მაკარონი ერთ-ერთი ყველაზე პოპულარული პროდუქტია. ის შეგვიძლია მივირთვათ როგორც დამოუკიდებელ კერძად, ასევე დაუმატოთ წვნიანებს, მოამზადოთ სხვადასხვა კერძი და ა.შ. გარდა ამისა, მის მომზადებას ძალიან ცოტა დრო სჭირდება, რაც იდეალურია მუდამ დაკავებული ადამიანისთვის. თითქმის ნებისმიერ სუპერმარკეტში შეგიძლიათ ნახოთ მრავალი სახეობის მაკარონი.
ფორმების, ზომებისა და ბრენდების მრავალფეროვნება უბრალოდ შთამბეჭდავია. იყიდება სხვადასხვა ფიგურის მაკარონი და შეფუთვებიც მრავალფეროვანია. ბევრს უბრალოდ არ ესმის, რატომ განსხვავდება მაკარონი ფასის მიხედვით და რომელი მაკარონი არის საუკეთესო, როცა გარეგნულად თითქმის ერთნაირია. მოდით ვისაუბროთ მიზეზებზე.
რა განსაზღვრავს მაკარონის ხარისხს?
ხშირად მყიდველები უბრალოდ იტალიის დროშას ხედავენ შეფუთვაზე და ფიქრობენ, რომ ეს ხარისხის ნიშანია. თუმცა, სინამდვილეში ყველა იტალიური მაკარონი ერთნაირად კარგი არ არის. ეს ასევე ეხება პროდუქტს სხვა მწარმოებელი ქვეყნებიდან. არსებობს რამდენიმე ძირითადი კრიტერიუმი იმის გასაგებად, თუ რომელი მაკარონია საუკეთესო. პაპარაცის დღევანდელ სტატიაში გაგიზიარებთ ინფორმაციას, რომელსაც ყურადღება უნდა მიაქციოთ პროდუქტის არჩევისას.
ნედლეული
აქ, უპირველეს ყოვლისა, საუბარია ფქვილის სახეობაზე, რომლისგანაც მზადდება მაკარონი. ეჭვგარეშეა, გეცოდინებათ, რომ ეს ნედლეული შეიძლება იყოს მეტ-ნაკლებად ხარისხიანი. ფქვილის ტიპზე არის დამოკიდებული ტექსტურა, მომზადების დრო და პროდუქტის კონსისტენცია მომზადების შემდეგ. თუ მაკარონი დამზადებულია დაბალი ხარისხის ფქვილისგან, მაშინ მისგან განსაკუთრებულს არაფერს უნდა ელოდოთ. გარდა ამისა, ყურადღებით უნდა იყოთ, რადგან პროდუქტი შეიძლება სწრაფად გადაიხარშოს და კერძი ერთ ცომის გუნდად გადაიქცეს. უფრო მეტიც, ფქვილის ტიპზეა დამოკიდებული ასევე კალორიების რაოდენობაც. რაც უფრო დაბალია ის, მით მეტი ნახშირწყლებია მაკარონში. ეს საშიშია თქვენი ფიგურისთვის!
წარმოების ტექნოლოგია
ფასი და ხარისხი დიდწილად დამოკიდებულია იმ დროზე, რომელსაც წარმოება პროდუქტის მომზადებაზე ხარჯავს. მაკარონის ნელი გაშრობის პროცესი მომზადების ტექნოლოგიის მიხედვით უზრუნველყოფს მის ხარისხს. ანუ ასეთი პროდუქტი უფრო დიდხანს შეინახება და მოხარშვისას არ გადაიხარშება. შემთხვევა, როდესაც ფასი ნამდვილად ასახავს, რომ პროდუქტი მას შეესაბამება.
ფორმა
ცოტა ადამიანი ფიქრობს ამაზე მაკარონის ყიდვისას. მყიდველები ხშირად ირჩევენ ლამაზ ბაფთებს, საინტერესო ნიჟარებს ან სპირალებს. თუმცა, აქ ყურადღება უნდა მიაქციოთ სპეციალურ ღარებს, რომლებიც უნდა იყოს წარმოდგენილი მაღალი ხარისხის მაკარონის მრავალ სახეობაზე. კეთილსინდისიერი მწარმოებლებს უმცირესი დეტალებიც კი აქვთ გათვლი. საქმე ის არის, რომ ეს ღარები არის იმისთვის, რომ შეინარჩუნოს სოუსი მაკარონის ზედაპირზე. წინააღმდეგ შემთხვევაში, ის უბრალოდ ქვაბის ძირზე ჩაიწვეთება. იგივე ეხება კარაქს.
გარეგნული სახე
ტრანსპორტირებასთან დაკავშირებული პრობლემების მიუხედავად, ძვირადღირებული მაკარონი იშვიათად შეიძლება იყოს გატეხილი. კომპანიები, რომლებიც აწარმოებენ საშუალო ან მაღალი ფასის საქონელს, ჩვეულებრივ, მკვრივ მუყაოს შეფუთვას ირჩევენ. ეს არა მხოლოდ მარკეტინგის ხარკია, არამედ მაკარონის დაზიანებისგან დაცვის საშუალებაც. იაფ პროდუქტს ,უმეტეს შემთხვევაში, არანაკლებ იაფიანი შეფუთვა აქვს. ამ გზით, კომპანია ცდილობს დაზოგოს ფული, რათა მეტი იშოვოს. შედეგად, გრძელი სპაგეტი შეიძლება მოკლე ვერმიშელად გადაიქცეს.
როგორც ხედავთ, ზოგჯერ ფასების პოლიტიკა შეიძლება საკმაოდ გონივრული იყოს. თუმცა, იაფ საქონელს შორისაც კი შეგიძლიათ იპოვოთ კარგი პროდუქტები. თუ ყურადღებას მიაქცევთ ყველა ზემოთ ჩამოთვლილ ფაქტორს, აუცილებლად შეძლებთ თავად განსაზღვროთ რომელი მაკარონია უკეთესი.
