ეს მარტივი ტექნიკა საშუალებას მოგცემთ მოდუნდეთ, შეამციროთ სტრესი და სიმშვიდე მოიპოვოთ.
თითოეულ ჩვენგანის ჰქონია ცხოვრებაში რთული პერიოდები. სტრესი რამდენიმე წამში ფარავს ჩვენს ცნობიერებას, რის შედეგადაც სხეული ფაქტიურად შებოჭილი ხდება დაძაბულობისგან. ამ მომენტებში საკმაოდ რთულია აიძულო შენი აზრები, გადაუხვიონ უნებურად დასახული კურსიდან და დაიბრუნონ სიმშვიდე. მაგრამ რთული – არ ნიშნავს შეუძლებელს.
ყოველ ჯერზე, როდესაც შფოთვა დაგეუფლებათ, მიმართეთ ძლიერ იარაღს – სუნთქვით პრაქტიკას. მარტივი ვარჯიშები მიზნად ისახავს არა მხოლოდ ფილტვების ვარჯიშს, არამედ შინაგანი ჰარმონიის პოვნასაც. უკვე პირველ წამებში იგრძნობთ, რომ დაძაბულობა სწრაფად იკლებს და უფრო კონცენტრირებული ხდებით.
სუნთქვითი პრაქტიკა დადებითად მოქმედებს არა მხოლოდ „აქ და ახლა“, არამედ მუშაობს პერსპექტივაზეც – ის ამცირებს შფოთვას და აუმჯობესებენ ძილის ხარისხს რეგულარული შესრულებისას.
დღეს ჩვენ ვისაუბრებთ ერთ მარტივ ვარჯიშზე, რომელიც დაგეხმარებათ მყისიერად იგრძნოთ მყარი ნიადაგი ფეხქვეშ და მოგცემთ სიმშვიდის პოვნის საშუალებას.
სუნთქვითი ტექნიკა „4-7-8“
4-7-8 ტექნიკა ასევე ცნობილია როგორც „სარელაქსაციო სუნთქვა“. ეს საშუალებას გაძლევთ მოიხსნათ სტრესი, შეამციროთ შფოთვა და სწრაფად დაიბრუნოთ „საკუთარი თავი“. სუნთქვითი ვარჯიშების მარტივი კომპლექსი დაგეხმარებათ სწრაფად აღადგინოთ სულიერი წონასწორობა და ოდნავ შენელდეთ.
მნიშვნელოვანი ინფორმაცია: ვარჯიშის შესრულებისას არ უნდა დაგავიწყდეთ, რომ ენა უნდა იყოს ზედა კბილების უკან და უნდა ამოისუნთქოთ მხოლოდ მოკუმული ტუჩებით. ეს შეანელებს ამოსუნთქვას, რაც საშუალებას მისცემს მას ჩასუნთქვაზე გრძელი იყოს.
შესრულების ტექნიკა:
- ღრმად ჩაისუნთქეთ ცხვირით, ოთხამდე დათვლით.
- შეიკავეთ სუნთქვა პიკზე, შვიდამდე დათვლით.
- ამოისუნთქეთ მოკუმული ტუჩებით, რვამდე დათვლით.
- გაიმეორეთ ციკლი დღეში ორჯერ, ოთხი გამეორებით.
