მალე სკოლა დაიწყება. სკოლის მოსწავლეების მშობლებს მასობრივი ისტერიკა დაეწყოთ: ისინი შფოთავენ და ნერვიულობენ. იხსენებენ, რა იყიდეს და რა – არა, ანაწილებენ საოჯახო ბიუჯეტს, საბავშვო აქტივობების წრეების გათვალისწინებით, იმ იმედით, რომ მორიგი მშობელთა კრება უფრო იაფი დაჯდება, ვიდრე წინა წელს, ლოცულობს, რომ ბავშვებს სწავლისას მოთმინება, სიბეჯითე და სურვილი ჰქონდეთ.
ჩვენ გთავაზობთ განსაკუთრებულ ლოცვას, რომელიც უშუალოდ სასწავლო წლის დაწყებამდე უნდა წაიკითხოთ. ნებისმიერ ადგილას, ნებისმიერ დროს, სთხოვეთ უფალს თქვენი ბავშვის გონების გახსნა.
“ყოვლად სახიერო უფალო, გარდამოგვივლინენ ჩუენ მადლი სულისა წმიდისა შენისა, მომნიჭებელი გულის-ხმის-ყოფისა და განმაძლიერებელი, ძალთა სულთა ჩუენთასა, რათა ჩუენ, ყურადმღებელნი გარდამოცემულისა ჩუენდა სწავლისა, აღვიზარდნეთ შენ შემოქმედისა ჩუენისა სადიდებლად, მშობელთა ჩუენთა სანუგეშოდ, ეკლესიისა და მამულის სასარგებლოდ.”
სწავლამდე ლოცვა ამშვიდებს, მატებს ძალებს, სულიერ სიმხნევესა და რწმენას მომავალი წლისთვის. თუ ისე მოხდა, რომ ვერც თქვენ და ვერც თქვენი შვილი ვერ წავა ეკლესიაში, სთხოვეთ ბავშვს, ეს წმინდა სიტყვები სახლში წაიკითხოს.
სასურველია, რომ მოსწავლის სამუშაო ადგილთან ახლოს ღვთის წმინდა შუამავლის გამოსახულება იყოს, რომელიც დაეხმარება სწავლაში. ეს შეიძლება იყოს, ღვთისმშობლის, წმინდა კირილესა და მეთოდიას, წმინდა იოანეს ხატები. რთულ სიტუაციებში, ლოცვა სულს დაამშვიდებს და ძალებს შეგმატებთ.
ლოცვა საჭიროა არამხოლოდ სწავლის დაწყებამდე, არამედ მის შემდეგაც. აი, რომელი სიტყვები უნდა წარმოთქვათ სწავლის დასრულების შემდეგ.
“გმადლობ, შენ, შემოქმედო, რამეთუ ღირს მყავ ჩუენ მადლსა შენსა ყურადღებისათვის სწავლისა. აკურთხენ ჩუენნი მთავარნი, მშობელნი და მასწავლებელნი, მიმყვანელნი ჩუენდა ცნობად კეთილისა, და მოგვეც ჩუენ ძალი და სიმხნე, რათა ახლად შევუდგეთ სწავლასა ამას, ამინ.”
რა თქმა უნდა, ეს ლოცვები ბავშვს კარგად სწავლას ვერ აიძულებს და მას მაღალ ქულებს ვერ დაუწერს, თუმცა, წმინდა სიტყვები სულიერ სიმშვიდეს აჩუქებს და სწორად განაწყობს სასწავლო წლის დაწყებისთვის.
