ბებიამ მამის მხრიდან კულინარიული წიგნის ნაცვლად სილამაზის რეცეპტების კოლექცია დამიტოვა. წლების განმავლობაში მემკვიდრეობა ზედა თაროზე იმტვერებოდა. დარწმუნებული ვიყავი: საშუალებას უფრო სწრაფად ვიყიდიდი, ვიდრე ყოველ ჯერზე მოვამზადებდი. ასე გაგრძელდა კოსმეტოლოგთან ვიზიტამდე, რომელმაც ამიხსნა, რომ კრემი კარგია, ხოლო ნატურალური ნიღბის შემდეგ კიდევ უფრო უკეთესი. ბებიას ჩანაწერები გამომადგა. სწორედ მისგან ვისწავლე, თუ როგორ მოვამზადო სახის ნიღაბი ბანანით.
ჯერ კიდევ 30 წლის წინ ეს ხილი დიდ დეფიციტში იყო. მისი, როგორც ნებისმიერი ეგზოტიკის შოვნა, ძალიან რთული იყო. ქერქსაც კი არ აგდებდნენ! სწორედ ამიტომ ბანანის ნიღაბი ელიტურ ფუფუნებად ითვლებოდა. კარგია, რომ ახლა მისი მომზადება სირთულეს არ წარმოადგენს.
სახის ნიღაბი ბანანით
მოდით გავარკვიოთ, რით გამოირჩევა სითბოს მოყვარული ნაყოფი კოსმეტოლოგიაში. უკვე მზა ნიღბები ბანანს ხშირად შეიცავს. ყველაფერი მისი წარმატებული შემადგენლობის და სასიამოვნო სუნის წყალობით. ბანანში თქვენ ბევრ სასარგებლო ელემენტს იპოვით.
- ძლიერი ანტიოქსიდანტი – C ვიტამინი. თავისუფალი რადიკალების გაქრობასა და კანის დაბერების შეფერხებაზე სწორედ ისაა პასუხისმგებელი.
- B ვიტამინი, შემახორცებელი. მიკრობზარებს აქრობს.
- A ვიტამინი. ქსოვილების აღდგენას ზრდის, ანთების შემცირებას ხელს უწყობს. ეფექტურია გამონაყართან საბრძოლველად.
- ტრიპტოფანი, მეთიონინი, ლიზინი – ამინომჟავები, რომლებიც კანის ცხიმის წარმოებას არეგულირებენ, რაც მომავალში აკნეს გაჩენას ხელს უშლის.
- ქოლინი. დამამშვიდებელი ეფექტი აქვს.
- E ვიტამინი. ამ ნივთიერებამ ბანანი ცნობილი გახადა, როგორც ბოტოქსის ეფექტის მქონე საშუალება. სწორედ ეს ვიტამინი კოლაგენის და ელასტინის წარმოებას ხელს უწყობს.
როგორ მოვამზადოთ სახის ნიღაბი ბანანით
ბანანი მოსახერხებელია იმით, რომ მისგან ფაფის მომზადება ადვილია. მხოლოდ ის საკმარისი არ იქნება. თქვენ დაგჭირდებათ შემდეგი ინგრედიენტები:
- 1 ს/კ დაჭყლეტილი ბანანი
- 1 ჩ/კ თაფლი
- 1 ჩ/კ არაჟანი
- 1 ჩ/კ სახამებელი
ჩვეულებრივ, ბრინჯის სახამებელს ვიყენებ. მისგან ხომ ჰიპოალერგიულ პუდრას ამზადებენ. აი, არაჟანს ყოველთვის არ ვიყენებ. ორიგინალურ რეცეპტში მითითებულია ნაღები, მაგრამ ზაფხულში, როცა კანი სწრაფად ცხიმიანდება, იოგურტს ვიყენებ. ის პრობლემური კანის მფლობელებს გამოადგება.
მაქსიმალურად ერთგვაროვანი მასის მიღებამდე ყველა ინგრედიენტი აურიეთ. სუფთა სახეზე 15 წუთით წაისვით და ცივი წყლით ჩამოიბანეთ. პროცედურა კვირაში 1-2-ჯერ გაიმეორეთ.
სეზონური ნიღბებისგან განსხვავებით ეს ნიღაბი შეგიძლიათ მთელი წელი გაიკეთოთ. შემადგენლობაზე რამდენჯერმე ექსპერიმენტი ჩავატარე. მაგალითად, თაფლი ახალი ალოეს წვენით (სახლში ვზრდი) ჩავანაცვლე. ეფექტმა სასიამოვნოდ გამაოცა! კოსმეტოლოგმა მირჩია, რომ ნაყიდ კრემს დიდად არ ვენდო და ეტიკეტი ყურადღებით წავიკითხო – კოსმეტიკას პარაბენებით და სულფატებით აღარ ვენდობი.
