თუ ასტროლოგია გიყვარს და გჯერა, რომ ადამიანებს ვარსკვლავები აკავშირებენ, სიყვარულში თავსებადობის ჰოროსკოპი ზოდიაქოს ნიშნების მიხედვით თქვენთვის ძალიან სასარგებლო იქნება.
სულ 12 ზოდიაქოს ნიშანი არსებობს. მათი წარმომადგენლები ერთმანეთისგან განსხვავდებიან ხასიათით, ქცევით, მსოფლმხედველობით და ენერგეტიკითაც.
შესაბამისად, ერთმანეთსაც სხვადასხვანაირად ეწყობიან. ზოგი სრულ ჰარმონიაში ცხოვრობს, სხვებს კი ჩხუბის გარეშე 5 წუთის ერთად გატარებაც არ შეუძლიათ.
თავსებადობის ჰოროსკოპი სიყვარულში
1. მერწყული და ტყუპები
მათ კავშირში მოწყენილობას ადგილი არ აქვს, რადგან რაღაც გასაკეთებელი ყოველთვის აქვთ. მათ შორის ძლიერი ფსიქოლოგიური კავშირი არსებობს, რაც ერთმანეთის აზრების წაკითხვის საშუალებას აძლევთ.
ამ ნიშნებს ინდივიდუალიზმისკენ სწრაფვა მკვეთრად გამოხატული აქვთ, ამიტომ ურთიერთობაში ერთმანეთის პირად სივრცეს პატივსცემენ.
2. მშვილდოსანი და ვერძი
როგორც კი ცეცხლის სტიქიის ორი წარმომადგენელი ერთმანეთს ხვდება, მათ შორის ძლიერი ვნება ჩაღდება. ლოგინში თავს ყოველთვის კარგად გრძნობენ. საბედნიეროდ, მათი თანაცხოვრება მხოლოდ ღამის ცხოვრებით არ შემოიფარგლება. მშვილდოსანი და ვერძი გართობაზე, აქტიურ დასვენებასა და მოგზაურობაზე გიჟდებიან.
3. სასწორი და ტყუპები
მათ შორის ძლიერი ინტელექტუალური კავშირი არსებობს. ყოველთვის პოულობენ საინტერესო თემას განსახილველად. ერთმანეთს ასწავლიან და განვითარებაში ეხმარებიან.
სასწორისა და ტყუპების სიამოვნების წყარო ფსიქიკურ ურთიერთობაში მდგომარეობს. სწორედ დიალოგი ეხმარებათ სულისა და სხეულისთვის საერთო საქმე იპოვონ.
4. ლომი და მშვილდოსანი
მათ ერთ–ერთი ძლიერი სულიერი კავშირი აქვთ. ერთმანეთს ნეგატივისგან წმენდენ და სიყვარულით ავსებენ, რაც მათ აღამაღლებთ. როცა ეს ნიშნები წყვილს ქმნიან, ბრძენები და ქველმოქმედები ხდებიან, მზად არიან მთელ სამყაროს დაეხმარონ. მეგობრები მათ ოჯახის თერაპევტებს უწოდებენ.
5. კურო და კირჩხიბი
ეს ორი ნიშანი ურთიერთობაში საიმედოობას და სტაბილურობას აფასებს. კურო და კირჩხიბი ერთმანეთის ერთგულები არიან. პარტნიორის დასახმარებლად ყოველთვის მზად არიან, თუნდაც საკუთარი თავის საზიანოდ. რაც უფრო დიდხანს არიან ერთად, მათი კავშირი მით უფრო ძლიერია.
6. თევზები და კურო
მტკიცე კურო მეოცნებე თევზთან წყვილში საიმედო მხარდაჭერა ხდება, ხოლო თევზები კუროსთვის – შთაგონების წყარო. ისინი ოდნავ განსხვავებულები არიან, მაგრამ ასტროლოგები მათ მონათესავე ვარსკვლავურ სულებად თვლიან.
7. ქალწული და თხის რქა
მიწის სტიქია ამ ნიშნებს ძლიერ კავშირს უქადის. მიზანდასახული ქალწული გამრავლებული შრომისმოყვარე თხის რქაზე ამ ზოდიაქალურ წყვილს ფინანსურ სტაბილურობას მოუტანს. ქალწულის პატივისცემა და თხის რქის გულუხვი კომპლიმენტები მათ ჰარმონიულ ურთიერთობას ჰპირდება.
8. თევზები და მორიელი
მათ ერთმანეთის ფიქრები და გრძნობები უსიტყვოდ ესმით. მათ შორის საიდუმლო არ არსებობს. პირველ რიგში, იმიტომ, რომ ერთმანეთს ვერაფერს უმალავენ. მეორეც, ეს ნიშნები ურთიერთობაში ნდობას დიდად აფასებენ.
9. თხის რქა და კურო
მათ საკუთარი ფანტაზიების ღრუბლებში ფრენა უყვართ. ერთობლივი დაგეგმვა და ოცნება მათ კავშირს აძლიერებს. ჩაფიქრებულის განხორციელება კი ახალ ემოციებს ანიჭებთ, რომლებიც მათ ურთიერთობას სიახლეს მატებს.
10. მორიელი და კირჩხიბი
ორივეს ემოციების და გრძნობების ფართო სპექტრის გადატანა შეუძლია და სიყვარულის სუბიექტს დიდი სინაზით ეპყრობიან. ძალიან ყურადღებიანი და კეთილები არიან პარტნიორების მიმართ, რაც უსაზღვრო ზრუნვით ვლინდება. მორიელი და კირჩხიბი არ შეუძლიათ ისე იჩხუბონ, რომ საქმე დაშორებამდე მივიდნენ.
11. ქალწული და კურო
ქალწული და კურო პარტნიორის პირად სივრცეს არასდროს არღვევენ, მაგრამ ყოველთვის მთლიანობას გრძნობენ. მათ ერთად დასვენება და მოდუნება, ერთმანეთის ინტერესების პატივისცემა შეუძლიათ.
12. კირჩხიბი და თევზები
მათ ურთიერთობას წყლის სტიქია ხელმძღვანელობს. მათ ერთი საცხოვრებელი სივრცე, ერთნაირი ღირებულებები, მიზნები და გემოვნება აქვთ. კირჩხიბი და თევზები ამაყობენ იმით, რომ ერთმანეთის უსიტყვოდ ესმით და ერთი მიმართულებით იყურებიან.
13. ვერძი და მერწყული
მათი ურთიერთობა საიმედო და უზრუნველი მეგობრობით იწყება. ნაზი გრძნობები მათში თანდათანობით ღვივდება, მაგრამ სამუდამოდ მათთან რჩება. ცოლქმრულ ურთიერთობაშიც თავგადასავლებს, რისკს ეძებენ, რაც მათ საშუალებას არ აძლევთ, რომ რუტინაში გადაეშვან.
14. ლომი და ვერძი
ორივე ნიშანი ძალიან კაშკაშა და შემოქმედებითია. როცა ერთად არიან, აგიზგიზებულ კოცონს ჰგვანან, რომლებიც ერთმანეთს და ირგვლივ ყველას თავისი სითბოთი ათბობენ. სამყაროს ერთად შეცნობის სურვილი მათ ცხოვრებას ფერებს მატებს და ურთიერთობას აძლიერებს.
15. მშვილდოსანი და მერწყული
მათ ერთნაირი ღირებულებები და იდეალები აქვთ, მაგრამ მერწყული ნოვატორია, ხოლო მშვილდოსანი ფანტაზიორი და იდეალისტი. ოცნებების ასახდენად, მათ უბრალოდ ერთად ყოფნა სჭირდებათ.
სიყვარულში თავსებადობის ჰოროსკოპი ზოდიაქოს ნიშნების მიხედვით დაეხმარება ახალგაზრდებს, რომლებიც საკუთარ წყვილს ეძებენ. მათ საკუთარი არჩევანის სისწორეში დარწმუნების საშუალებას მისცემთ.
