სამეფო ტკბილეულის მისაღებად ქლიავის მურაბა საღამო ხანს უნდა მოამზადოთ. გასინჯვის შემდეგ მიხვდებით რომ დრო ტყუილად არ დაგიხარჯავთ.

კონსერვის მომზადების პირველივე მცდელობის მიუხედავად ცდებს თავი დაანებეთ, პირდაპირ ბლომად მოამზადეთ. მურაბა ნაზი და არომატული გამოვა. რბილი მარმელადის გემოს გაგახსენებთ. ასეთი მურაბის მეფისთვის მირთმევაც კი არ შეგრცხვებათ!

ქლიავის მურაბა

თუ არასტანდარტული გადაწყვეტილება მოგწონთ, ეს რეცეპტი თქვენთვისაა! დარიჩინის არომატი, ქლიავი და ხრაშუნა კაკალი.. გემრიელად ჟღერს, არა? ქლიავის მურაბა ნებისმიერ დესერტს დაამშვენებს, საცხობად გამოდგება და ცივ დღეებში გაგათბობთ.

მურაბისთვის მუქი ჯიშის მყარი ქლიავი გამოდგება. გადამწიფებული კენკრა ფაფად იქცევა და ასე ჯემს მიიღებთ. კაკალი ყველაზე ახალი აიღეთ. დარწმუნდით, რომ მათ შორის გაფუჭებული და მწარე კაკალი არაა.

ინგრედიენტები:

• 1 კგ ქლიავი
• 4 ჭიქა შაქარი
• 1 ჭიქა ნიგოზი
• 2 ჩხირი დარიჩინი
• 2 ს/კ კონიაკი

მომზადება:

1. გარეცხილი ქლიავი შუაზე გაჭერით და კურკები მოაშორეთ. კენკრას შაქრის ნახევარი დააყარეთ და 3 საათით გააჩერეთ.

2. როცა კენკრა წვენს გამოიღებს, დარჩენილი შაქარი, დარიჩინის ჩხირები დაუმატეთ და ქვაბი ცეცხლზე დადგით სიროფი ადუღებამდე მიიყვანეთ და გამორთეთ.

3. მომავალი მურაბა 8 ან უფრო მეტი ხნით გააჩერეთ. ქლიავი შაქრის სიროფით და დარიჩინით გაიჟღინთება და ფორმას კარგად შეინარჩუნებს.

4. დილით მურაბა დაბალ ცეცხლზე დადგით. სანამ ადუღდება, ნიგოზი მოამზადეთ.

5. ნიგოზი მშრალ ტაფაზე ოდნავ მოხალეთ, მშრალ პირსახოცში შეახვიეთ და გაახუხენთ. ასე ზედმეტ კანს მოაშორებთ და ნიგოზი უფრო გემრიელი იქნება.

6. ადუღებულ მურაბას ნიგოზი და კონიაკი დაუმატეთ. 20 წუთით ხარშეთ. ქაფის მოხდა არ დაგავიწყდეთ.

7. დარიჩინის ჩხირები ამოიღეთ, ცხელი მურაბა სტერილურ მინის ქილებში გადაანაწილეთ და იმწამსვე მოხუფეთ. ქილები გადმოაბრუნეთ და 24 საათით თბილად შეფუთეთ.

ქლიავის მურაბა მშვენიერია იმით, რომ შეგიძლიათ სხვადასხვა ინგრედიენტებით მოამზადოთ. ასე ოჯახის წევრებს და სტუმრებს გემრიელი ნოტებით და არომატებით გაახარებთ.

თუ რეცეპტი მოგეწონათ, მეგობრებს სოციალურ ქსელში აუცილებლად გაუზიარეთ.