ტიბეტური მედიცინა ასობით წელია ცნობილია თავისი ეფექტურობით. ბრძენი ხალხი კარგად ერკვევა ადამიანის ორგანიზმის თავისებურებებში და მისი ჯანსაღი ფუნქციონირების მხარდაჭერა მარტივი საშუალებებით შეუძლია. იგივე შეიძლება ითქვას ტიბეტურ ვარჯიშზე. ერთ-ერთ გამოცემაში წავიკითხე ტიბეტურ ვარჯიშებზე, რომლებიც ებრძვიან დაღლილობას და სისუსტეს.
ვარჯიშები ეფუძნება ხელ-ფეხის სახსრების გაძლიერებას, ადამიანის ორგანიზმში ძალების აღდგენაზე პასუხისმგებელ სპეციალურ ცენტრებზე ზემოქმედებას. ამ სტატიაში აღწერილი თითოეული ვარჯიში იდეალურ შემთხვევაში 21-ჯერ უნდა გაიმეოროთ. თავიდან, შესაძლოა, მხოლოდ 3-ჯერ შესრულება შეძლოთ. თანდათან, როცა კუნთები დატვირთვას მიეჩვევა, გამეორების რაოდენობა შეგიძლიათ გაზარდოთ.
ტიბეტური ვარჯიშები: ძალის და მხნეობის აღდგენა
ვარჯიში №1
ვარჯიში მიმართულია ვესტიბულური აპარატის განვითარებაზე. გაშალეთ ფეხები მხრების სიგანეზე. მუცელი და კუდუსუნი დაჭიმეთ. ხელები მხრების დონეზე გვერდებზე გაშალეთ. თქვენ წინ რაიმე წერტილი იპოვეთ და მუდმივად მას უყურეთ. ახლა თქვენი ღერძის გარშემო ნელა იტრიალეთ საათის ისრის მიმართულებით. ბრუნვები გააგრძელეთ იმდენჯერ, რამდენჯერაც შეძლებთ. როგორც კი თავბრუსხვევას იგრძნობთ, შეისვენეთ და ღრმად ისუნთქეთ. დაჯექი ან წამოწექი. ცოტა ხნით შეისვენეთ და შემდეგ ვარჯიშზე გადადით.
ვარჯიში №2
ზურგზე დაწექით. ფეხები სწორად გაშალეთ, ხელისგულები იატაკს დაადეთ. ჯერ ამოისუნთქეთ. შემდეგ ფეხები ისე ასწიეთ, რომ იატაკთან მიმართებაში 90 გრადუსზე იყოს და მაშინვე ღრმად ჩაისუნთქეთ. მენჯი არ უნდა მოძრაობდეს. ეცადეთ, ფეხები მაქსიმალურად გამართოთ, შემდეგ გადაიტანეთ შორს, თქვენს თავთან ახლოს. საწყის პოზიციაზე დაბრუნებისას ამოისუნთქეთ. მოძრაობის რიტმის და სწორი სუნთქვის შენარჩუნება მნიშვნელოვანია. ვარჯიშის დასრულების შემდეგ ადექით და სამჯერ ღრმად ჩაისუნთქეთ და ამოისუნთქეთ.
ვარჯიში №3
მუხლებზე დადექით. თეძოები იატაკთან მიმართებაში 90 გრადუსზე უნდა იყოს. ხელისგულები დუნდულების ქვემოთ მოათავსეთ. თავი წინ გადასწიეთ ისე, რომ ნიკაპი გულმკერდს შეეხოს. ღრმად ამოისუნთქეთ და შემდეგ თავი უკან ნელა გადასწიეთ, ხერხემალი მოხარეთ და თანდათან ჩაისუნთქეთ. ამ მოძრაობისას გულმკერდი სრულად გაშლილი უნდა იყოს. საწყის პოზას დაუბრუნდით და ამოისუნთქეთ. ვარჯიშის დასრულების შემდეგ ადექით, ღრმად ისუნთქეთ. ეს ვარჯიში ზურგისთვის განსაკუთრებით სასარგებლოა.
ვარჯიში №4
ძალიან ჰგავს ვარჯიშს „ხიდი“, რომელსაც ბავშვები სკოლაში ფიზკულტურის გაკვეთილზე ასრულებენ. რთული შესასრულებელი ჩანს, მაგრამ სინამდვილეში მისი შესრულება ასაკოვან ხალხსაც შეუძლია. იატაკზე დაჯექი, ფეხები მხრების სიგანეზე წინ გამართეთ. ხელისგულებით იატაკს დაეყრდენით. მთელი ტანი ზემოთ ასწიეთ ისე, რომ ხელები და ფეხები 90 გრადუსზე იყოს და სკამის ან მაგიდის ფეხებს გაგონებდეთ. ამ პოზაში რამდენიმე წამით გაჩერდით, შემდეგ ისევ დაჯექით, როგორც ვარჯიშის დასაწყისში.
ვარჯიში №5
ამ ვარჯიშით მთელ კომპლექსს დააფიქსირებთ. ხელებსა და ფეხებზე დადექით ისე, რომ იატაკს უყურებდეთ. ფეხები თითის წვერებით, ხოლო ხელები ხელისგულებით იატაკს ეყრდნობა და მხრების ქვეშ მდებარეობს. ახლა მთელი ტანი და თავი ზემოთ ასწიეთ, მენჯი დაუშვით. შემდეგ თავი უკან გადასწიეთ, ხერხემალი მოხარეთ და ამოისუნთქეთ. ამასთან ფეხის თითებზე და ხელისგულებზე დაყრდნობა გააგრძელეთ. ახლა ჩაისუნთქეთ, ზურგი მოამრგვალეთ, მენჯი რაც შეიძლება მაღლა ასწიეთ, ხოლო თავი მაქსიმალურად ქვემოთ დაუშვით. გვერდიდან ისე გამოჩნდება, თითქოს მენჯის მიდამოში შუაზე გაკეცილი ხართ. თავით ისევ ზემოთ გაიწელეთ, ხოლო მენჯი დაუშვით. ეს მოძრაობა ამოყვინთვას ჰგავს.
მთელი კომპლექსის დასრულების შემდეგ ზურგზე დაწექით, ხელები ხელისგულებით ზემოთ ასწიეთ და მთელი მკერდით ისუნთქეთ. ასე ტანი სრულად მოდუნებას შეძლებს. ასეთი ყოველდღიური ვარჯიში გაგაძლიერებთ და მხნეობას შეგმატებთ.
