როდესაც საქმე ეხება განსხვავებას უფროს და ახალგაზრდა თაობას შორის, პირველი ყოველთვის იჩენს თავს კულტურისა და აღზრდის თემა. ხშირად გაიგებთ მოსაზრებას, რომ ახალგაზრდები სათანადოდ არ იქცევიან და საკმარის პატივს არ სცემენ ხანდაზმულებს. რამდენად მართალია ეს? მართალია, რომ თანამედროვე თაობის აღზრდა საგრძნობლად ჩამორჩება უფროსებისას? პაპარაცის დღევანდელ სტატიაში განვიხილოთ ერთი მაგალითი რესტორნიდან.
თანამედროვე თაობის აღზრდა
სამუშაო რესტორანში – მიმტანი ვიქტორია იმ საღამოს მარინასთან ერთად მუშაობდა. ისინი ემსახურებოდნენ დარბაზს, სადაც უმეტესად ისხდნენ მსხვილი კომპანიები და ოჯახები. თავად რესტორანი არ იყო დიდი.სამაგიეროდ დიდი პოპულარობით სარგებლობდა ადგილობრივებს შორის. ამიტომ თუ ვინმეს დაბადების დღის ან სხვა მნიშვნელოვანი თარიღის აღნიშვნა სურდა, ამ რესტორანს მიმართავდა ხოლმე.მიუხედავად იმისა, რომ პარასკევის საღამო იყო, დარბაზი არ იყო სავსე. მოპირდაპირე მაგიდებთან ორი ჯგუფი იჯდა. მარცხნივ იყვნენ ახალგაზრდები, სავარაუდოდ, სტუდენტები. მოპირდაპირე მხარეს კი უფროსი თაობის ხალხი.ვიქტორია ამ ორ მაგიდას ემსახურებოდა. შეამჩნია, რომ მეტ საჭმელს უკვეთავდნენ ხანდაზმულები, ხოლო სტუდენტები ცოტას მიირთმევდნენ, თუმცა, განწყობა იდეალური ჰქონდათ.
აღზრდა და კულტურა – ორივე მაგიდა დახურვამდე გათავისუფლდა. მთელი საღამო სტუდენტები და ხანდაზმულები ერთმანეთს არ შეხმიანებიან, მაგრამ ამან არ შეუშალა ხელი ვიქტორიას დაენახა სხვაობა მათ შორის.როდესაც სტუმრებმა ფული გადაიხადეს და წავიდნენ, მიმტანებმა ნახეს, რომ სტუდენტების მაგიდა თითქმის სუფთა იყო. მხოლოდ ლამაზად ალაგებული თეფშები მიანიშნებდა იმას, რომ მიმტანს უნდა მიეხედა. მოპირდაპირე მაგიდაზე კი არ იყო სასიამოვნო სურათი: თეფშები, ხელსახოცები და ჭურჭელი უწესრიგოდ ეყარა, იქვე მოჩანდა საჭმლის ნარჩენები და წვენის ლაქები. ეს ხდებოდა იმ ადამიანების სუფრაზე, რომლებიც წესით უფრო კულტურულად მიიჩნევდნენ თავს.ვიქტორიასთვის აშკარა იყო, რომ ახალმა თაობამ უფრო მეტი კულტურა გამოამჟღავნა სუფრასთან, ვიდრე უფროსებმა. სხვანაირად როგორ უნდა ახსნა აბა ეს საქციელი? მარინა ნაწილობრივ დაეთანხმა ვიქტორიას. მას არ მოსწონდა, როცა კლიენტები მის საქმეს აკეთებდნენ, თუნდაც ნაწილობრივ. მარინას ერჩივნა მეტი ემუშავა და ჩაი მიეღო, ხოლო კლიენტი, რომელიც “ეხმარება” მიმტანს, ზედმეტ თანხას არ ტოვებს.
ცხოვრებისეული სიბრძნე: რას გვასწავლის ეს ამბავი? – რა ბანალურადაც არ უნდა ჟღერდეს, აღზრდის ხარისხს არ განსაზღვრავს ასაკი და არც კონკრეტული თაობა. აქ მთავარ როლს თამაშობს ოჯახური გარემო და მშობლები, რომლებიც ასწავლიან კულტურას თავიანთ შვილებს. პირადი მაგალითი ძალიან მნიშვნელოვანია და უდიდესი გავლენა აქვს. თუ ადამიანს არ აქვს სწორი აღზრდა და უკვე საკმაოდ ასაკოვანია, ეს არ ნიშნავს იმას, რომ უფრო კულტურული იქნება სხვაზე. ყველა ადამიანი, მიუხედავად ასაკისა, იმსახურებს პატივისცემას. თქვენ რას ფიქრობთ? გაგვიზიარეთ კომენტარებში.
