ჩვენ ყველამ ვიცით, რომ დედამიწაზე არსებულ ყველა ცოცხალ ორგანიზმზე მთვარეს უდიდესი გავლენა აქვს, რომელიც დღემდე არაა ბოლომდე შესწავლილი. მთვარის კალენდარი მებაღეებს უკარნახებს მცენარეების დარგვის, შესუქებისა და გადარგვისთვის ყველაზე შესაფერის დროებს.

მთვარის თვის ხანგრძლივობა, დაახლოებით, 29.5 დღეს შეადგენს. ამ დროში, მთვარე, დედამიწის გარშემო სრული წრის დარტყმისას, ოთხ ფაზას გადის (პირველი მეოთხედი, სავსემთვარეობა, მესამე მეოთხედი და ახალმთვარეობა).

მზარდი მთვარის (პირველი მეოთხედი) პერიოდში მცენარეები გაძლიერებულად იზრდება, წვენი ყვავილის ზედა ნაწილებში – ღეროებსა და ფოთლებში ადის. კლებადი მთვარის პერიოდში, ფესვები სითხით ივსება და მათი შეწუხება არ ღირს.

მთვარის კალენდარი მიწათმოქმედისთვის

მაისი

მაისი საკმაოდ ცხელი პერიოდია ბაღისთვის. გაზაფხულის შუა პერიოდში, მცენარეში ჩქარდება მეტაბოლიზმი, იწყება მწვანილის ინტენსიური ზრდა.

სწორედ მაისშია რეკომენდებული ოთახის მცენარეების გადარგვა. შეგუების პერიოდის შესამოკლებლად და უხვი ყვავილობის მისაღებად, მიენდეთ მთვარის კალენდარს.

ოთახის მცენარეების გადასარგავად მაისში საუკეთესო დღეები იქნება 2, 3, 16, 17, 9-30 რიცხვები. ნეიტრალური დღეები – 1,12, 23, 25. ვარდების დარგვისა და გადარგვისთვის – 6 მაისი.

მცენარე უნდა შეასუქოთ 6, 15-16 მაისს. ყვავილების თესლები უნდა დათესოთ 4-5, 23 და 24 მაისს. აკრძალულია ამის გაკეთება 7 და 22 მაისს.

ივნისი

ზაფხულის პირველ თვეში საკმარისი ხელსაყრელი დღეა ყვავილების ხარისხიანი მოვლისთვის. 2-4 ივნისს მზარდი მთვარე ააჩქარებს ყველა მცენარის ზრდას. ამ პერიოდში თამამად ჩაალბეთ და დათესეთ თესლი, დარგეთ და გადარგეთ მცენარეები.

ოთახის ყვავილებისთვის ყველაზე ხელსაყრელი დღეებია 7-8, 12-13, 17, 22, 26-28 და 30 ივნისი.

ივლისი

ივლისში მცენარეები ყველაზე მეტ მზის სხივს იღებენ. ამიტომ, არ გაუშვათ ხელიდან შანსი, გაიტანოთ მცენარეები გარეთ და შეაჩვიოთ ბუნებრივ პირობებში განვითარებას.

აგრეთვე, ყურადღება მიაქციეთ მორწყვასაც. ოთახის მცენარეების გადარგვა ყველაზე წარმატებული იქნება 4, 23-24 და 31 ივლისს. ყვავილის თესლის დასათესავად 11-12 ივლისი. სასუქის გამოყენებას გირჩევთ 1,4, 5, 27, 28 და 31 ივლისს.

აგვისტო

აგვისტოში მრავალი მცენარე იწყებს შენელებას. ტროპიკული მცენარეები უნდა დაიცვათ ორპირი ქარისა და ტემპერატურის მკვეთრი ცვლილებებისგან, რომლებიც ამ თვეში ხშირია.

ოთახის მცენარეების გადარგვა კარგ შედეგს მოიტანს 1, 20, 27-29 აგვისტოს. ყვავილის თესლი უნდა დაითესოს 21 ან 22 აგვისტოს. სასუქი ყველაზე მეტ სარგებელს მოიტანს 1, 23 და 24 აგვისტოს.

სექტემბერი

სექტემბერი წლის ბოლო თბილ დღეებს გვჩუქნის. მცენარეები უნდა მოამზადოთ ზამთრის სიმშვიდისთვის. გადასარგავად ოპტიმალური დღეებია 2,3, 24-25 სექტემბერი. გასხლვისთვის კარგია 3-5, 13-14 სექტემბერი.

ოქტომბერი

ოქტომბერში მცენარეების უმეტესობა (ტენისმოყვარულების გარდა) არ საჭიროებს უხვ მორწყვას. 17-18 ოქტომბერს მთვარე მორიელში ზრდას იწყებს. ამ დღეებში, საჭიროებისამებრ, ქოთნებში ნიადაგი უნდა გამოიცვალოს.

20-23 ოქტომბერს მთვარე ზრდას აგრძელებს და ყვავილების მოვლისთვის ხელსაყრელი პირობებიც ნარჩუნდება. გამორიცხეთ გასხლვა, რამდენადაც შემოდგომა-ზამთრის პერიოდში მცენარე ნელა აღდგება.

ნოემბერი

ნოემბერში ცენტრალური გათბობის ჩართვა გამოიწვევს ოთახში ჰაერის ტენიანობის შემცირებას. ამიტომ, მცენარეებისთვის აუცილებელი იქნება ოთახის მცენარეების მუდმივად დასველება.

ოთახის მცენარეები უნდა გადარგოთ 14, 17-18, 27 ან 28 ნოემბერში. შეასუქეთ ისინი 17-18, 27-28 ნოემბერს.

დეკემბერი

ჩვეულებრივ, დეკემბერში მებაღეები ერიდებიან მცენარის გადარგვას, რომ არაფერი ავნონ. სასუქის დასამატებლად საუკეთესო დროა 15-16, 19-21, 24-26 დეკემბერი.

რეგულარულად გადაამოწმეთ მთვარის კალენდარი, ასე გაგიმარტივდებათ მცენარის ჯანმრთელობის დაცვა.