როგორც წესი, დედამთილს მივმართავ მცენარეების მოყვანასთან დაკავშირებულ ნებისმიერ საკითხზე. ვთვლი, რომ ამ საქმეში დამწყები ვარ. მისი ბოსტანი კი უკვე მრავალი წელია უხვ მოსავალს იძლევა. ადრე ვფიქრობდი, რომ მორწყვა საკმარისი იყო მცენარეების მოსავლელად. როგორ ვცდებოდი! მათ ხომ სჭირდებათ დაავადებებზე და მავნებლებზე შემოწმება, ფოთლების გაწმენდა, მიწის გაფხვიერება, შეცვლა და შემოყრა. სასუქიც მნიშვნელოვანია! რას არ იგონებენ გამოცდილი მეაგარაკეები, რომ ძვირადღირებულ სასუქზე ფული არ დახარჯონ. გავიგე, რომ ამ მიზნით იყენებენ ხელთარსებულ ნატურალურ პროდუქტებს. მაგალითად, ძველ მურაბას.
დიახ, ქმრის მშობლების სახლში არასდროს არაფერი უმიზნოდ არ იკარგება, მათ შორის ვადაგასული მურაბაც. თურმე მისგან შეგიძლიათ მოამზადოთ ეფექტური სასუქი ბოსტნეულის კულტურისთვის. ამ მეთოდს რამდენიმე წელია ვიყენებ და ჯერჯერობით ყველა კმაყოფილია, მეც და მცენარეც.
როგორ გამოვიყენოთ ძველი მურაბა სასუქად?
ყველამ იცის, რომ საფუარი შესანიშნავი სასუქია ბაღ-ბოსტნის კულტურებისთვის. კვლებში სასწაულებს ახდენს. საფუვრით კვება განსაკუთრებით მოსწონს კიტრს, პომიდორს და ბადრიჯანს. ბუჩქებიც უკმაყოფილო არ არიან, ხოლო ყვავილები უბრალოდ გიჟდებიან! მისი წყალობით ვარდი დიდებულად ყვავილობს, ადვილად იტანს სიცხეს და სიმშრალეს. ზრდის გასააქტიურებლად საფუარს შაქრის დამატება სჭირდება. მაგრამ რა საჭიროა ასეთი სტრატეგიულად მნიშვნელოვანი პროდუქტის გამოყენება, თუ გაქვთ ძველი მურაბა?
სასუქის მოსამზადებლად 100 გრამი მურაბა 1 ლიტრ თბილ, ოთახის ტემპერატურაზე გაჩერებულ წყალში გააზავეთ. დაუმატეთ დაპრესილი საფუარი და ხსნარი 1 კვირა გააჩერეთ. მიღებული ნარევი წყალში გააზავეთ 1:10 პროპორციით. შემდეგ ყოველ 5 ლიტრ ხსნარს დაუმატეთ 1 ამპულა გლუკოზა. კარგად აურიეთ და თამამად მორწყეთ მცენარე. სასუქი მხოლოდ სველ მიწას დაუმატეთ.
ახლა აღარ მოგიწევთ ვადაგასული მურაბის გადაყრა, ხოლო თქვენი მცენარე მიიღებს საჭირო კვებას და, დარწმუნებული ვართ, უხვი მოსავლით მადლობას გადაგიხდით.
