2020-მა წელმა მხოლოდ კარგი რომ მოგიტანოთ, უკვე დროა, მხარდაჭერა და დახმარება ზეციურ ძალებს სთხოვოთ. ეს მძლავრი ლოცვები დაგეხმარებათ მიზნებისა და გეგმების მიღწევაში.
მართალია, ცხოვრების შეცვლა და მისი ახალი ფურცლიდან წერა ჯერ კიდევ ახალი წლიდან უნდა დაგეწყოთ, თუმცა არც წლის შუა პერიოდია ამისთვის გვიანი, რადგან რამის შესაცვლელად ორშაბათის, თვის პირველი რიცხვისა და ახალი წლის პირველი დღის ლოდინი საჭირო არაა.
ძლიერი ლოცვა ნიკოლოზ სასწაულმოქმედისადმი
წმინდა ნიკოლოზ მირლიკიელი, იგივე ნიკოლოზ სასწაულმოქმედი ერთ-ერთი ყველაზე პატივცემული ქრისტიანული წმინდანია. მას ლოცვით ყოველდღიურად ათასობით ადამიანი მიმართავს მსოფლიოს სხვადასხვა კუთხიდან, ბევრი მათგანი კი ირწმუნება, რომ წმინდანი მათ დაეხმარა ყველაზე მძიმე და რთული პრობლემების გადასაჭრელად.
ძველი დროიდან, ნიკოლოზ სასწაულმოქმედი მოგზაურთა მფარველად ითვლება, პირველ რიგში, იცავს მეზღვაურებს. გასული წლების მანძილზე, მეზღვაურებმა საკმაო ცნობა მოაგროვეს იმის შესახებ, თუ როგორ დაეხმარა მათ წმინდანი. თუმცა, მაშინაც კი, თუ უბრალოდ დილაობით სახლიდან გადიხართ და გრძელ გზას გადიხართ, ზედმეტი არ იქნება წმინდანისადმი ლოცვა წარმატებული გზისა და სახლში დაბრუნებისთვის.
ნიკოლოზ სასწაულმოქმედი ცნობილია უსამართლოდ დაკავებულთა დაცვითაც. სხვათა შორის, იმ ბრალდებულებსაც ეხმარება, რომლებმაც იციან, რომ დამსახურებულად ისჯებიან, ამიტომ ისინი წმინდანს ღმერთთან შუამავლობასა და შენდობას სთხოვენ. ნიკოლოზ სასწაულმოქმედი ეხმარება ყველას, რამდენადაც იგი ქრისტიანის უმაღლესი კეთილისმსურველია, რომელიც ყოველთვის გამოირჩეოდა პატიების უნარით მათთვისაც კი, ვინც ცხოვრებისეული გზიდან გადაუხვია.
პრაქტიკულად ნებისმიერი ცხოვრებისეული სიტუაციის გადაჭრა შეიძლება ლოცვით. თუ ეკლესიაში ვერ მიდიხართ, შინ ილოცეთ. წმინდანი თქვენს გულწრფელ ლოცვას აუცილებლად გასცემს პასუხს.
ლოცვა, რომელსაც ახლა წარმოგიდგენთ, ცვლის ბედისწერას. იგი გვაშორებს დაავადებებსა და პრობლემებს. თითქოს, გამოუვალ სიტუაციებშიც კი, იგი გაჩვენებთ და გაპოვნინებთ გამოსავალს. იგი მართლაც სასწაულებს ახდენს, რასაც აღნიშნავენ მლოცველები, რომლებიც წმინდანს სწორედ ამ ლოცვით მიმართავენ. მიმართეთ მას დასახმარებლად და ცხოვრება უკეთესობისკენ რადიკალურად შეგეცვლებათ.
ლოცვა წმინდა ნიკოლოზისადმი
გაქებთ შენ, საყვარელო, წმიდაო მღვდელმთავარო ნიკოლოზ, ზესთამბრძოლო საკვირველმოქმედო და უსათნოესო ქრისტესო, მრავალსასყიდლისა წყალობის მირონისა და საკვირველებათა ზღვისა სოფლისათვის მიმმადლებელო; ხოლო შენ, ვითარცა გაქვს კადნიერება წინაშე ღმრთისა, ყოველთა ჭირთაგან განგვათავისუფლე ჩვენ, რათა დაუცხრომელად გადიდებდეთ: გიხაროდენ, წმიდაო მღვდელმთავარო ნიკოლოზ, საკვირველმოქმედო ყოვლადდიდებულო!
ლოცვა წმინდა სპირიდონ ტრიმიფუნტელისადმი
როცა მკაფიოდ იაზრებთ, რომ ცხოვრების უკეთესობისკენ შეცვლა გსურთ, მიმართეთ წმინდა სპირიდონ ტრიმიფუნტელს. წმინდანს სთხოვენ ფინანსური სიდუხჭირის სწრაფ გადაწყვეტას, სხვადასხვა გარიგებაში დახმარებას, ფინანსური კეთილდღეობის მომადლებას.
ჰოჲ, ყოვლად-ნეტარო წმიდაო მღუდელ-მთავარო სპირიდონ, ევედრე კეთილ-სახიერებასა კაცთმოყუარისა ღმრთისა, რათა არა დაგუსაჯოს ჩუენ უსჯულოებათა ჩუენთა, არამედ ჰყოს ჩუენ ზედა წყალობისაებრ მისისა. ევედრე ქრისტესა და ღმერთსა ჩუენსა, ჩუენ ღმრთისა მონათა გამო (სახელები), რათა მოგუცეს ჩუენ მშვიდობითი და უშფოთუელი ცხოვრებაჲ, სულისა და ხორცის სიმრთელეჲ. გვიხსენ ჩუენ ყოვლისაგან ჭირისა სულიერისა და ხორციელისა, ყოვლისაგან ქენჯნისა და სატანებრივისა ცილისწამებისა. მომიხსენე ჩუენ წინაშე საყდრისა ყოვლისმპყრობელისა და ჰვედრე უფალსა, რათა მოგუცეს ჩუენ მრავალთა შეცოდებათა ჩუენთა შენდობაჲ, უჭირველი და უშფოთველი ცხოვრებაჲ, მოგუმადლოს ჩუენ ურცხუენელი და მშვიდობითი აღსასრული ცხოვრებისა ჩუენისაჲ და მომავალსა საუკუნესა შინა მარადიულსა ნეტარებასა ღირს გვყოს, რათა დაუსრულებელად დიდებასა და მადლობასა აღვავლენდეთ მამისა და ძისა და წმიდისა სულისა მიმართ, აწ და მარადის და უკუნითი უკუნისამდე, ამინ.
თუ ამ ლოცვებს მთელი წელი რეგულარულად იკითხავთ, შეიცვლება სამყარო თქვენ გარშემო, წაიშლება ყოველგვარი უიღბლობა. თქვენს ხელთ იქნება თქვენი და თქვენი ახლობლების ცხოვრების გაუმჯობესების შსაძლებლობა.
