აყვავებული ორქიდეა სახლში ნებისმიერი დიასახლისის აღფრთოვანების საგანია. ეს ყვავილი საკმაოდ მომთხოვნია, რადგან სწორი მორწყვა, საკმარისი განათება და შესაფერისი მიწა სჭირდება. ჰაერის ტენიანობაც მნიშვნელოვან როლს ასრულებს.
სამაგიეროდ, პრეტენზიული ორქიდეას ყვავილობა ამ შრომად ღირს. სწორედ ამიტომ, მსგავსი სილამაზის ბევრი მოყვარული დაუფიქრებლად სახლისთვის ყიდულობს. თუმცა ორქიდეა ოთახის მცენარეა, რომელიც მაცხოვრებლების ენერგეტიკაზე გავლენას ახდენს. ზოგჯერ საუკეთესოდ, ზოგჯერ უარყოფითად.
ორქიდეა სახლში
ლამაზი ორქიდეა აღფრთოვანებულ მზერას იზიდავს. ცოტამ თუ იცის, რომ ის შეიძლება იყოს როგორც ბედნიერების მომტანი, ასევე პრობლემების წყარო. უკიდურეს შემთხვევაში, ასე ირწმუნებიან სპეციალისტები, რომლებიც სახლში ხელსაყრელი ატმოსფეროს შექმნით არიან დაკავებულნი. რას გვაფრთხილებენ ისინი?
თუ მცენარეზე კეთილსინდისიერად ზრუნავთ, ის კი ჭკნობას აგრძელებს, გამოდის სახლში ყველაფერი რიგზე არაა და ორქიდეა ამას გრძნობს. შესაძლოა, აქ მცხოვრები ხალხი რაღაც ცუდ საქციელს ან განზრახვას გიმალავს. კარგ ატმოსფეროში მგრძნობიარე ორქიდეა კარგად იქცევა და ყვავილობით გაგახარებთ.
ორქიდეა ქალებზე განსაკუთრებულ გავლენას ახდენს. თავის მფლობელს მცენარე უბედურებისა და ცუდი განწყობისგან იცავს. თუ ყვავილს სარკის წინ დადებთ, ის ქალს სილამაზის გახსნაში და ახალგაზრდობის გახანგრძლივებაში დაეხმარება.
ორქიდეას გავლენა კაცზე
სპეციალისტები კაცებს ორქიდეების მოვლას არ ურჩევენ. ითვლება, რომ ეს მხოლოდ ქალური ყვავილია, რომელიც სწორედ ქალურ თვისებებს აძლიერებს. მაგალითად, თუ ორქიდეა ბავშვთა ოთახში დევს, სადაც ბიჭს სძინავს, ის ნაზი და უხასიათო იქნება.
თუ მუდმივად სიზარმაცეს და აპათიას გრძნობთ, წითელი ან იისფერი ორქიდეა შეიძინეთ. ასეთი ყვავილი ენერგიის სწორად გადანაწილებაში დაგეხმარებათ და ნაკლებად მნიშვნელოვან საქმეებზე დროს აღარ დახარჯავთ. მცენარე დაეხმარება მათ, ვინც მუდმივად რაღაც ახლის დაწყებას ხვალისთვის დებს.
ფინანსური პრობლემების დროს ნარინჯისფერი ორქიდეა შეიძინეთ. ითვლება, რომ ასეთი ყვავილი პროდუქტიულობას აახლებს და პროფესიული ახალი მიღწევებისთვის ძალებს მოგანიჭებთ.
საინტერესოა ისიც, რომ ორქიდეა შეიძლება ერთგვარი დამცავი იყოს. მაგალითად, ადამიანი სახლში ცუდი განწყობით გესტუმრათ, ეს ლამაზი ყვავილი თავის რესურსებს გაააქტიურებს, რომ სტუმარმა თავი ცუდად იგრძნოს და მალე წავიდეს. მცენარე არასასურველ პიროვნებას თავიდან მოგაშორებთ.
ამასთან არ დაგავიწყდეთ, რომ სახლში მცენარის სარგებელს მიიღებთ, თუ ორქიდეაზე სათანადოდ იზრუნებთ. სწორედ ამიტომ, ამ მშვენიერი ყვავილის მიმართ კეთილი იყავით და ის თქვენი თილისმა გახდება.
