გაზაფხულის დადგომისთანავე ბევრი ადამიანი აგარაკის მიხედვას ცდილობს. ნერგებს განსაკუთრებულ ყურადღებას უთმობენ. ზოგჯერ კომბოსტოს დათესვის საკითხიც სადავოა, რადგან ყველაზე განსხვავებული მეთოდები არსებობს. Paparazzi ნერგებისთვის კომბოსტოს დათესვის არასტანდარტულ მეთოდს. ასეთი თაიგულის მეთოდი მარტივი, მაგრამ ძალიან წარმატებულია. გამოცდილი მეაგარაკეებიც დააფასებენ და შეიძლება გამოცადონ.
როგორ დავთესოთ კომბოსტო – პირველ რიგში, გაითვალისწინეთ, რომ კომბოსტოს წარმატებულად გასაზრდელად შესაფერისი ნიადაგი სჭირდება. საიდუმლო არაა, რომ კულტურა მჟავე მიწას ცუდად იტანს. ეს როგორც სახლში, ასევე ღია გრუნტში გაზრდას ეხება. უპირატესობა ნეიტრალურ (მჟავიანობის მხრივ) მიწას მიანიჭეთ. კომბოსტოს ნერგს მზის სინათლე სჭირდება. ფანჯრის რაფაზე მხოლოდ მაშინ დადეთ, თუ მზიანი მხარეა. სხვა შემთხვევაში ფიტონათურის შეძენა მოგიწევთ, რომ ნერგი მყიფე და წაგრძელებული არ გაიზარდოს.
კომბოსტოს დარგვის მეთოდი
- უჯრები მზა მიწით თითქმის ბოლომდე გაავსეთ, ოდნავ ჩატუმბეთ. თუ მიწა საკმაოდ მშრალია, დატენიანება არ დაგავიწყდეთ.
- თესლი თითო უჯრაში სათითაოდ ჩაყარეთ ან დათვლის გარეშე მიმოყარეთ. არ დაგავიწყდეთ თითოეულზე ინფორმაციის დაწერა, თუ რამდენიმე სახეობას თესავთ.
- თავსახური დაახურეთ, რომ სათბურის ეფექტი შექმნათ. თბილ ადგილას გაიტანეთ. ოპტიმალური ტემპერატურა – 25-27 გრადუსი. პირველი ყლორტის გამოჩენის შემდეგ უფრო ნათელ ადგილას გაიტანეთ, რომ მეტი სინათლე მიიღოს.
ამ მეთოდით პატარა უჯრაშიც კომბოსტოს ბევრ ნერგს მიიღებთ. ერთგვარი თაიგული იქმნება, რომელიც ცალკეულ კონტეინერებში ჩითილებად შეგიძლიათ დაყოთ.სიტყვაზე, კომბოსტოს გადასარგავად გირჩევთ გამოიყენოთ გამჭვირვალე ჭიქები, რომ ფესვების დანახვა შეძლოთ. გადარგვისას ნერგის უჯრა აიღეთ და მთელი მცენარე ფრთხილად ამოიღეთ. ახლა მიწით მსუბუქად სავსე ჭიქაში თითო მცენარე ირიბად ჩადეთ. ჭიქა მიწით ბოლომდე გაავსეთ, ოდნავ ჩატუმბეთ და მორწყეთ. წარწერა გაუკეთეთ, თუ რამდენიმე სახეობის ნერგი გაქვთ. ნათელ ადგილას გაიტანეთ. მზადაა! როგორ ზრდით კომბოსტოს ნერგს? გაგვიზიარეთ გამოცდილება.
