“პომიდვრის დარგვა დელიკატური საქმეა!” – ამბობს ჩემი მეზობელი და იღიმება. ის ყოველწლიურად ავსებს ხოლმე საბარგულს პომიდვრებით და ქალაქში მიაქვს გასაყიდად. ამ პროცედურას სეზონზე მინიმუმ ოთხჯერ იმეორებს.მოსავლის დიდ ნაწილს მეზობლებს ურიგებს და უზიარებს თავის გამოცდილებას და რჩევებს ყველას. დღეს პაპარაცის ამ სტატიაში მოგიყვებით, როგორ უნდა დარგოთ პომიდორი, რომ გაიზარდოს დიდი და გემრიელი.

პომიდვრის დარგვა

ჩამარხეთ თესლი მიწაში, მორწყეთ და გარკვეული პერიოდის მერე მოვა მომავალი პომიდვრის ჩითილების მთელი არმია. ძლიერი ნერგებს ზოგი ღია გრუნტზე დარგავს, ზოგი სათბურში, ზოგიც აივანზე გაზრდის.ამ სტატიაში არ დავიწყებთ იმის ახსნას, თუ სად უნდა დარგოთ ჩითილები. ჩვენ ვისაუბრებთ იმაზე, თუ რაზე უნდა გაამახვილოთ ყურადღება, რათა მიიღოთ უხვი მოსავალი.

მაშ, ასე, რა დაშორებით უნდა დაირგოს პომიდვრის ჩითილები? პომიდორს უყვარს სინათლე. თუ ნერგებს შორის დაშორება მცირე იქნება, ნელა გაიზრდება და ნაყოფიც პატარა ექნება. ბუჩქებს შორის მანძილი დამოკიდებულია პომიდვრის სახეობასა და ჯიშზე.მაღალი ჯიშის პომიდვრები უმჯობესია დაირგოს 70 სმ. დაშორებით, რიგებს შორის მანძილი 1 მეტრი უნდა იყოს. საშუალო სიმაღლის ჯიშები შეგიძლიათ დარგოთ 55 სმ. მანძილზე, ხოლო რიგებს შორის 70-80 სმ მანძილზე.

ხოლო პომიდვრის კომპაქტური ჯიშები, რომლებიც არ გამოირჩევა მაღალი ტოტებით, უნდა დარგოთ 30 სმ დაშორებით, 50 სმ რიგებს შორის მანძილით.გაითვალისწინეთ, რომ სათბურში პომიდვრის ნერგების გაშენებისას თითოეულ ბუჩქს სჭირდება 0.3 კვადრატული მეტრი მიწა. მწკრივებს შორის უნდა იყოს მინიმუმ 40 სმ. მანძილი. ეს არის სტანდარტული ზომები, რომლის მიხედვით თქვენ შექმნით ბუჩქის ზრდის ოპტიმალურ პირობებს – განათებას, კვებას, ვენტილაციას.

სამი წლის წინ მეც ამ სტანდარტული ზომებით ვხელმძღვანელობდი, მაგრამ ყოველწლიურად ვღებულობდი მცირე მოსავალს. მინდოდა დამერგო რაც შეიძლება მეტი სახეობის ნერგი და თანდათან ვამცირებდი სტანდარტებს და გასულ წელს მინიმუმამდე დავიყვანე.ეს მინიმუმი იყო 30 სმ. მანძილი მცენარეებს შორის. ვცადე ერთ ორმოში ორი ნერგის ჩაყრაც, აღარ დამეტია და დამენანა მისი გადაგდება.

საბოლოოდ რთული აღმოჩნდა მათი მოვლა. პომიდორი მუდმივ მოვლას მოითხოვდა. ყოველ დილით სჭირო იყო სათბურის შემოვლა, ზედმეტი ფოთლების მოცილება. მოსავალი არ იყო კარგი და ამასთან ერთად ძალიან გადავიღალე.2022 წლიდან გადავწყვიტე დავიცვა ზემოთ მოცემული სტანდარტები. ვნახოთ, რა გამოვა.

რჩევა რედაქციისგან: “ასეთია პომიდვრის დარგვის სტანდარტული მეთოდი. გასულ წელს ამ ხერხით დავრგე პომიდორი ჩერი. შედეგით კმაყოფილი დავრჩი, მოსავალი უხვად მქონდა” – მითხრა ახლობელმა. ძალიან კარგი, ღირს მისი რჩევის გათვალისწინება. თქვენ რა მანძილზე რგავთ პომიდვრის ნერგებს? გაგვიზიარეთ კომენტარებში.