„აი, მოსავლის აღების დროც მოვიდა. წელს ხახვის კარგი მოსავალი მივიღეთ. ხახვი ჩვენ, მწვანილი – ჩემს საყვარელ ინდაურებს. ხვალ წვიმას გვპირდებიან. ყველაფრის შეგროვება და გაწმენდა უნდა მოვასწრო. შრომა, კიდევ შრომა!“ – ასე ამბობს დეიდა, რომელმაც დედაქალაქის გიჟური ცხოვრების რიტმი სოფელში მყუდრო სახლში გაცვალა. სხვათა შორის, არც ნანობს! თუმცა დღეს არა დეიდაზე, არამედ ხახვის მოსავლის აღებაზე გიამბობთ. პაპარაცის რედაქცია გიამბობთ, როდის შეაგროვოთ ხახვი და როგორ შეინახოთ სწორად, რომ გაზაფხულამდე გეყოთ.
ხახვის მოსავალი – ხახვი რაც შეიძლება დიდხანს რომ შეინახოთ, დროულად უნდა შეაგროვოთ, კერძოდ აგვისტოს პირველ წვიმამდე. სჯობს – ივლისის ბოლოს. დაგვიანების შემთხვევაში არა მხოლოდ ხახვს დაასველებთ, არამედ კარგი მებოსტნის რეპუტაციასაც შელახავთ. ხახვის დიდხანს შესანახად უკვე არაფერი გიშველით.ორიენტაცია ხახვის დამწიფების დროზე გააკეთეთ – ღია ნაკვეთზე დარგვიდან დაახლოებით 80 დღე. რა თქმა უნდა, კონკრეტული თარიღები არ არსებობს. უნდა იცოდეთ, დარგვის დღე და როგორ გამოიყურება ასაღებად მზა ხახვი. ამინდის პირობებსაც საკუთარი ცვლილებები შეაქვს. ხახვი მშრალ, ცხელ ამინდში უფრო სწრაფად მწიფდება, ვიდრე სიგრილეში.როგორ განვსაზღვროთ ხახვის სიმწიფის ხარისხი? პირველ რიგში, ზედა ფურცლებს ოქროსფერი შეფერილობა უნდა ჰქონდეს, ხახვის თავი უფრო მსხვილი უნდა იყოს და მიწიდან ამოსული. მეორეც, ცრუ ღეროს მდგომარეობით. ხახვის ზრდა წყდება, როცა მწვანილი ელასტიურობას კარგავს და რბილდება. ამის შემდეგ „ზედა თავის“ სრულად გახმობას დაელოდეთ და კვლებიდან ხახვის შეგროვება დაიწყეთ.
როდის და როგორ შევაგროვოთ ხახვი – ხახვის მოსავალი მზიან ამინდში აიღეთ. ასე მოსავალი შეგროვებისას არ დასველდება და მის გაშრობას პირდაპირ ნაკვეთზე შეძლებთ.მოსავლის აღებისას ბოლქვები ხელით არ ამოთხაროთ, რომ არ დააზიანოთ. დეიდაჩემი გვირჩევს, ხახვი ფიწალით ამოვთხაროთ. მიკრული მიწა ხელით მოაშორეთ. მოსავალი კვლებზე გაშალეთ, ღამით ნაცრისგან დასაცავად ფირი დააფარეთ.მთვარის კალენდრის მიხედვით ხახვის მოსავლის ასაღებად ივლისში ხელსაყრელი დღეებია 12, 15, 20-21 და 26 ივლისი. 23 და 28 ივლისს ხახვის აღება არ ღირს. აგვისტოში 1–7, 10, 26, 29, 31 რიცხვები სამუშაოდ კარგი თარიღებია. ხახვის გვიანდელი ჯიშები სექტემბერში შეგიძლიათ აიღოთ, ამისთვის 1-4, 7-8 და 26 სექტემბერი წარმატებული დღეებია.გამოშრობის შემდეგ ხახვის ბოლქვებს ფოთლები მოაჭერით და მხოლოდ 5 სმ ყელი დაუტოვეთ. ხმელი ღერო შეგიძლიათ შესაკვრელად და მთავარ საყრდენად გამოიყენოთ. დარჩენილი ფესურა გადაჭერით ისე, რომ ბოლქვის ფსკერს არ შეეხოთ.
„კარგად გამშრალი და დამუშავებული ხახვი დაბალი სიმაღლის დაწნულ ყუთში შეინახეთ. სჯობს ხახვი რამდენიმე ყუთში გადაანაწილოთ, ვიდრე ერთ დიდ ყუთში შეინახოთ. გთხოვთ, ხახვი კარტოფილთან, ჭარხალთან და სხვა ბოსტნეულთან ერთად არ შეინახოთ. ასე ხახვი მაღალი ტენიანობის გამო დალპება.ჰაერის მაღალი ტენიანობის პირობებში ბოლქვის ზედა ფენა და ყელი ტენიანდება. შემდეგ ბოლქვი ლპება.ყუთები ჭადრაკის დაფასავით დააწყვეთ, რომ უკეთ განიავდეს ან სარდაფში თაროებზე. ხახვი 0-1 გრადუს სითბოში კარგად ინახება. ამ მარტივ წესებს უკვე არაერთი წელია ვიყენებ. ხახვი კარგად და დიდხანს ინახება. საკუთარი მოსავლის ქონა მაგარია!“ – გვირჩევს დეიდა. მისი რჩევები გონივრულია და გირჩევთ გაითვალისწინოთ.ბინაში ხახვის შესანახად ქალის კოლგოტები ყველაზე ეფექტური და მარტივი მეთოდია. თავის დროზე სატირიკოსებმა ბებიების ამ ჩვევაზე კარგად იცინეს, მაგრამ ეს მაინც მუშაობს და ხახვს ლპობისგან იცავს. თუმცა უნდა ითქვას, რომ დაწნულ კალათებში შენახული ხახვი უფრო ლამაზად გამოიყურება.
მაცივარში შენახული ხახვი რამდენიმე თვე ახალივით იქნება. პარკში არავითარ შემთხვევაში არ გაახვიოთ. ხახვს ეს მასალა არ უყვარს, მაღალი ტენიანობა და ჰაერის უქონლობა სწრაფად ალპობს.ვიმედოვნებ, რომ წელს ისეთივე კარგ ხახვის მოსავალს ავიღებ, როგორც გასულ წელს. სხვათა შორის, ხახვის თავების გარდა მწვანე ხახვის შენახვაზეც ვზრუნავ. ამ შემთხვევისთვის 2 ვარიანტს ვიყენებ: გაყინვა ან გახმობა. მე–2 ვარიანტი უფრო მომწონს, თან ნაკლებ ადგილს იკავებს.
თქვენ როგორ ინახავთ ხახვს და რას აკეთებთ მწვანე ხახვით? გაგვიზიარეთ გამოცდილება.
