საბჭოთა წლებში ხალხი მზად იყო მათთვის ნებისმიერი თანხა გადაეხადა, ამიტომ დღეს მათ, ვინც შორეულ წარსულში ამ ვინილის ფირფიტის ხელში ჩაგდება მოასწრო, დიდ ფულში შეუძლია გადაცვალოს.
ცოტა ხნის წინ ჩატარდა კვლევა იმის გასარკვევად, საბჭოთა ეპოქის რომელი ნივთებია დღეს ყველაზე მოთხოვნადი. გაირკვა, რომ პირველ რიგში, სსრკ–დან საკოლექციო ნივთების გაყიდვები ყიდვა–გაყიდვის საიტებზე გაიზარდა და მეორეც, ბევრი ნივთი, რომელიც სამუდამოდ გავიდა მოდიდან, კვლავ წარმოუდგენლად მოთხოვნადი ხდება. მათ შორის არის ფირის ფოტოაპარატები და, რა თქმა უნდა, გრამფირფიტები. დღეს საბჭოთა ეპოქის ვინილის ფირფიტები ითვლება არა მხოლოდ მუსიკის მოყვარულების ნამდვილ ნადავლად, არამედ ინტერიერის განუყოფელი ნაწილად.
რა თქმა უნდა, ვინილის ფირფიტების ღირებულებაზე მოქმედი ყველაზე მნიშვნელოვანი ფაქტორებია: გამოცემის წელი, გამოცემის ტირაჟი, შემსრულებლის ან ალბომის პოპულარობა და ფირფიტის მდგომარეობა. თუ გარეკანზე მუსიკოსის ავტოგრაფია, მაშინ ფასი რამდენჯერმე იზრდება.
იმ დროს საბჭოთა კავშირში ფირფიტების წარმოების მთავარი მონოპოლისტი იყო კომპანია „მელოდია“. ფირფიტების ტირაჟს და შინაარსს განსაზღვრავდა სპეციალური კომისია, ამიტომ ახალი გამოშვებები საკმაოდ იშვიათი იყო. იმ წლებში გაყიდვაში შეიძლება გეპოვათ აუდიოწიგნი „ყამირი“ ხუთ ფირფიტაზე, რომლის ავტორი იყო ლეონიდ ბრეჟნევი, ან მისი გამოსვლა სკკპ–ის მორიგ ყრილობაზე და მუსიკალური სპექტაკლის „ვარსკვლავი და ხოაკინ მურიეტას სიკვდილი“ ჩანაწერი.
საბჭოთა მოქალაქეები სულ სხვა ვინილის ფირფიტებზე ოცნებობდნენ. ყველა ქალი ოცნებობდა ადრიანო ჩელენტანოს სიმღერების ნაკრებზე. ამ ცეცხლოვანმა იტალიელმა თითქმის ყველა მუსიკალურ ჟანრში სცადა თავი, მაგრამ არასდროს დაუკარგავს მომაჯადოებელი ხიბლი. ფირფიტა პირველად 1979 წელს გამოვიდა და გაყიდვების ყველა რეკორდი მოხსნა. იმ მომენტიდან იტალიური სექს სიმბოლო მუდმივი „სტუმარი“ გახდა დისკოთეკებსა და სსრკ–ს მაცხოვრებლების სახლებში.
არა ნაკლებ სასურველი ფირფიტა, რომელიც როგორც ქალებს, ასევე კაცებს მოსწონდათ, იყო ვლადიმერ ვისოცკის ალბომი „ბალადები და სიმღერები“. 1978 წელს გამოვიდა და თითქმის მაშინვე გაქრა დახლებიდან, შემდეგ ხელიდან ხელში გადაეცემოდა.
ყველა საბჭოთა ბავშვი იძინებდა და ხედავდა (ან ისმენდა) მუსიკალურ ზღაპარს „ბრემენელი მუსიკოსები“ – კომპოზიტორ გენადი გლადკოვის სიმღერები ცნობილი მულტფილმებიდან, რომელთაც ცნობილი მომღერლები ასრულებდნენ.
სიტყვაზე, კომპანიამ „მელოდია“ გამოუშვა ამ ზღაპრის 28 მილიონი ეგზემპლარი, რომელიც მაშინვე გაიყიდა. არანაკლებ პოპულარული იყო „მფრინავი გემი“. ამ რუსულ ხალხურ ზღაპარს მულტფილმის სიმღერებით ეძებდნენ ბავშვებისთვის. ბევრი იმდენად ხშირად უსმენდა, რომ ყველა სიმღერას უნებლიეთ იმახსოვრებდა.
რა თქმა უნდა, არავინ იყო უარზე გამხდარიყო უცხოელი შემსრულებლის ჩანაწერის მფლობელი. ერთ–ერთი მოთხოვნადი იყო The Beatles და Led Zeppelin. მათი ყიდვა შეიძლებოდა მხოლოდ შავ ბაზრობაზე ე.წ. „პლასტომანიებისგან“. ბევრი მზად იყო მთელი ხელფასი გადაეხადა იმისთვის, რომ უცხოელი ვარსკვლავის საყვარელი სიმღერების სუფთა, ხარისხიანი ხმით დამტკბარიყო. ვისაც შესაძლებლობა ჰქონდა ნაცნობებს სთხოვდნენ, რომ უცხოეთიდან ჩამოეტანათ საყვარელი ჯგუფების ჩანაწერები. ზოგჯერ უცხოელი შემსრულებლების ალბომის პოვნა სსრკ–ში შესაძლებელი იყო. მართალია, კომპანიის „მელოდია“ ხელახლა გამოცემაში და რუსულად ნათარგმნი.
