როდესაც ადამიანი ყიდულობს თანამედროვე სმარტფონს, რამდენიმე ათეული გიგაბაიტი შიდა მეხსიერებით, ის, რა თქმა უნდა, არ ელის, რომ მოწყობილობაზე მეხსიერების ამოწურვის პრობლემას გადააწყდება. თუმცა, უსიამოვნო შეტყობინება შეიძლება გამოჩნდეს ყველაზე მოულოდნელ (და შეუფერებელ) მომენტში. ამიტომ, დროდადრო უნდა გაასუფთავოთ თქვენი მოწყობილობის მეხსიერება.დღეს, პაპარაცის რედაქცია მოგითხრობთ, თუ როგორ უნდა გაათავისუფლოთ მეხსიერება თქვენს ტელეფონზე. ასევე გეტყვით, რატომ შეიძლება შეექმნათ თავისუფალი ადგილის ნაკლებობის პრობლემა იმ მომხმარებლებსაც კი, რომლებიც არაფერს ტვირთავენ თავიანთ სმარტფონებში.
როგორ გავათავისუფლოთ მეხსიერება – რა თქმა უნდა, დროდადრო ღირს, მაგალითად, “გალერეაში” შესვლა და იქიდან იმ სკრინშოტების, ფოტოებისა და ვიდეოების წაშლა, რომლებსაც არანაირი ღირებულება არ გააჩნია. ყველა ეს ფაილი არა მხოლოდ დამატებით ადგილს იკავებს მოწყობილობის მეხსიერებაში, არამედ ართულებს იმ სურათებისა და ვიდეოების პოვნას, რომლებიც ნამდვილად მნიშვნელოვანია და საჭირო.ზოგჯერ, ზედმეტი არ იქნება “პარამეტრებში” გადასვლა, სადაც “აპლიკაციების” განყოფილებაში შეგიძლიათ ნახოთ ყველა პროგრამა, რომელიც ხელმისაწვდომია თქვენს სმარტფონზე. აქ ნახავთ, რამდენ ადგილს იკავებს თითოეული მათგანი. ასევე, აქ არის ინფორმაცია იმის შესახებ, თუ რამდენად ხშირად გამოიყენება ესა თუ ის აპლიკაცია. ეს ტელეფონის მფლობელს დაეხმარება წაშალოს ყველა ის აპლიკაცია, რომელიც მას არ სჭირდება.
ახლა ადამიანები განსაკუთრებით აქტიურად იყენებენ მესენჯერებს, რომელთა დახმარებით შესაძლებელია არა მხოლოდ კომუნიკაცია, არამედ სიახლეების ოპერატიულად გაცნობა, ნებისმიერი ინფორმაციის მიღება. უფრო მეტიც, ყველასათვის საყვარელ ტელეგრამსაც კი საკმაოდ ბევრი ადგილის დაკავება შეუძლია.თუმცა, უნდა დაგამშვიდოთ, რადგან პარამეტრების თვალსაზრისით, ტელეგრამის მესენჯერი ძალიან მოქნილია. პრობლემას მხოლოდ ის წარმოადგენს, რომ ყველა მომხმარებელი არ შედის პარამეტრებში, რათა ყველაფერი თავის სასარგებლოდ დააყენოს. შედეგად, აპლიკაციას შეუძლია ათობით გიგაბაიტიც კი დაიკავოს.
ამიტომ, გადადით მესენჯერის “პარამეტრებში” და ყურადღებით შეისწავლეთ პუნქტი “მონაცემები და მეხსიერება”. მაგალითად, პირველივე პუნქტში – “მეხსიერების გამოყენება” შეგიძლიათ აირჩიოთ, რამდენ ხანს შეინახება სხვადასხვა მედია ფაილები სმარტფონის მეხსიერებაში.ნაგულისხმევად, არჩეულია პუნქტი “ყოველთვის”, რაც იწვევს მოწყობილობის თანდათანობით გადატვირთვას არასაჭირო მონაცემებით. უმჯობესია, აირჩიოთ “3 დღე” ან “1 კვირა”. აქვე შეგიძლიათ გაასუფთავოთ ტელეგრამის ქეში.
ასევე მნიშვნელოვანია მედიის ავტომატური ჩატვირთვის სწორად დაყენება. თანაც, ეს შეიძლება გაკეთდეს ცალკე მობილური ქსელისთვის (იგივე 4G) და ცალკე Wi-Fi-სთვის. ეს არის ძალიან სასარგებლო შესაძლებლობა, რათა ჩატების, ჯგუფებისა და არხების ნახვისას ავტომატურად ჩაიტვირთოს მხოლოდ საჭირო ფაილები.თუ ყველაფერი ნაგულისხმევად დარჩება, მაშინ არასტაბილური კავშირის პირობებშიც კი, სმარტფონი, მესენჯერის გამოყენებისას, ჩამოტვირთავს ყველაფერს, რაც გამოჩნდება. ეს ძალიან არასასიამოვნოა.თანაც, კარგი კავშირის შემთხვევაშიც კი, არ არის საჭირო, რომ ყველა გიფი, ფოტო და ვიდეო ერთი მეორის მიყოლებით ჩაიტვირთოს. ეს, ტრაფიკსაც სწრაფად ხარჯავს და დიდ ადგილსაც იკავებს. ამ მენიუს დანარჩენი პუნქტებიც შეიძლება იყოს საინტერესო. ამიტომ, დააყენეთ ყველაფერი ისე, რომ არაფერი ჩაიტვირთოს თქვენი ნების გარეშე.
ჩვენ ვიმედოვნებთ, რომ ეს რჩევები დაგეხმარებათ კომფორტულად გამოიყენოთ თქვენი სმარტფონი და მასზე დაინსტალირებული აპლიკაციები.
