გაჭედილი უნიტაზი უსიამოვნო პრობლემაა, რომელსაც დროდადრო ყველა აწყდება. ცოტამ თუ იცის, როგორ მოიშოროს ბლოკირება უნიტაზში სწრაფად და მარტივად. ასეთი მეთოდები უკვე დიდი ხნის წინ მოიფიქრეს და წარმატებით იყენებენ.Paparazzi გიზიარებთ უჩვეულო ხრიკს, რომლის დახმარებით ბლოკირებას მარილით შეებრძოლებით. მეთოდი, როგორი სასაცილოც არ უნდა იყოს, მუშაობს, თან უკვე არა ერთი თაობის მიერ გამოცდილია.
როგორ მოვიშოროთ ბლოკირება უნიტაზში – „საყოფაცხოვრებო ქიმიაზე საშინელი აუტანლობა მაქვს. როცა ძველ ნაქირავებ ბინაში ვცხოვრობდი, არ ვიცოდი, რით მომეშორებინა უნიტაზის გაჭედვა. მაშინ მეზობელ ბებიას რჩევით მივმართე, ავუხსენი, რომ სუნი უნიტაზში საკმაოდ უსიამოვნოა“ – წერს ანასტასია.
„ძალიან გამიკვირდა, როცა ბებიამ ყოველდღე უნიტაზში ჭიქა მარილის ჩაყრა მირჩია. უნიტაზის დამარილება? სერიოზულად? საკმაოდ მტკიცედ საუბრობდა და ამ ძველი მეთოდის გამოცდის გარდა სხვა გზა არ მქონდა.უნიტაზში მთელი ჭიქა მსხვილი მარილი ჩავყარე და 2–3 ლ ცხელი წყალი (პირდაპირ ჩასადინარში) ჩავასხი. ნახევარი საათის შემდეგ კიდევ რამდენიმე ლიტრი წყალი დავასხი. შემდეგ რამდენჯერმე წყალი ჩავუშვი. კმაყოფილი დავრჩი, რადგან ბებიას მეთოდმა იმუშავა!
ჩემთვის ნამდვილი აღმოჩენაა, რომ მარილი ასეთი მრავალფეროვანი დამხმარეა. მარტივი პროდუქტი ტენიანობას უმკლავდება, უსიამოვნო სუნს აქრობს, ცხიმს აშორებს, სხვადასხვა მავნებლის გაჩენას ხელს უშლის. ხელმისაწვდომი საშუალებაა, რომელიც ყველაზე ჭუჭყიან ადგილებს ასუფთავებს.რა თქმა უნდა, ყოველდღე უნიტაზში ჭიქა მარილს მაინც არ ვყრი. ვფიქრობ, რომ სუფრის კოვზიც საკმარისია, რადგან პროფილაქტიკისთვის ეს საკმარისი აღმოჩნდა. თვეში ერთხელ დიდ წმენდას ვატარებ.
მარილი მეხმარება მაშინ, როცა ნიჟარის გაწმენდა მჭირდება. 1 სუფრის კოვზი საკმარისია. თუ ნიჟარა გაიჭედა, მარილს და ძმარს ვურევ, ნიჟარაში ვასხამ და 1 საათით ვაჩერებ. მუშაობს! მოხარული ვიქნები, თუ პატარა ხრიკები სხვებსაც გამოადგება“ – ამთავრებს ანასტასია.
რედაქციის რჩევა: ანასტასიას მადლობას ვუხდით ასეთი ორიგინალური მეთოდის (ასევე ხალხის დახმარების სურვილის) გამო. აღსანიშნავია, რომ ფაიფურის და ფაიანსის უნიტაზებზე ფრთხილად უნდა იმოქმედოთ, რადგან მდუღარე წყლით მასალა მარტივად შეიძლება დაზიანდეს. სწორედ ამიტომ, უნიტაზის გაწმენდის სხვა მეთოდებსაც გაეცანით. სასარგებლო ინფორმაციით შეიარაღდით, რომ ყოველთვის იცოდეთ, როგორ გაწმინდოთ გაჭედილი უნიტაზი, თუ ხელთ აუცილებელი საყოფაცხოვრებო ქიმია არ გაქვთ ან მისი გამოყენება არ გსურთ.
