ეზოდან გამხმარი ხეების მოშორება ყოველთვის დიდ ძალისხმევასა და ენერგიას მოითხოვს. ჯერ ერთი, თავად ხის ბოძი, უამრავი ტოტით, ძნელია წააქციო რაიმე ნაგებობაზე დაცემის გარეშე. მეორეც, გაუგებარია, რა უნდა უყო მცენარისგან დარჩენილ ძირკვს. უმეტეს შემთხვევაში, თუ ფესვები საკმარისად არის ჩაზრდილი, მხოლოდ ფიზიკური ძალის გამოყენებით მისი ამოღება თითქმის შეუძლებელია. საჭიროა სპეციალური მუშების ჯგუფის დაქირავება, ტექნიკის გამოყენება ან მეზობლებს უნდა სთხოვოთ დახმარება. რა თქმა უნდა, ამაში დიდი თანხის დახარჯვა მოგიწევთ. თუმცა, არსებობს ალტერნატიული მეთოდი ნაკვეთიდან ძირკვის მოსაშორებლად. პაპარაცის დღევანდელ სტატიაში იაფ და ეფექტურ მეთოდზე ვისაუბრებთ.
როგორ მოვაშოროთ ძირკვი ნაკვეთიდან
ეს მეთოდი მეზობლისგან გავიგე, როცა მასთან მივედი დახმარების სათხოვნელად. მაშინ მე და ჩემი მეუღლე ახალი მისულები ვიყავით აგარაკზე, რამდენიმეთვიანი არ ყოფნის შემდეგ. აღმოჩნდა, რომ ამ ხნის განმავლობაში დიდმა, ძველმა ვაშლის ხემ მიწაზე დაცემა მოახერხა. ბუნებრივია, ფესვები მიწაში დარჩა. ჩვენ ორმა ვერ მოვახერხეთ მათი ამოთხრა, თუმცა ბევრი ვეცადეთ. ამიტომ ჩემს მეზობელს მივმართე, რათა ტრაქტორით დამხმარებოდა ძირკვის ამოღებაში. თუმცა, ეს არ იყო აუცილებელი, რადგან მან გამიზიარა ხრიკი, თუ როგორ უნდა ამოიღო ძირკვი ნაკვეთიდან ძალის გამოყენების გარეშე. ამისთვის დაგჭირდებათ მხოლოდ 2 ინგრედიენტი: სელიტრა და შაქარი.
რა უნდა გაკეთდეს
1. უპირველეს ყოვლისა, იზრუნეთ უსაფრთხოებაზე. მუშაობის დაწყებამდე აუცილებლად გაიკეთეთ ხელთათმანები და რესპირატორი. სელიტრა ხელს შეუწყობს ძირკვის ამოღებას ნაკვეთიდან. მეზობელმა გვირჩია კალიუმის ნიტრატის გამოყენება. ამ ტიპის გარდა, შეგიძლიათ გამოიყენოთ ამიაკის სელიტრაც. თუმცა, ის უფრო საზიანოდ ითვლება ადამიანის ორგანიზმისთვის.
2. უბრალო მინის ქილაში შეურიეთ სელიტრა და შაქარი. იმისათვის, რომ ამ მეთოდმა იდეალურად იმუშაოს, შეინარჩუნეთ პროპორციები 70:30, ანუ ნარევი უნდა შეიცავდეს 70% სელიტრას და 30% შაქარს. რაოდენობა დამოკიდებული იქნება ძირკვის ზომაზე.
3. ბურღით გააკეთეთ 15-20 სმ-იანი ხვრელები ძირკვში. შეეცადეთ გაბურღოთ რაც შეიძლება ღრმად ისე, რომ სელიტრისა და შაქრის ნარევმა ყველა ნაწილამდე მიაღწიოს.
ამის შემდეგ მომზადებული ხალხური საშუალება ჩაასხით მიღებულ ხვრელებში. შეგიძლიათ ამ ეტაპზე გაჩერდეთ, ნაზავი დატოვოთ ძირკვში და ზემოდან რამე დააფაროთ. სელიტრა თანდათან გამოაშრობს ხეს. მაგრამ ამას საკმაოდ დიდი დრო დასჭირდება.
4. პროცესის დასაჩქარებლად სელიტრა და შაქარი დაწვით. საკუთარი უსაფრთხოებისთვის, შეგიძლიათ დამატებით გააკეთოთ ბენზინის ბილიკი. ამ შემთხვევაში არ მოგიწევთ ახლოს იყოთ განვითარებად ქიმიურ რეაქციასთან. ნარევი ღრმად იქნება ჩასული ძირკვში და ხე სწრაფად დაიწვება. ცეცხლის ჩაქრობის შემდეგ შეგიძლიათ ნაცარი უპრობლემოდ მოაშოროთ ნაკვეთიდან. ძირკვის კვალიც აღარ დარჩება.
ეს არის უმარტივესი გზა ნაკვეთიდან ძირკვის მოსაშორებლად. გარდა ამისა, ეს ხრიკი თანხის დაზოგვაშიც დაგეხმარებათ. სელიტრას ყიდვა შეგიძლიათ იაფად ნებისმიერ სასოფლო-სამეურნეო მაღაზიაში, რადგან ის საყოველთაოდ გამოყენებული სასუქია და შაქარი კი სახლში ყველას აქვს. თუმცა, ფრთხილად იყავით ქიმიურ რეაქციასთან. არ მიუახლოვდეთ ცეცხლს, სანამ ის არ ჩაქრება. სულ რაღაც ერთ საათში თქვენ შეძლებთ მთლიანად მოიშოროთ მცენარის ნაშთები. მაგალითად, ამ ადგილას შეგიძლიათ დარგოთ ყვავილები. ამ მეთოდის ეფექტურობა წლების განმავლობაში დადასტურდა.
