სატირიკოსმა მიხეილ ჟვანეცკიმ ერთხელ თქვა: „სიბრძნე ყოველთვის არ მოდის ასაკთან ერთად. ისე ხდება, რომ ასაკი მარტო მოდის“. სამწუხაროდ, ყველა მოხუცს ბრძენს ვერ უწოდებთ. ბევრი ისე გადის ცხოვრებას, რომ არაფერს სწავლობს. ავიღოთ უფროსი თაობის ფრაზები, რომელთა შესახებ დღეს გიამბობთ. ხალხი მათ ხშირად იღებს აქსიომად და არც უფიქრდება, რას ამბობს და რას ასწავლის მემკვიდრეებს!
უფროსი თაობის ფრაზები, რომლისგანაც ყურები უნდა დაიცვათ
სამწუხარო ფაქტები
უდავოდ, უფროსი თაობის წარმომადგენელთა უმეტესობამ გაცილებით რთული და მძიმე ცხოვრება გამოიარა, ვიდრე ჩვენ. მაგრამ ზოგიერთ ადამიანს რთული განსაცდელებიც არაფერს ასწავლის. ქვემოთ მოცემულმა ფრაზებმა ათასობით ადამიანს სიცოცხლე დაუნგრია. სასურველია, რომ მომდევნო თაობებმა ამ ფრაზებს საღი გონებით შეხედონ და გადააფასონ.
„გცემს, ანუ უყვარხარ“
სიყვარული მიყენებული დაზიანებების რაოდენობით არასდროს იზომება. ეს ფრაზა მსხვერპლის სამწუხარო მეთოდია, რომ შეურიგდეს რეალობას, რომელშიც ცხოვრება მოუწია. სინამდვილეში, სხეულის დაზიანებები მიზეზია, რომ ნებისმიერი კონტაქტი დაუყონებლივ შეწყვიტოთ. შუასაუკუნეების ძალადობრივი „ურთიერთობები“ წარსულში უნდა დარჩეს!
„დრო საქმისთვის, საათი გართობისთვის“
უფროსი თაობის ყველა გამონათქვამი საზიანო არაა. მაგალითად, ეს აბსოლუტურად ნორმალური აღმოჩნდა, თუ საწყის მნიშვნელობას გაიხსენებთ. სინამდვილეში, აიხსნება, როგორც „ბევრი უნდა იმუშაოთ და ცოტა დაისვენოთ“, და არა ისე, „ყველაფერს თავისი დრო და რიგი აქვს“. არასწორი ინტერპრეტაციის შემთხვევაში, ეს ფრაზა ადამიანს უბიძგებს უაზრო შრომაჰოლიზმისკენ.
„ფული ბოროტებაა“
უფროსი თაობა ხშირად თვლის, რომ ამ ფრაზით მემკვიდრეებს ასწავლიან მცირედით კმაყოფილებას. სინამდვილეში, ბავშვებში ბადებენ უიმედობას და ნებისმიერ ინიციატივას ძირშივე ჭრიან. რატომ არ უნდა სურდეს ადამიანს ღირსეული შემოსავალი და შეძლებული ცხოვრება?
„ბევრ სიცილს ტირილი მოსდევსო“
ხალხის წარმოდგენაში, ამ ფრაზით ბავშვებს ემოციების მშვიდად გამოხატვას ასწავლიან. სინამდვილეში, ახალგაზრდებს ადრეული ასაკიდან დეპრესიაში აგდებენ. სიცილი ადამიანის პოზიტიური ემოციების ბუნებრივი გამოვლინებაა. ასწავლო ბავშვს, რომ სიცილი საზიანოა, იგივეა, ადამიანს არ მისცე ძალის საშუალება მისი პროდუქტიულობის გასაზრდელად.
„დაფიქრდი, რას იტყვის ხალხი!“
ამ ფრაზით უფროსი თაობა „გვასწავლის“, რომ საკუთარი მოთხოვნები ბოლო ადგილზე დავაყენოთ. უდავოდ, ასე ბავშვები უფრო კომფორტულები ხდებიან მშობლებისთვის. მართალია, წარმატებული ზრდასრულის ნაცვლად მათგან გამოდის სხვისი აზრების უთქმელი მონა, რომელიც ყველაფერს გააკეთებს ქების მისაღებად. ამაზრზენი პერსპექტივა!
