დადგა დრო, როცა ყველას ოლივიე, ქაშაყი ბეწვის ქვეშ და ლაბა მობეზრდა. რა თქმა უნდა, გახანგრძლივებულმა სადღესასწაულო სუფრებმა თავი იჩინა. ბევრი უჩივის სხეულის ფორმებს და საერთო განწყობას. ცოტამ თუ იცის, რომ ამ საქმეში ბიუჯეტური პროდუქტი დაეხმარებათ. ეს უბრალო ნიგოზია!ყველამ ვიცით, რომ ეს ნაყოფი ორგანიზმისთვის ძალიან სასარგებლოა, მაგრამ იცით კაკლის სასარგებლო თვისებების შესახებ? Paparazzi გიამბობთ, რატომ უნდა ჩართოთ მკვებავი ბომბი თქვენს რაციონში.

ნიგოზი და მისი სასარგებლო თვისებები

კუჭ–ნაწლავის ტრაქტისთვის სარგებელი – კაკალი მკვებავი ელემენტების საწყობია. სწორედ ამიტომ, კუჭ–ნაწლავის ტრაქტის ორგანოებზე დადებითად მოქმედებს. უჯრედისის წყალობით ნივთიერებათა ცვლას აუმჯობესებს. ნიგვზის რეგულარული მიღება დარღვევის შემთხვევაში საჭმლის მომნელებელ ფუნქციებს არეგულირებს. პროდუქტი ნივთიერებათა ცვლას აუმჯობესებს.

დამხმარე საშუალება დაავადებების პრევენციაში – დამტკიცებულია, რომ ნიგვზის ზეთი ავთვისებიანი უჯრედების ზრდას აფერხებს. პროდუქტი აუცილებლად უნდა შედიოდეს იმ ადამიანების რაციონში, ვისაც ონკოლოგიური დაავადების დიაგნოზი დაუსვეს.

სასარგებლო თვისებები – აღსანიშნავია, რომ ნიგოზი E ვიტამინს და ომეგა 3 ცხიმოვან მჟავას შეიცავს. ისინი სისხლში ქოლესტერინის დონის შემცირებას ხელს უწყობენ. ნაყოფი ბევრ კალციუმს შეიცავს, რომელიც კბილებს და ძვლებს აძლიერებს. ნიგოზში შემავალი მიკროელემენტები თმის და ფრჩხილების ზრდას აჩქარებს. მკვებავი პროდუქტი ორგანიზმს მაგნიუმითაც ამარაგებს. მაგნიუმი ორგანიზმიდან ზედმეტ სითხეს გამოდევნის. ეს ძალიან მნიშვნელოვანია ადამიანებისთვის, რომელთაც კიდურების შეშუპება ხშირად აწუხებთ.

ჯანმრთელობისთვის საზიანო – ნიგოზს ბევრი სასარგებლო თვისება აქვს, მაგრამ უკუჩვენებებიც გააჩნია. პროდუქტი საკმაოდ კალორიულია. სიმსუქნისკენ მიდრეკილი ადამიანებისთვის მისი მიღება რეკომენდებული არაა. რაციონიდან გამორიცხეთ, თუ სისხლის შედედება გაზრდილი გაქვთ. ნიგოზში შედის ელემენტები, რომელიც დასუსტებულ ორგანიზმში ცილა ფიბრინს წარმოქმნის, ეს კი თრომბოზს იწვევს.

ასეთი მკვებავი პროდუქტი რაციონში ფრთხილად უნდა ჩართოთ. გახსოვდეთ: ნიგოზი ძალიან სასარგებლოა, მაგრამ ზომიერება საჭიროა და აუცილებლად მცირე რაოდენობით მიირთვით.