაინული სამზარეულო ახალ საერთაშორისო დონეზე აეყვანა. მსოფლიოში ერთ–ერთი საუკეთესო კულინარიული აკადემია Le Соrdon Bleu დაამთავრა. რა თქმა უნდა, მის აზრს ითვალისწინებენ. მით უფრო საინტერესოა, რომ საკმაოდ რეზონანსული თემა წამოჭრა. ნამდვილად, ვინ თქვა, რომ კულინარს მხოლოდ საჭმელზე შეუძლია საუბარი?
მთელი ფეისბუქი ფეხზე დგას: მბზინავი კოლგოტი, ლეგინსი, წინდა თუ შიდა შარვალი?
როგორ დაიწყო ყველაფერი: გარეთ ყინვაა, განსაკუთრებით იმ რეგიონებში, სადაც ქუჩებში ნალექი არ შრება. გინდა თუ არა, კოლგოტზე ფიქრობ. ამჯერად ხალხის ყურადღება მიიპყრო ჰიპოთეზურმა აზრმა, რომ კოლგოტის გარეშეც შესაძლებელია. ტალღას აჰყვა კიდევ ერთი ცნობილი პიროვნება, კატერინა ელმანოვა, რომელიც წერს:
„ვხედავ პოსტებს კოლგოტზე. ვფიქრობ, ყველასთვის ნათელი არაა, რომ მისი ჩაცმა საჭირო არაა. მოუხერხებელია, იხევა, სრიალებს, ამ ნივთზე უარესი მხოლოდ ქუსლიანი ფეხსაცმელია. შესაძლოა, სსრკ–დან მიღებული ტრავმა მაქვს ყავისფერი კოლგოტის შემდეგ, მაგრამ მას შემდეგ დიდად არ გაუმჯობესებულა. უკვე 10 წელია კოლგოტს არ ვიცვამ და არაფერი! როგორღაც გადავრჩი. როცა ძალიან ცივა, ვიცვამ ლეგინსს + წინდას!“
ევგენი კლოპოტენკომ ეს პოსტი აიღო და პასუხად დაწერა:
„ოფიციალურად ვაცხადებ: კოლგოტი შეგიძლიათ არ ჩაიცვათ, თუ არ მოგწონთ! როგორ შეიძლება მოგეწონოთ, თუ სრიალებს, ქავილს, ჩხვლეტას იწვევს და იხევა ყველაზე საპასუხისმგებლო მომენტში? თავად არ ვიცვამ და თქვენც არ გირჩევთ. შიდა შარვალი ან ლეგინსი ჩაიცვით“.
პოსტის ქვეშ მოსაზრებები გაიყო. კომენტატორების უმეტესობა (ძირითადად, ქალები) კოლგოტის ასეთი დისკრიმინაციით აღშფოთებულნი არიან და საკუთარი აზრი საკმაოდ საფუძვლიანად დაასაბუთეს. აღმოჩნდა, რომ კოლგოტს უფრო მეტი როლი აქვს, ვიდრე ერთი შეხედვით ჩანს.
კოლგოტის ჩაცმის უპირატესობა
ზოგისთვის სითბო და კომფორტი პირველ ადგილზეა. ამ კატეგორიის ხალხი ხაზს უსვამს, რომ კარგი ძვირადღირებული კოლგოტი არ იხევა. მით უფრო, თუ 20 და 40 DEN არ ყიდულობთ. ასე ყინვა ვერ შეგაშინებთ.
სხვა ქალები აღშფოთდნენ იმით, რომ ლეგინსს და წინდას კაბის ქვეშ ვერ ჩაიცვამ. ხოლო კოლგოტის შექმნის ერთ–ერთი მიზეზი სწორედ ეს იყო. როგორც მინიმუმ, ასე მოიპოვეს პოპულარობა. ზამთარში სქელი კოლგოტის გარეშე კაბის ჩაცმა რთულია და ამ მხრივ ლეგინსი ესთეტიკური თვალსაზრისით მიუღებელია.
შემდეგი არგუმენტი კოლგოტის დასაცავად ისევ ესთეტიკას ეხება. ზოგი ამტკიცებს, რომ საოფისე გარდერობის წმინდა ნივთია. ნახევრად გამჭვირვალე კოლგოტი ნაკლოვანებას მალავს, ფეხებს ვიზუალურად იდეალურს ხდის. შიშველ, კარგად გაპარსულ ფეხებზე ხშირად ჩანს გაფართოებული ვარიკოზული ვენები, ხალები ან „ფორთოხლისფერი კანი“. კოლგოტზე, როგორც დამხმარე საშუალებაზე, უარის თქმა ძნელია.
მბზინავი კოლგოტი – ახალი ტრენდი?
რა თქმა უნდა, მბზინავი კოლგოტი და მაცდური წინდა! როგორც სტილისტი ვლად ლისოვეცი ამბობს, ხელოვნური ბრილიანტი ყოველთვის იქნება მოდაში და შავ ბადე კოლგოტზე ძალიან ექსტრავაგანტულად გამოიყურება. რაც ყველაზე საინტერესოა: მოდის მიმდევრები უკვე ამბობენ, რომ მბზინავი კოლგოტი ქუჩის სტილში ლიდერ პოზიციებზე ბრუნდება. ქვებით, ვერცხლისფერი და ოქროსფერი ფენებით, ბრჭყვიალებით, მოკლედ, ნებისმიერი კოლგოტი ან წინდა, რომელიც საღამოს შუქზე ანათებს.
პოპულარული მოდის ინფლუენსერების გვერდებზე უფრო ხშირად ნახავთ კოლგოტებს ლურექსით. დიახ, ასეთი წლების წინ მოდაში იყო, თუმცა სწორად შედგენილი სტილის წყალობით სიძველე არ იგრძნობა. ერთფერიან კაბას და ქვედაბოლოს კარგად უხდება, საქმიან სტილს ძლიერ გარდაქმნის, ნაკლებად მკაცრს, მაგრამ უფრო მდიდრულ იერს ანიჭებს. მოკლედ, ტრენდის სრული ძალით შემოსვლას დაველოდოთ.
ამავდროულად, რთულია შევეკამათოთ კლოპოტენკოს, რომ კოლგოტი პრაქტიკულობის და მოხერხებულობის გამოწვევაა. ალბათ, მას არ უცდია ნეილონის კოლგოტის ჩაცმა – ამ პრობლემას ხომ ქალები მთელ პლანეტაზე ებრძვიან. ნეილონის კოლგოტი ნამდვილად სრიალებს და ადვილად იხევა. ხარისხიან კოლგოტზეც ბუსუსები და ისრები ჩნდება.
ასევე არსებობს ვიწრო კოლგოტი, რომელიც არ სრიალებს, მაგრამ წელზე ძალიან მჭიდროდ მომდგარია. ასეთი ტანსაცმლის ტარება ექიმთან პირდაპირი გზაა. სისხლის მიმოქცევის გაუმჯობესება, შინაგანი ორგანოების შეკუმშვა და ცისტიტის განვითარების მაღალი რისკი სასიამოვნო გვერდითი მოვლენები ნამდვილად არაა.
მათ ახსენებენ სხვა კომენტატორები, რომლებიც კოლგოტში ხიბლს ვერ ხედავენ. ბევრისთვის გარდერობის ეს ნივთი ბავშვობის სასიამოვნო მოგონებებს არ უკავშირდება. იმ დროს კოლგოტის ტარება ცოტას თუ უყვარდა, ასეა?
კაცები პოსტის ქვეშ ხუმრობენ, რომ თუ დეპილაციას არ გაიკეთებენ, კოლგოტის გარეშეც იოლად გამოძვრებიან. სხვები შიდა შარვლებს უპირატესობას ანიჭებენ, მაგრამ მათი ჩაცმა საღამოს კაბის ქვეშ ნამდვილად არ გვინდა. გამოდის, ერთგვარი დილემაა: კოლგოტი ცუდია თუ კარგი?
