დიეტოლოგმა სტრელნიკოვამ ისაუბრა, თუ როგორ უნდა მიირთვათ კენკრა მავნე შედეგების გარეშე

0
683

დიეტოლოგი ტატიანა სტრელნიკოვა: ორგანიზმისთვის ზიანის მიყენების გარეშე, შეგიძლიათ დღეში მიირთვათ არაუმეტეს 200 გრამი კენკრა.

კენკრის მიღების მავნე შედეგები შეიძლება მოიცავდეს ალერგიულ რეაქციას, კუჭ-ნაწლავის პრობლემებს და სისხლში შაქრის დონის მატებას. დიეტოლოგმა სტრელნიკოვამ თქვა, თუ როგორ უნდა მიირთვათ კენკრა ამ დარღვევების რისკის გარეშე – პირველ რიგში, სპეციალისტი გვირჩევს მათი რაოდენობის კონტროლს (განსაკუთრებით იმ შემთხვევებში, როდესაც კენკრას ხანგრძლივი შესვენების შემდეგ მივირთმევთ).

„ზამთრის პერიოდის შემდეგ, კენკრა რაციონს მცირე რაოდენობით უნდა დაემატოს. განსაკუთრებით ეს ეხება ბავშვებს. ეს დაგეხმარებათ იმის გარკვევაში, გაქვთ თუ არა ალერგია“, – აღნიშნა ექიმმა.

სტრელნიკოვამ დასძინა, რომ კენკრა შეიცავს დიდი რაოდენობით უჯრედისს, რომელიც ასტიმულირებს პერისტალტიკას. თუ ბევრს მიირთმევთ ერთბაშად ან უზმოზე, შეიძლება ადგილი ჰქონდეს საჭმლის მონელების დარღვევას.

„მიზანშეწონილია კენკრა მიირთვათ ცალკე ან ფაფასა და ხაჭოსთან ერთად“, – ხაზგასმით აღნიშნა დიეტოლოგმა.

ექსპერტმა ყურადღება გაამახვილა კენკრაში შემავალ ფრუქტოზაზე. დაავადებების ან დარღვევების შემთხვევაში, რომლებიც საჭიროებენ რაციონში შაქრის შეზღუდვას, კენკრის გამოყენება უნდა შეათანხმონ ექიმთან – პირველ რიგში, ეს ეხება დიაბეტით დაავადებულებს.

გარდა ამისა, სტრელნიკოვამ თქვა, რომ კენკრის ჭამისას, უპირატესობა უნდა მიენიჭოს ბუნების სეზონურ ნობათს, რომელიც მწიფდება იმ რეგიონში, სადაც ცხოვრობთ. იმპორტირებული, სავარაუდოდ, შეიცავს სხვადასხვა ქიმიური ნაერთების კვალს, რომლებითაც მას ამუშავებენ შენახვის დროის გაზრდის მიზნით.

მნიშვნელოვანია! ინფორმაცია მოწოდებულია საცნობარო მიზნებისთვის. უკუჩვენებებისა და გვერდითი მოვლენების შესახებ ჰკითხეთ სპეციალისტს და არავითარ შემთხვევაში არ ჩაიტაროთ თვითმკურნალობა. დაავადების პირველი ნიშნების გამოვლენისას მიმართეთ ექიმს.